ກອງປະຊຸມເຈົ້າຫນ້າທີ່ອາວຸໂສຂົນສົ່ງອາຊຽນບວກຄູ່ຮ່ວມເຈລະຈາສືບຕໍ່ປຶກສາຫາລືວຽກງານຂົນສົ່ງ

        ກອງປະຊຸມເຈົ້າໜ້າທີ່ ອາວຸ ໂສຂົນສົ່ງອາຊຽນ ຄັ້ງທີ 36 ໄດ້ ຈັດຂຶ້ນເປັນມື້ທີ ສອງ ໃນຕອນເຊົ້າ ວັນທີ 17 ທັນວາ 2013 ທີ່ໂຮງ ແຮມ ຈຳປາສັກແກຣນ ເມືອງ ປາກເຊ ແຂວງ ຈຳປາສັກ ພາຍ ໃຕ້ການເປັນປະທານ ຂອງທ່ານ ມັດ ສູນມາລາ ຫົວໜ້າກົມແຜນ ການ ແລະ ການຮ່ວມມືກະຊວງໂຍທາທິການ ແລະ ຂົນສົ່ງຂອງ ລາວ, ມີບັນດາເຈົ້າໜ້າທີ່ອາວຸໂສ  ແລະ ວິຊາການຂົນສົ່ງອາຊຽນ ເຂົ້າຮ່ວມ. ກອງປະຊຸມໄດ້ສືບຕໍ່ປະ ກອບຄຳ ຄິດຄຳເຫັນໃສ່ແຜນ ການ ຮ່ວມມືວຽກ ງານຂົນສົ່ງ ທາງນ້ຳທາງບົກ ແລະ ທາງອາ ກາດ, ເພື່ອກຽມສະເໜີ ແລະ ຮັບ ຮອງໃນກອງປະຊຸມ ລັດຖະມົນຕີ ຂົນສົ່ງອາຊຽນ ຄັ້ງທີ 19  ທີ່ຈະ ຈັດຂຶ້ນ ໃນວັນທີ 19-20 ທັນວານີ້.                     

         ສ່ວນໃນຕອນບ່າຍຂອງວັນ ດຽວ ກັນກອງປະຊຸມເຈົ້າໜ້າທີ່ ອາວຸໂສ ຂົນສົ່ງ ອາຊຽນ ບວກຄູ່ ຮ່ວມເຈລະຈາ, ອາ ຊຽນ-

ຈີນ ຄັ້ງ ທີ 12 ໄດ້ປືກສາຫາ ລືຂອບການ ຮ່ວມມື ການຂົນສົ່ງອາ ຊຽນກັບ ຄູ່ຮ່ວມໃນໄລຍະທີ່ຜ່ານມາ ໂດຍສະເພາະ ວຽກທີ່ຍັງ ຈັດຕັ້ງປະຕິ ບັດບໍ່ທັນສຳເລັດ ເພື່ອພ້ອມກັນ ຄົ້ນ ຄ້ວາຊອກຫາຊ່ອງທາງ ແລະ ຮ່ວມມືກັນແກ້ໄຂ, ເພື່ອເຮັດໃຫ້ ການເຊື່ອມ ໂຍງການຄົມມະນາ ຄົມຂົນສົ່ງໃນພາກພື້ນມີຄວາມ ສະດວກວ່ອງໄວ ແລະ ປະຢັດຕົ້ນທຶນ, ຮັບປະກັນຄວາມ ປອດໄພ, ພ້ອມ ກັນນີ້ກອງປະຊຸມກໍໄດ້ປືກ ສາຫາລື ແລະ ຊອກຊ່ອງທາງປັບ ປຸງບັນຫາ ທີ່ຄົງຄ້າງໃນບັນດາ ປະເທດ ອາຊຽນ ແລະ ບັນດາຄູ່ ຮ່ວມເຈລະຈາທີ່ເຫັນວ່າພື້ນຖານໂຄງລ່າງດ້ານ ຄົມ ມະນາຄົມຍັງບໍ່ທັນສະດວກ ແລະ ບໍ່ໄດ້ມາດຖານ ທັງໝົດ ເຫລົ່ານັ້ນ ກໍເພື່ອເຮັດໃຫ້ວຽກ ງານຂົນສົ່ງລະຫວ່າງບັນດາປະ ເທດອາຊຽນ ແລະ ຄູ່ຮ່ວມເຈລະ ຈາມີຄວາມເປັນເອກະພາບ, ບໍ່ ໃຫ້ແຕກ ໂຕນກັນ.