laophatthananewspaper: ລາວ-ຈີນ ສືບຕໍ່ການຮ່ວມມືດ້ານຖະແຫລງຂ່າວ

ໃນຕອນຄ່ຳຂອງວັນທີ 31 ຕຸລາຜ່ານມາ, ທ່ານ ກວນ ຮວາ ບິງ ເອກອັກຄະລັດຖະທູດ ວິສາ ມັນຜູ້ມີອຳ ນາດເຕັມແຫ່ງ ສປ.ຈີນ ປະຈຳລາວ,ໄດ້ຈັດງານລ້ຽງເ ພື່ອພົບປະໂອ້ລົມ ກັບທ່ານ ສຈ.ດຣ. ບໍ່ແສງຄຳ ວົງດາລາ ລັດຖະມົນຕີວ່າການ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ລວມທັງຄະນະບັນນາ ທິການໃຫຍ່ຈາກຂະແໜງສື່ສິ່ງພິມ, ວິ ທະຍຸ ແລະ ໂທລະພາບແຫ່ງຊາດລາວ,ຢູ່ສະຖານທູດຈີນນະຄອນ ຫລວງວຽງຈັນ.

ໂອກາດນີ້ ທ່ານລັດຖະມົນ ຕີວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ສະແດງຄວາມຂອບໃຈ ທີ່ທ່ານທູດຈັດງານລ້ຽງຕ້ອນຮັບຄັ້ງນີ້, ທັງໄດ້ຍົກໃຫ້ເຫັນໃນໄລ ຍະຜ່ານມາ ກະ ຊວງຖະແຫລງ ຂ່າວ, ວັດທະນາທຳ ແລະ ທ່ອງ ທ່ຽວ ກໍຄື ບັນດາສື່ມວນຊົນທຸກ ຂະແໜງການ ໄດ້ມີການພົວພັນຮ່ວມມືກັບສະຖານທູດຈີນ ລວມ ທັງສຳນັກຂ່າວຂອງລັດຖະບານຈີນເປັນຢ່າງດີ ແລະ ໃນອະນາ ຄົດ ສອງຝ່າຍກໍຍັງມີຄວາມມຸ່ງ ໝັ້ນ ສືບຕໍ່ການຮ່ວມມືກັນໃຫ້ດີກວ່າເກົ່າ.ມີຄວາມດີໃຈທີ່ ສປປ ລາວ ມີສະຖານີວິທະຍຸກະຈາຍ ສຽງສາກົນແຫ່ງ ປະເທດຈີນ

(CRI) ເຊິ່ງໄດ້ມີການພົວພັນຮ່ວມມືອັນດີ ກັບສະຖານີວິທະຍຸກະ ຈາຍສຽງແຫ່ງຊາດລາວ ໃນ ການສື່ສານສະພາບການຕ່າງໆໄປທົ່ງໂລກ ແລະ ໃນຕໍ່ໜ້າຈະມີຄວາມພະຍາຍາມ ໃຫ້ມີການກະ ຈາຍສຽງພາກພາສາຈີນ. ນອກຈາກການຮ່ວມມືດ້ານຖະແຫລງ ຂ່າວ ຍັງມີການຮ່ວມມືດ້ານວັດ ທະນະທຳ ແລະ ການທ່ອງທ່ຽວ ຂອງ ສອງປະເທດ ເຮັດໃຫ້ນັກທ່ອງທ່ຽວເຂົ້າມາລາວຫລາຍຂຶ້ນ. ທ່ານ ສຈ.ດຣ. ບໍ່ແສງຄຳ ວົງດາລາ ຢ້ຳອີກວ່າ: ກະຊວງ ຖວທ ມີຄວາມພ້ອມເພື່ອສ້າງຄວາມເຂົ້າອົກເຂົ້າໃຈລະຫວ່າງພັກ-ລັດຖະບານ ສອງປະເທດ ທັງເປັນການເພີ່ມທະວີການພົວພັນຮ່ວມມືແບບຮອບດ້ານລະຫວ່າງ ລາວ-ຈີນ ໃຫ້ຈະເລີນງອກງາມຂຶ້ນເລື້ອຍໆ.

ທ່ານທູດ ກວນ ຮວາ ບິງ ກໍ ໄດ້ກ່າວວ່າ: ໃນປີ 2009 ປະເທດ ຈີນ-ລາວ ໄດ້ສ້າງຕັ້ງສາຍພົວພັນເປັນຄູ່ຮ່ວມມືຍຸດທະສາດຮອບ ດ້ານ ຫລື ປະມານ 4 ກວ່າປີຜ່ານ ມາ ຊຶ່ງເປັນໄລຍະທີ່ດີທີ່ສຸດໃນປະຫວັດສາດ, ພາຍໃຕ້ອຸດົມຄະຕິສັງ ຄົມນິຍົມອັນດຽວກັນ ສອງປະເທດໄດ້ລົງເລິກການຮ່ວມມືໃນຂົງເຂດຕ່າງໆຢ່າງບໍ່ຢຸດຢັ້ງ, ມີຄວາມໄວ້ເນື້ອເຊື່ອໃຈກັນລະດັບສູງທາງດ້ານການເມືອງ ແລະ ມີໄຊຊະນະພ້ອມກັນທາງດ້ານເສດ ຖະກິດ. ປະຊາຊົນສອງຊາດມີຄວາມສະໜິດແໜ້ນ ເປັນເພື່ອນມິດທີ່ດີ ເປັນສະຫາຍທີ່ດີ ແລະ ເປັນຄູ່ຮ່ວມມືທີ່ດີຢ່າງແທ້ຈິງ. ປີນີ້ ເປັນປີແຫ່ງການປ່ຽນແປງລັດ ຖະບານສະໄໝໃໝ່,ມູນເຊື້ອການ ພົວພັນຈີນ-ລາວ ກ້າວສູ່ໄລຍະການພັດທະນາໃໝ່ ເຊິ່ງແມ່ນຄວາມປາຖະໜາຂອງສອງປະເທດ.

ສື່ມວນຊົນສອງປະເທດ ໄດ້ເສີມຂະຫຍາຍການຮ່ວມມື ປະກອບ ສ່ວນເຂົ້າໃນການພັດທະນາສາຍພົວພັນສອງປະເທດ ດ້ວຍການໂຄສະນາລາຍງານສະພາບການພັດທະນາເສດຖະກິດ-ສັງຄົມ ຈີນ-ລາວ, ລວມທັງນະໂຍ ບາຍການຕ່າງປະເທດ ແລະການຮ່ວມ ມືທຸກຂົງເຂດຢ່າງພາວະວິໄສ ແລະ ທ່ຽງທຳ. ໃນຕະຫລອດເວ ລາອັນຍາວນານນີ້ ຝ່າຍຈີນໄດ້ຖືສຳຄັນຢ່າງສູງຕໍ່ ການແລກ ປ່ຽນ ແລະ ການຮ່ວມມືຂອງສື່ມວນຊົນສອງປະເທດ, ທັງຍິນດີຈະສະໜອງການຊ່ວຍເຫລືອພາຍໃນຄວາມສາມາດ ສະຖານທູດຈີນ ກໍຈະສືບຕໍ່ຂະຫຍາຍບົດບາດ ແລະ ຕັ້ງໜ້າຊຸກຍູ້ສື່ມ່ວນຊົນສອງປະເທດ ເພີ່ມທະວີການຣ່ວມມືກັນຢ່າງແທ້ຈິງ.