ຂັບລົດໄລ່ຕຳຈົນເສຍຊີວິດ

         ເຈົ້າໜ້າທີ່  ປກສ ນະຄອນຫຼວງວຽງຈັນ ໃຫ້​ຮູ້​ວ່າ: ໃນວັນທີ 2 ພະຈິກນີ້ ຢູ່ເຂດບ້ານ ໜອງດາ, ໜ້າ ດ່ານປະເພນີ ເມືອງສີໂຄດຕະບອງ ນະຄອນຫຼວງວຽງຈັນ ໄດ້​ເກ​ີດ​ເຫດ​ຂີ່​ລົດ​ໄລ່​ຕຳ​ກັນ​ຈົນ​ເສຍ​ຊີວິດເຊິ່ງຜ່ານການລົງກວດກາພົບເຫັນລົດ ຕູ້ສະຕາແລັກໝາຍເລກທະບຽນ 5462 ແລະ ໂກບລົດຈັກຂອງ ຜູ້ເສຍຊີວິດຈຳນວນໜຶ່ງພົ້ງສະ​ລາຍ​ໄປກາງທາງພາຍຫຼັງທີ່ ປະຊາຊົນໄດ້ນຳເອົາ ຜູ້ທີ່ຂີ່ລົດຈັກຄັນດັ່ງກ່າວ ນຳສົ່ງໂຮງໝໍ ແລ້ວ ເສຍຊີ ວິດໃນເວລາຕໍ່ມາ.

          ຜ່ານການສືບສວນ- ສອບ ສວນ ຂອງເຈົ້າໜ້າທີ່ ປກສ ນະ ຄອນ ຫຼວງວຽງ ຈັນ ຮູ້ວ່າ: ກ່ອນ ເກີດເຫດໄດ້ມີທ້າວ ອາ ທິດ ອາຍຸ 24 ປີຢູ່ບ້ານ ໜອງດາ ເມືອງ ສີ ໂຄດຕະບອງ ນະຄອນຫຼວງວຽງ ຈັນ ແລະ ນາງ ປະດັບເພັດ ອາຍຸ 25 ປີ ຢູ່ບ້ານ ແສງຈັນ ເມືອງ ສີ ໂຄດຕະບອງນະຄອນຫຼວງວຽງ ຈັນ ທັງສອງໄດ້ມີການຜິດຖຽງ ກັນ ພາຍຫຼັງໄດ້ໄປຢືມເງີນນຳ ແມ່ຄ້າ ຢູ່ຕະ ຫຼາດ ສີໄຄ ຈຳນວນ 250.000 ບາດ ແລະ ລວມທັງ ດອກເບ້ຍທີ່ຕ້ອງຈ່າຍແມ່ນ 300.000 ບາດ ແລະໄດ້ນັດໄປ ໄກ່ເກ່ຍ ກັນຢູ່ຫ້ອງການ ປົກຄອງບ້ານໜອງດາ ໃນວັນທີ 2 ພະຈິກ 2013 ພາຍຫຼັງໄກ່ເກ່ຍກັນ ແລ້ວ ທ້າວ ອາທິດ ແລະ ນາງ ແສງຈັນ ໄດ້ຕົກລົງກັນຮັບ ໃຊ້ເງິນທີ່ກູ້ຢືມນັ້ນຄົນລະເຄິ່ງ, ຈາກ ນັ້ນ ຈຶ່ງໄດ້ເຮັດບົດບັນທຶກ ແຕ່ ຂະນະດຽວກັນ ທ້າວ ອາທິດ ບໍ່​ມີ​

ຄວາມ​ພໍ​ໃຈ​ກັບ​ທ່າ​ທີ​ດູ​ຖູ​ກໝິ່ນປະໝາດ​ຂອງ  ນາງ ແສງຈັນ ແລະ ໃນເວລາທີ່ຂີ່ລົດອອກມາ ຈາກຫ້ອງການປົກຄອງບ້ານ ໜອງດາ ທ້າວ​ອາທິດ​ຈຶ່ງ​ໃຊ້​ລົດ​ໄລ່​ຢຽບ​ນາງ ​ແສງຈັນ ​ຈົນເສຍຊີວິດ.

         ເຈົ້າໜ້າທີ່ ປກສ ໃຫ້ເຫດຜົນວ່າ: ເຫດການດັ່ງກ່າວເກີດຂຶ້ນແມ່ນເປັນການເຈດຕະນາຄາດຕະກຳ, ໂດຍຮູບການແມ່ນ ເຮັດເປັນອຸປະຕິເຫດເຊິ່ງປັດຈຸບັນທາງເຈົ້າໜ້າທີ່ໄດ້ນຳຕົວທ້າວອາທິດ ຜູ້ຕ້ອງຫາມາດຳເນີນຄະດີຕາມລະບຽບກົດໝາຍ​ແລ້ວ.