ວັນທີ
14 ກໍລະກົດຜ່ານມານີ້, ຢູ່ນະຄອນຫລວງວຽງຈັນ, ກະຊວງສາທາລະນະສຸກຮ່ວມກັບສະຖານທູດຍີ່ປຸ່ນປະຈໍາລາວ,
ໄດ້ຈັດພິທີມອບ-ຮັບອາຄານພະແນກຊຶມເຊື້ອໂຮງໝໍເສດຖາທິລາດ, ພາຍໃຕ້ການຊ່ວຍເຫລືອຂອງລັດຖະບານຍີ່ປຸ່ນລວມມູນຄ່າທັງໝົດ 349.219ໂດລາສະຫະລັດ ຜ່ານໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານຫລື
GGP. ເປັນກຽດເຂົ້າຮ່ວມພິທີດັ່ງກ່າວແມ່ນທ່ານ ສຈ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກ, ທ່ານ ຮິໂຣຢູກິ ກິຮິໂນະ ເອກອັກຄະຣາຊະທູດຍີ່ປຸ່ນປະຈໍາລາວ, ທ່ານ ດຣ. ຄຳເປ ພົງສະຫວັດ ອຳນວຍການໂຮງໝໍເສດຖາທິລາດ ແລະ ເຈົ້າໜ້າທີ່ກ່ຽວຂ້ອງເຂົ້າຮ່ວມເປັນຈໍານວນຫລາຍ.
ໂຄງການດັ່ງກ່າວມີຈຸດປະສົງເພື່ອປັບປຸງສະພາບແວດລ້ອມທາງການແພດໃນການປິ່ນປົວຄົນເຈັບພະຍາດຊຶມເຊື້ອສະ
ນັ້ນ
ຈຶ່ງ
ໄດ້ກໍ່ສ້າງອາຄານພະແນກຊຶມເຊື້ອຫລັງໃໝ່ຂຶ້ນ
ເຊິ່ງອາຄານດັ່ງກ່າວປະກອບມີຫ້ອງພັກຄົນເຈັບ
7 ຫ້ອງ, ຕຽງ 28 ໜ່ວຍ, ຫ້ອງການປະຈຳພະຍາບານ 2 ຫ້ອງ, ຫ້ອງກວດພະຍາດ, ຫ້ອງທົດລອງ,ຫ້ອງໃຫ້ຄຳປຶກສາ, ຫ້ອງການຢາ ແລະ ສິ່ງອຳນວຍຄວາມສະດວກອື່ນໆ,ພ້ອມນັ້ນກໍໄດ້ມອບອຸປະກອນການແພດຕ່າງໆອີກຈຳນວນໜຶ່ງ.
No comments:
Post a Comment