ກຽມຈັດງານເທດສະການ WIG Bazaar ປະຈຳປີ2013

       ວັນທີ 4 ພະຈິກນີ້ສະມາຄົມແມ່ຍິງນາໆຊາດ, ໄດ້ຈັດຖະແຫຼ່ງຂ່າວກ່ຽວ ກັບການກະກຽມຈັດງານຕະຫຼາດນັດລະດົມທຶນ ເພື່ອຊຸມຊົນ ( WIG Bazaar ) ຂຶ້ນຢູ່ສະມາຄົນນັກຂ່າວແຫ່ງປະເທດລາວ, ທ່ານ ນາງ ແອນກາ ແອັບ ເກັນ, ປະ ທານສະມາຄົມ ແມ່ຍິງນາໆຊາດຖະແຫ່ງວ່າ: ງານເທດສະການ WIG Bazaar ປະຈຳປີ 2013 ຈະໄດ້ຈັດຂື້ນຢູ່ທີ່ຄະນະວິສະວະກຳ ມະຫາໄລ ແຫ່ງຊາດ ໃນຕອນ ເຊົ້າຂອງວັນທີ 23 ພະຈິກນີ້ຕັ້ງແຕ່ເວລາ 10 ໂມງເຊົ້າຫາ 5 ໂມງແລງ, ຊຶ່ງໃນ ທຸກໆປີງານເທດສະການດັ່ງກ່າວ ສາມາດດິງດູດມວນຊົນປະມານ 10 ພັນກວ່າ ຄົນເຂົ້າຮ່ວມ ແລະ ສາມາດລະດົມ ທືນ ຊ່ວຍເຫຼືອສຳລັບວຽກງານສາທາລະນະສຸກ ແລະ ໂຄງການສົ່ງເສີມການສຶກສາທີ່ກຳລັງປະຕິບັດຢູ່ໃນຫຼາຍຂົງເຂດທົ່ວປະ ເທດລາວ, ໂດຍຜ່ານການດຳ ເນີນກິດຈະກຳຕ່າງໆພາຍ ໃນງານເຊິ່ງລວມມີຫຼາຍກວ່າ 200 ກິດຈະກຳທີ່ສ້າງສັນ ແລະ ປີນີ້ ກໍຈະຈັດໃຫ້ມີຫຼາຍໆກິດຈະກຳ ເຊັ່ນກັນ ແລະ ບໍ່ພຽງແຕ່ເທົ່າ ນັ້ນພາຍໃນງານຍັງຈະມີການວາງຂາຍສິນຄ້າຫຼາຍຢ່າງເຊັ່ນ:

ເຄື່ອງຫັດຖະກຳ, ເຄື່ອງນຸ່ງຫຸ່ມ ແລະ ອື່ນໆດ້ວຍຫຼາຍລາຍການ, ດັ່ງນັ້ນ ຈຶ່ງຂໍເຊີນຊວນທຸກໆ່ທ່ານ ເຂົ້າຮ່ວມໃນງານດັ່ງກ່າວ ຊຶ່ງລາຍໄດ້ຈາກການຈັດງານແມ່ນຈະນຳໄປມອບໃຫ້ໂຄງການສົ່ງເສີມການສຶກ ສາ ແລະ ສາທາຂອງ WIG ໂດຍກົງ.

       ປະທານສະມາຄົມແມ່ຍິງ ນາໆ ຊາດກ່າວອີກວ່າ:ເປັນເວລາ 20 ກວ່າປີແລ້ວທີ WIG ໄດ້ໃຫ້ການຊ່ວຍເຫຼືອໂຮງຮຽນ ຊຸມຊົນ ໃນ ສປປ ລາວ, ນອກນັ້ນ WIG ຍັງເຮັດວຽກຮ່ວມກັບທີມງານຂອງໂຮງໝໍມະໂຫສົດ ແລະ ທີມແພດໝໍສາກົນເພື່ອ ຊ່ວຍເຫຼືອຄົນເຈັບໃນເຂດຫ່າງໄກສອກຫຼີກຕ່າງໆຂອງລາວອີກດ້ວຍ.

