ການຈັດຕັ້ປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ 7 ປະສົບຜົນສຳເລັດຫຼາຍດ້ານ

ກະຊວງແຜນການ ແລະ ການລົງທືນໃຫ້ຮູ້ວ່າ: ປັດຈຸບັນປະເທດເຮົາພວມສຸມໃສ່ຈັດຕັ້ງປະຕິບັດແຜນພັດ ທະນາ ເສດຖະກິດ-ສັງຄົມ 5 ປີຄັ້ງທີ 7  ແລະ ກຽມສ້າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 8, ແຕ່ເຫັນວ່າການຈັດຕັ້ງ ປະຕິບັດແຜນດັ່ງກ່າວໃນໄລຍະຜ່ານມາແມ່ນມີຜົນສຳເລັດຫຼາຍດ້ານຄື ເຮັດໃຫ້ປະເທດຊາດມີສະຖຽນລະພາບທາງດ້ານ ການເມືອງ, ມີຄວາມສະຫງົບ ແລະ ມີ ຄວາມເປັນລະບຽບຮຽບ ຮ້ອຍທາງສັງຄົມ, ເສດຖະກິດມີການຂະຫຍາຍ ຕົວຢ່າງ ວ່ອງໄວ, GDP ສະເລ່ຍຕໍ່ຫົວຄົນເພີ່ມຂຶ້ນເປັນ 1.692 ໂດລາໃນປີ 2013 -2014 ແລະ ຄາດວ່າຈະເພີ່ມຂຶ້ນ 1.865 ໂດ ລາໃນສົກ ປີສຸດທ້າຍຂອງການ ຈັດຕັ້ງປະຕິບັດແຜນ 5 ປີຄັ້ງທີ 7 ນີ້, ໂຄງປະກອບເສດຖະກິດຫັນປ່ຽນໄປຕາມທິດ ເປັນ ອຸດສະຫະກຳ ແລະ ທັນສະໄໝ, ຄາດວ່າໃນສົກປີ 2013- 2014 ກະສິກຳກວມເອົາ 24,4%, ອຸດສະຫະກຳກວມ 28,8% ແລະ ບໍລິການກວມເອົາ 39,1%,ໂຄງປະກອບແຮງງານໄດ້ມີການຫັນປຽນໂດຍສະເພາະແມ່ນ ຂົງເຂດກະສິກຳຫັນປ່ຽນເຖິງ 71%, ຂົງເຂດອົງສາຫະກຳ 7% ແລະ ຂົງເຂດບໍລິການຫັນປຽນ 22% ແລະ ສາມາດລະດົມທຶນເຂົ້າສູ່ການພັດທະ ນາທົ່ວ ສັງຄົມບັນລຸ 85.147 ຕື້ກວ່າກີບ ຫຼື ປະມານ 40 % ຂອງ GDP, ໃນນີ້ການລົງທຶນຂອງລັດມີ 23,36% ແລະ ການລົງ

ທຶນຂອງພາກເອກະຊົນ 57,03%, ສິນເຊື່ອທະນາຄານ 19,6%, ເຮັດໃຫ້ການຈັດຕັ້ງປະຕິບັດເປົ້າໝາຍສະຫັດສະຫວັດດ້ານ ການພັດທະນາມີ ຄວາມຄືບໜ້າຫຼາຍດ້ານເປັນຕົ້ນແມ່ນ: ການພັດທະນາຊົນນະບົດ ແລະ ການແກ້ໄຂຄວາມທຸກຍາກ, ເຮັດ ໃຫ້ອັນຕາຄວາມທຸກຍາກຫຼຸດລົງ 20,5% ໃນສົກປີ 2013-2014, ການຂະຫຍາຍຕາໜ່າງໄຟຟ້າໄປ ສູ່ຊົນນະບົດ ແລະ ເຂດ ຫ່າງໄກສອກຫຼີກໄດ້ຫຼາຍກວ່າ 80 % ແລະ ເຮັດໃຫ້ອັດຕາຄອບຄອບທີ່ມີໄຟຟ້າ ໃຊ້ບັນລຸໄດ້ປະມານ 87% ນີ້ແມ່ນຜົນສຳ ເລັດຂອງການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມໃນໄລຍະຜ່ານມາ.