ຜົນສຳເລັດຂອງກອງປະຊຸມຄະນະກຳມະການຖະແຫລງຂ່າວ- ວັດທະນະທຳອາຊຽນ ຄັ້ງທີ 49.

     ກອງປະຊຸມປະຈຳປີ ຂອງຄະ ນະກຳມະການຖະແຫລງຂ່າວ ແລະ ວັດທະນະທຳອາຊຽນ ຄັ້ງ ທີ 49 ( 49th ASEAN-COCI) ໄດ້ຈັດຂຶ້ນທີ່ແຂວງສຽມຣຽບ, ຣາຊະອານາຈັກ ກຳປູເຈຍ ແຕ່ ວັນທີ 14-27 ພະຈິກນີ້ ໂດຍການ ເປັນປະທານຂອງທ່ານ ຮັດ ຊຳ ອາດ ປະທານຄະນະກຳມະ ການຖະແຫລງຂ່າວ-ວັດທະນະ ທຳອາຊຽນ, ກຳປູເຈຍເຊິ່ງມີ ຫົວໜ້າຄະນະກຳມະການຖະ ແຫລງຂ່າວ-ວັດທະນະທຳອາ ຊຽນ, ອະນຸກຳມະການວັດທະ ນະທຳ ແລະ ອະນຸກຳມະການ ຖະແຫລງຂ່າວ, ກອງເລຂາອາ ຊຽນ ແລະ ພະນັກງານວິຊາ ການທີ່ກ່ຽວຂ້ອງເຂົ້າຮ່ວມ.

     ຄະນະຜູ້ແທນ ສປປ ລາວ ນຳໂດຍທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນ ຊົນ, ຫົວໜ້າຄະນະກຳມະການ ຖະແຫລງຂ່າວ-ວັດທະນະທຳອາຊຽນລາວພ້ອມຄະນະກໍໄດ້ເຂົ້າ ຮ່ວມ.

     ກອງປະຊຸມໄດ້ຮັບຟັງການລາຍງານຜົນການຈັດຕັ້ງປະຕິ ບັດບັນດາໂຄງການ ແລະ ກິດຈະ ກຳຕ່າງໆທີ່ບັນດາປະເທດສະ ມາຊິກອາຊຽນໄດ້ຮັບອະນຸມັດໃນໄລຍະປີຜ່ານມາ, ບັນດາໂຄງ ການທີ່ຄົງຄ້າງ ແລະ ໂຄງການ ກຳລັງຈັດຕັ້ງປະຕິບັດຢູ່ພ້ອມນີ້ ຍັງໄດ້ປຶກສາຫາລື ແລະ ຄົ້ນ ຄວ້າພິຈາລະນາບັນດາໂຄງການໃໝ່ທີ່ຈະໄດ້ຈັດຕັ້ງປະຕິບັດໃນ ສົກປີ 2015-2016.

     ໂຄງການໃໝ່ຂອງ ສປປ ລາວ ຈຳນວນ 3 ໂຄງການ ໄດ້ ຖືກຮັບຮອງເພື່ອຈັດຕັ້ງປະຕິບັດ ໃນສົກປີ 2015-2016 ປະ ກອບມີ: ໂຄງການສຳມະນາວ່າດ້ວຍຈັນຍາບັນຂອງນັກຂ່າວອາຊຽນ; ໂຄງການຖາມ-ຕອບ ຄວາມຮູ້ ກ່ຽວກັບອາຊຽນ ຄັ້ງທີ 7 ແລະ ໂຄງການທັດສະນສຶກສາ ແລະ ແລກປ່ຽນບົດຮຽນດ້ານການ ອະນຸລັກສະຖານບູຮານອາຊຽນ ທີ່ວັດພູຈຳປາສັກ, ສ່ວນ ໂຄງການສະແດງສິລະປະລາວຢູ່ກອງເລຂາອາຊຽນທີ່ຈາກາຕາ ແມ່ນໄດ້ສືບຕໍ່ຈັດຕັ້ງປະຕິບັດໃນ ເວລາທີ່ເໝາະສົມປີ 2015.