         ການເຄື່ອນໄຫວທຸລະກິດ ຄ້າຂາຍສິນຄ້າປະເພດຕ່າງໆ ຂອງກຸ່ມຄົນຈຳນວນໜຶ່ງທີ່ບໍ່ມີຕົວ ຕົນພວມລົງສູ່ຊຸມຊົນຕ່າງໆຢ່າງ ແຂງແຮງທັງໃນຕົວເມືອງ ແລະ ທ້ອງຖິ່ນ ເຊິ່ງບັນຫາດັ່ງກ່າວ ນອກຈາກເປັນການເຄື່ອນໄຫວ ທີ່ບໍ່ຖືກຕ້ອງຕາມລະບຽບກົດໝາຍ ຂອງລາວແລ້ວຍັງເປັນກາ ລົບຫລີກການເສຍພາສີອາກອນນຳອີກ. ດັ່ງກໍລະນີໜຶ່ງທີ່ມີຜູ້ ຕົກເປັນເຫຍື່ອມາແລ້ວ ຢູ່ບ້ານສີບຸນ ເຮືອງ, ເມືອງຈັນທະບູລີ ນະ ຄອນຫລວງວຽງຈັນ ໄດ້ເອົາໜັງສືສັນຍາສະບັບໜຶ່ງມາໃຫ້ນັກ ຂ່າວ ພວກເຮົາເບິ່ງ, ພາຍຫລັງ ລາວ ໄດ້ຊື້ສິນຄ້າປະເພດໝໍ້ ແລະ ຊາມນຳກຸ່ມຄົນທີ່ອ້າງວ່າມາຈາກ ບໍລິສັດຕົວແທນ ຈຳໜ່າຍສິນຄ້າ ເຄື່ອງໃຊ້ຄົວເຮືອນຈາກ ຕ່າງປະ ເທດໃນລາຄາສູງສົມຄວນ, ແຕ່ ເມື່ອກວດກາເບິ່ງໃບສັນ ຍາທີ່ລູກ ຄ້າໄດ້ຮັບນັ້ນ ເປັນພຽງໃບໂຄ ສະນາສິນຄ້າຊື່ໆ, ມີການລະບຸ ຫົວໜ່ວຍທຸລະກິດອອກຊື່ຊາວຕ່າງດ້າວ, ແຕ່ບໍ່ໄດ້ລະບຸເຖິງທີ່ຕັ້ງຂອງບໍລິສັດ, ບໍ່ມີເບີໂທຕິດຕໍ່ແຕ່ມີກາຈ້ຳແດງວົງມົນທີ່ລະບຸຊື່ບໍ ລິສັດ. ສິ່ງນີ້ຢັ້ງຢືນ ແມ່ນຂະ ບວນການຂອງກຸ່ມຄົນຕ່າງດ້າວສວຍ ໂອກາດເຂົ້າມາ ເຄື່ອນໄຫວ ດຳ ເນີນທຸ ລະກິດຂາຍສິນຄ້າ ທີ່ບໍ່ ຖືກຕ້ອງຕາມກົດໝາຍ ແລະ ບໍ່ມີຕົວຕົນ ໂດຍມີການສ້າງເອກະສານປອມແປງຂຶ້ນມາເພື່ອໂຄສະນາໃຫ້ປະຊາຊົນຫລົງເຊື່ອວ່າ ພວກເຂົາມີບໍລິສັດທີ່ເປັນຕົວເປັນ ຕົນແທ້ ແລະ ມີການ ສວຍໂອກາດນຳໃຊ້ກາຈ້ຳແດງເຊິ່ງແມ່ນ ກາຈ້ຳທາງລັດຖະການທີ່ບໍ່ຖືກ ຕ້ອງ ເຊິ່ງຜ່ານມາມີຜູ້ຕົກເປັນເຫຍື່ອຂອງຂະບວນການແບບນີ້ບໍ່ໜ້ອຍ. ແນວໃດກໍຕາມ, ຈຶ່ງເຕື່ອນມາຍັງສັງຄົມຈົ່ງມີສະຕິລະມັດ ລະວັງຕົວເພື່ອບໍ່ຕົກເປັນເຫຍື່ອຂອງຂະບວນການດັ່ງກ່າວ ແລະ ພ້ອມນັ້ນ ເບື້ອງເຈົ້າໜ້າທີ່ກ່ຽວຂ້ອງກໍຕ້ອງມີມາດຕະການສະ ກັດກັ້ນ ແລະ ນຳຜູ້ກະທຳຜິດມາດຳເນີນຄະດີຕາມລະບຽບກົດໝາຍ ເພື່ອຊ່ວຍໃຫ້ສັງຄົມມີຄວາມສະຫງົບ.