ກອງປະຊຸມເຈົ້າຫນ້າທີ່ອາວຸໂສ ຂົນສົ່ງອາຊຽນຄັ້ງທີ 36

         ກອງປະຊຸມເຈົ້າໜ້າທີ່ອາວຸ ໂສຂົນສົ່ງອາຊຽນ ຄັ້ງທີ 36 ເພື່ອ ກະກຽມໃຫ້ແກ່ ກອງປະຊຸມລັດ ຖະມົນຕີຂົນສົ່ງອາຊຽນ ຄັ້ງທີ 19 ທີ່ຈະໄຂຂຶ້ນໃນວັນທີ 19-20 ທັນ ວາ 2013 ທີ່ເມືອງປາກເຊ ແຂວງ ຈໍາປາສັກ, ໄດ້ຈັດຂຶ້ນໃນຕອນ ເຊົ້າຂອງວັນທີ 16 ທັນວານີ້, ພາຍໃຕ້ເປັນປະທານ ຂອງທ່ານ ລັດ ຕະນະມະນີ ຄູນນິວົງ ລັດຖະ ມົນຕີ “ຊ່ວຍວ່າການກະຊວງ ໂຍທາທິການ ແລະ ຂົນສົ່ງ, ທ່ານ ດຣ. ບຸນຖອງ ດີວິໄຊ ຮອງເຈົ້າ ແຂວງໆຈໍາປາສັກ, ມີຫົວໜ້າ ເຈົ້າໜ້າທີ່ອາວຸໂສ ແລະ ວິຊາການໃນບັນ ດາປະເທດອາຊຽນເຂົ້າຮ່ວມ.

     ທ່ານ ມັດ ສູນມາລາ ຫົວໜ້າກົມແຜນການ ແລະ ການຮ່ວມ ມືກະຊວງໂຍທາທິການຂົນສົ່ງ ໄດ້ແຈ້ງໃຫ້ຮູ້ວ່າ:ກອງປະຊຸມ ຄັ້ງນີ້ ໄດ້ພ້ອມກັນ ຄົ້ນຄວ້າ ແລະ ທົບທວນຄືນການ ເຊື່ອມຈອດດ້ານການຂົນສົ່ງ ທາງບົກ, ທາງນ້ຳ ແລະ ທາງອາກາດເພື່ອ ກະກຽມໃຫ້ແກ່ກອງປະຊຸມລັດຖະມົນຕີຂົນສົ່ງອາຊຽນຄັ້ງທີ 19. ສຳລັບຄວາມພ້ອມໃນການຂົນສົ່ງເຊື່ອມຈອດຂອງປະເທດ

ລາວເຊິ່ງເປັນປະເທດໃຈກາງທາງຜ່ານບັນດາປະເທດອາຊຽນນັ້ນ, ໄດ້ສະເໜີໃຫ້ບັນດາປະທດທີ່ໃຫ້ການຊ່ວຍເຫລືອເຂົ້າ ຮ່ວມປະສານງານວຽກງານພື້ນຖານໂຄງລ່າງເພື່ອໃຫ້ພື້ນຖານໂຄງລ່າງຂອງລາວທີ່ຍັງບໍ່ໄດ້ມາດຕະຖານໄດ້ຮັບການຍົກສູງທຽບ ເທົ່າກັບບັນດາປະເທດທີ່ພັດທະນາແລ້ວ. ເພື່ອເຮັດໃຫ້ການຂົນສົ່ງຜ່ານປະເທດມີຄວາມສະດວກ, ການຄົມມະນາຄົມຂົນສົ່ງ ໃນ ບັນດາປະເທດອາຊຽນມີການເຊື່ອມໂຍງ ແລະ ເຊື່ອມຈອດກັນ.