ເມື່ອວັນທີ 16 ພຶດສະພາຜ່ານມານີ້, ສານປະຊາຊົນແຂວງຫົວ
ພັນ ໄດ້ຕັດສິນລົງໂທດນາງ ອາລຸນໄຊ ແກ້ວມະນີ ອາຍຸ 31 ປີ ອະດີດພະນັກງານວິຊາການຫ້ອງ
ການການເງິນເມືອງຊຳເໜືອ, ທ້າວ ສົມມິດຕາ ແກ້ວປະເສີດ ອາຍຸ 32 ປີ ອະດີດພະນັກ
ງານວິຊາການຫ້ອງການງົບປະມານ ພະແນກການເງິນແຂວງຫົວພັນ, ທ້າວ ທ່ອນສີ ບຸນລືວີ
ອາຍຸ 54 ປີ ອະດີດຫົວໜ້າຫ້ອງ ການງົບປະມານ ພະແນກການເງິນແຂວງຫົວພັນ, ທ່ານນາງ
ວອນໃຈ ເຮືອງພິດາ ອາຍຸ 30 ປີ ອະດີດພະ ນັກງານຫ້ອງງົບປະ ມານພະ ແນກການເງິນແຂວງຫົວພັນ,
ທ້າວ ຄອນໄຈ ວິຫ້າຄຳໄຊ ອາຍຸ 49 ປີ ອະດີດຫົວໜ້າຫ້ອງການສຶກສາເມືອງຊຳເໜືອ, ທ້າວ
ທອງພັນ ຄຳມີໄຊ ອາຍຸ 44 ປີ ອະດີດພະນັກງານຫ້ອງການສຶກ ສາເມືອງຊຳເໜືອ, ນາງ ວັນພອນ
ທອງທະວີ ອາຍຸ 32 ປີ ພະ ນັກງານການເງິນ ຫ້ອງການສຶກ ສາເມືອງຊຳເໜືອ, ທ່ານນາງ
ໄຄຄຳ ອູ່ທອງຄຳ ອາຍຸ 34 ປີ ອະ ດີດພະນັກງານສຶກສາເມືອງຊຳເໜືອ, ທ່ານ ຄຳຜາຍ ນັນທະວົງດວງສີ
ອາຍຸ 47 ປີ ອະດີດຫົວ ໜ້າຫ້ອງການການເງິນເມືອງຫົວ
ເມືອງ ແລະ ທ້າວ ອຸດອນ ຄຳມີໄຊ
ອາຍຸ 30 ປີ ອະດີດຮອງຫົວ ໜ້າຫ້ອງການການເງິນເມືອງຫົວເມືອງ ໄດ້ຖືກສານຕັດສິນລົງໂທດຈຳຄຸກນັບແຕ່
6-10 ປີ ໂດຍພວກກ່ຽວມີຄວາມຜິດຖານສໍ້ໂກງຊັບສິນຂອງລັດຜູ້ຫລາຍຮ້ອຍລ້ານກີບ ດ້ວຍຮູບການຕື່ມໂຕເລກໃສ່ໃນແຜນງົບປະມານຂອງຫ້ອງການສຶກສາບັນດາເມືອງ
ເຊິ່ງເປັນການກະທຳທີ່ຜິດຕໍ່ກົດ ໝາຍອາຍາ ທັງເປັນການສ້າງຜົນສະທ້ອນອັນບໍ່ດີມາສູ່ສັງຄົມ
ເຮັດໃຫ້ຊັບສິນຂອງລັດຖືກເສຍຫາຍຢ່າງຫລວງຫລາຍ.
ຂ່າວໃຫ້ຮູ້ອີກວ່າ: ໃນວັນທີ 20 ພຶດສະພານີ້,
ສານປະຊາຊົນນະຄອນຫລວງວຽງຈັນໄດ້ເປີດປະຊຸມສານ ເພື່ອຕັດສິນຄະດີນາງ ດອນໄຊ ອາຍຸ
30 ປີ ອາຊີບຄ້າຂາຍ ຢູ່ບ້ານຜາແຫ້ງ ເມືອງນາຊາຍທອງ ນະຄອນຫລວງວຽງຈັນ ໃນຂໍ້ຫາສໍ້ໂກງຊັບພົນ
ລະເມືອງ ແລະ ການຫາຄວາມບໍ່ຈິງໃສ່ຜູ້ອື່ນໂດຍມີໂຈດທາງແພ່ງ 5 ຄົນ ທີ່ຖືກເສຍຫາຍມາຮ້ອງຟ້ອງສານ
ເຊິ່ງຜູ້ຕ້ອງຫາໄດ້ຖືກເຈົ້າໜ້າທີ່ຈັບຕົວມາດຳເນີນຄະດີໃນວັນທີ 16 ເມສາ
2013 ມີມູນຄ່າເສຍຫາຍ 200 ກວ່າລ້ານກີບ ແລະ ຈາກການ ຄົ້ນຄວ້າຂໍ້ມູນຫລັກຖານ
ແລະ ຄຳສາລະພາບຂອງຜູ້ຕ້ອງຫາ ເຫັນວ່າເປັນການກະທຳຜິດໃນສະຖານສໍ້ໂກງຊັບພົນລະເມືອງ
ໂດຍມີເຈດຕະນາ ສານຈຶ່ງຕັດ ສິນລົງໂທດຕັດອິດສະລະພາບຈຳຄຸກ 2 ປີ 6 ເດືອນ
ພ້ອມປັບໄໝເງິນ 4 ລ້ານກີບ ແລະ ຕັດອິດສະລະພາບ 1 ປີ ປັບໄໝເງິນ 3 ແສນກີບ ໃນຄຳຜິດຫາຄວາມບໍ່ຈິງໃຫ້ຜູ້ອື່ນ.
ພ້ອມນີ້ ຍັງໃຫ້ຜູ້ຕ້ອງຫາໃຊ້ແທນເງິນທີ່ຜູ້ກ່ຽວຕົວະໄປແມ່ນ 200 ລ້ານກີບ
ຄືນໃຫ້ກັບຜູ້ເສຍຫາຍ.
No comments:
Post a Comment