ສາທາກຽມພ້ອມຮັບມືກັບໄຂ້ເລືອດອອກໃນຕໍ່ຫນ້າ

      ດັ່ງທີ່ພວກເຮົາຮູ້ນຳກັນແລ້ວ ວ່າປີນີ້ພະຍາດ ໄຂ້ເລືອດອອກ ໄດ້ເກີດລະບາດ ເລີ່ມ ແຕ່ຕົ້ນປີ ແລະ ແກ່ຍາວຈົນມາຮອດ ເດືອນກັນຍາຈຶ່ງສາມາດຢຸດຕິພະຍາດ ດັ່ງ ກ່າວລົງໄດ້ນີ້ກໍຍ້ອນການ ເປັນເຈົ້າການຂອງສາທາລະນະສຸກ ແລະ ການປະກອບ ສ່ວນຂອງ ທົ່ວສັງຄົມໃນການ ສະກັດກັ້ນ ແລະ ຕ້ານພະຍາດດັ່ງກ່າວ ແລະ ເມື່ອບໍ່ ດົນມານີ້ທາງຄະນະກຳມະການຄວບ ຄຸມການລະບາດ ຂອງພະຍາດໄຂ້ເລືອດອອກໄດ້ ຈັດກອງປະຊຸມສະຫຼຸບການ ເຄື່ອນໄຫວວຽກງານນີ້ ຂື້ນ,ໂດຍ ທ່ານ ດຣ ແສງທອງ ບີລາກຸນ , ຫົວ ໜ້າພະແນກສາທາລະນະສຸກ ນະ ຄອນຫຼວງ ໄດ້ຍົກໃຫ້ເຫັນ ວ່າ: ເພື່ອເຮັດໃຫ້ວຽກ ງານສະ ກັດກັ້ນ ແລະ ຕອບໂຕ້ໄຂ້ເລືອດ ອອກມີປະສິດທິພາບພວກເຮົາ ຕ້ອງໄດ້ວາງແຜນໄວ້ຄື: 1  ຕ້ອງ ເອົາໃຈໃສ່ເກັບ ກຳຂໍ້ມູນ ຢູ່ຕາມ ໂຮງໝໍຕ່າງໆ,ຖືກຕ້ອງ,ຄົບຖ້ວນ, ຊັດເຈນ ແລະ ທັນເວລາ, 2 ຕ້ອງກະກຽມວັດຖຸ ອຸປະກອນ ແລະ ຢາປິ່ນ ປົວ, ຢາຂ້າຍຸງລາຍໃຫ້ ພຽງພໍ, 3 ຕ້ອງກວດກາຈຳແນກ ຊະນິດຍຸງ ແລະ ການເຝົ້າລະວັງໃຫ້ເປັນປະຈຳ, 4

ຕ້ອງເອົາໃຈ ໃສ່ເຮັດ ວຽກງານໂຄສະນາສຸຂະ ສຶກ ສາຢ່າງຕໍ່ເນື່ອງ ແລະ ມີຄຸນ ນະພາບ,5 ຄະນະກຳມະການສົ່ງເສີມສຸຂະພາບ ຕ້ານ ແລະ ຄວບ ຄຸມ ພະຍາດໄຂ້ເລືອດອອກທຸກ ຂັ້ນ ຕ້ອງມີການປຶກສາຫາລືຊ່ວຍ ເຫຼືອຊຶ່ງກັນ, 6 ການ ຕອບໂຕ້ພະຍາດດັ່ງ ກ່າວຕ້ອງຫັນ ເປັນໂຄງການເພື່ອຊ່ວຍໃນການເຝົ້າລະວັງ ແລະ 7 ຕ້ອງເອົາໃຈໃສ່ຍົກລະດັບຄວາມຮູ້ຄວາມສາມາດຂອງ ແພດ ໝໍຢູ່ແຕ່ ລະທ້ອງຖິ່ນໃຫ້ມີຄວາມຮັບຮູ້ ແລະ ເຂົ້າໃຈແຈ້ງຕໍ່ພະຍາດດັ່ງກ່າວເພື່ອຈະຊ່ວຍໃຫ້ຄວາມຮູ້ແກ່ປະຊາຊົນຕອບໂຕ້ກັບ ພະຍາດໄຂ້ເລືອດອອກໃຫ້ມີປະສິດທິພາບ.