ນາຍົກເນັ້ນເພື່ອຮັກສາຄວາມຫມັ້ນທ່ຽງຂອງເສດຖະກິດໃນຕໍ່ຫນ້າ ຕ້ອງປະຕິບັດຫລາຍຫນ້າວຽກ ຢ່າງເຄັ່ງຄັດ

       ລັດຖະບານໄດ້ກຳນົດຄາດໝາຍ ແລະ ມາດຕະການ ເພື່ອຮັກສາຄວາມໝັ້ນທ່ຽງ ແລະ ການ ເຕີບໂຕຂອງເສດຖະກິດມະຫາພາກໃນຕໍ່ໜ້າໂດຍສະເພາະໃນສົກປີ 2013-2014 ແມ່ນເຮັດທຸກ ສິ່ງທຸກຢ່າງເພື່ອຮັບປະກັນໃຫ້ເສດຖະກິດຂອງ ຫຍາຍຕົວໃນຈັງຫວະຕໍ່ເນື່ອງ ແລະ ຮັກສາຄວາມ ໝັ້ນທ່ຽງຂອງເສດຖະກິດມະຫາພາກໃຫ້ໄດ້ໂດຍປະຕິບັດບັນດາຄາດໝາຍຂອງແຜນພັດທະນາ ເສດຖະກິດ-ສັງຄົມ 5 ປີ ແຫ່ງລັດຄັ້ງທີ VII( 2011-2015) ຊຶ່ງດຳລັດເລກທີ 288/ນຍ ກຳນົດ ໄວ້ເປັນຕົ້ນແມ່ນຕ້ອງຮັກສາຂອບການດຸ່ນດ່ຽງຕ່າງໆທີ່ໄດ້ກຳນົດໄວ້ໃຫ້ເຂັ້ມງວດ.

       ທ່ານ ທອງສິງ ທຳມະວົງ ນາຍົກລັດຖະມົນຕີ ໄດ້ຊີ້ແຈງເພີ່ມເຕີມກ່ຽວກັບບາງສະພາບພົ້ນ ເດັ່ນຂອງເສດຖະກິດມະ ຫາພາກ ແລະ ມາດຕະຖານຄວາມໝັ້ນທ່ຽງໃນສະເພາະໜ້າຕໍ່ກອງ ປະ ຊຸມສະໄໝາສາມັນເທື່ອທີ 6 ຂອງສະພາແຫ່ງຊາດຊຸດທີ VII ໂດຍ ທ່ານໄດ້ໃຫ້ຮູ້ເຖິງມາດຕະການ ຮັກສາຄວາມໝັ້ນທ່ຽງຂອງເສດ ຖະກິດມະຫາພາກຄືແກ້ໄຂຄວາມບໍ່ຄ່ອງຕົວຂອງ ລະບົບການເງິນ (ການຂາດດູນງົບປະມານ) ແລະ ປະຕິບັດວິໄນດ້ານການເງິນຢ່າງ ເຄັ່ງຄັດເຊິ່ງບັນດາວຽກທີ່ຈະຕ້ອງຕ້ອງເຮັດ ປະກອບມີເພີ່ມທະ ວີຄວາມຮັບຜິດຊອບໃນການເກັບລາຍຮັບພາຍໃນໃຫ້ໄດ້ຕາມແຜນໃນສົກປີນີ້ ໃຫ້ບັນລຸ 25.216ຕື້ກີບ,ປະຕິບັດລາຍຈ່າຍຢ່າງ ເຄັ່ງຄັດ, ສ້າງຄັງສະສົມແຫ່ງລັດໃຫ້ໄດ້ ຕາມຂອບຂອງແຜນ 5 ປີກຳນົດ, ປະຕິບັດວິໄນ ແລະ ກົດ ໝາຍງົບປະມານ, ກົດໝາຍ
ພາສີ-ອາກອນ ແລະ ອື່ນໆ ພ້ອມທັງເອົາໃຈໃສ່ ເປັນພິເສດຕໍ່ການປະຕິບັດກົດໝາຍວ່າດ້ວຍການ ສໍ້ລາດບັງຫລວງຢ່າງແຂງແຮງ, ສະກັດກັ້ນ ການຮົ່ວໄຫລຂອງງົບປະມານ, ຄົ້ນຄວ້ານະໂຍບາຍໃໝ່ກ່ຽວກັບການເງິນ, ພາສີ-ອາກອນ ໃນ ເງື່ອນ ໄຂເຊື່ອມໂຍງກັບສາກົນ ແລະ ພາກພື້ນ; ເພີ່ມທະວີລະດົມການລົງທຶນ ແລະ ປະຕິບັດວິໄນແຜນການ ຢ່າງເຄັ່ງຄັດ ໃນນັ້ນ ເອົາໃຈໃສ່ປະຕິບັດຄາດໝາຍການລົງທຶນຕາມແຜນພັດທະນາເສດຖະກິດແຫ່ງລັດ 5 ປີ ໃຫ້ ໄດ້ຫລາຍ ກວ່າ 127.000 ຕື້ກີບ, ຟື້ນຟູ ແລະ ແກ້ໄຂຜົນກະທົບຈາກ ໄພນ້ຳຖ້ວມໃຫ້ກັບຄືນສູ່ສະພາບປົກກະຕິໂດຍໄວ; ແກ້ໄຂສະ ພາບຄວາມຝືດຂອງການຈໍລະຈອນເງິນຕາ ແລະ ການຊຳລະສະສາງຂອງລະບົບທະນາຄານ ໃນນັ້ນ ແມ່ນເອົາໃຈໃສ່ປັບປຸງ ນະໂຍບາຍອັດຕາດອກເບ້ຍເງິນຝາກ ແລະ ເງິນກູ້ຕາມທິດສົ່ງເສີມການຜະລິດເປັນສິນຄ້າ, ການບໍລິການພາຍໃນ, ຄວບຄຸມ ການຊື້-ຂາຍເງິນຕາ ແລະ ການຊຳລະ ສະສາງຂອງລະບົບທະນາຄານ; ປະຕິບັດນະໂຍບາຍສົ່ງເສີມການຜະລິດເປັນສິນຄ້າ ແລະ ຄວບຄຸມລາຄາສິນຄ້າ ຈຳເປັນ 4 ປະເພດ ຄື: ນ້ຳມັນ, ເຂົ້າ, ຊີ້ນ ແລະ ປາດ້ວຍການດຸ່ນດ່ຽງຈາກເຂດເຫລືອໄປສູ່ເຂດ ບໍ່ພໍ; ເພີ່ມທະວີຄວາມສັກສິດ ແລະ ປະສິດທິຜົນໃນການບໍລິຫານຄຸ້ມຄອງເສດຖະກິດ-ສັງຄົມ ໃນສະພາບເສດຖະກິດມີ ຄວາມຫຍຸ້ງຍາກໃນນັ້ນ ຕ້ອງໄດ້ປັບປຸງປ່ຽນແປງການເຄື່ອນໄຫວຂອງພາກລັດແຕ່ສູນກາງລົງຮອດທ້ອງຖິ່ນ.

     ໄປພ້ອມໆກັນນີ້, ຕ້ອງເພີ່ມທະວີການອົບຮົມດ້ານການເມືອງ, ບຸກທະລຸດ້ານຈິນຕະນາການຂອງພະນັກງານ-ລັດຖະ ກອນ, ນັກທຸລະກິດ ແລະ ປະຊາຊົນ ໃນເງື່ອນໄຂເສດຖະກິດຕະຫລາດ, ການເຊື່ອມໂຍງສາກົນເປັນຕົ້ນແມ່ນ ໃນສະພາບ ຄວາມຫຍຸ້ງຍາກທາງດ້ານການເງິນຊຶ່ງວຽກທີ່ສຳຄັນແມ່ນຕ້ອງເສີມສ້າງບັນຍາກາດຄວາມສາມັກຄີພາຍໃນ ແລະ ປຸກລະດົມ ຂະບວນຮັກຊາດ ແລະ ພັດທະນາຢ່າງແຂງແຮງຕໍ່ເນື່ອງ, ລະດົມຊາວລາວຫັນມາຊົມໃຊ້ຜະ ລິດຕະພັນລາວ, ໃຊ້ເງິນກີບລາວ, ຊ່ວຍກັນຈຳກັດຄ່ານິຍົມຂອງສັງຄົມທີ່ສົ່ງເສີມຄວາມຟູ່ມເຟືອຍ, ເພີ່ມທະວີການຄົ້ນຄວ້າ, ສຳມະນາວິທະຍາສາດເພື່ອຊອກ ຫາວິທີການ, ມາດຕະການໃນການແກ້ໄຂ ຄວາມຫຍຸ້ງຍາກດ້ານງົບປະມານ ແລະ ການສ້າງສະຖຽນລະພາບຂອງເສດຖະກິດ ມະຫາພາກ, ຂຸດຄົ້ນສ້າງລາຍຮັບທີ່ຖືກກົດໝາຍ ແລະ ອື່ນໆ.