ວັນທີ
19 ພຶດສະພານີ້, ກະຊວງແຮງງານ ແລະ ສະຫວັດດີການສັງຄົມ, ໄດ້ຈັດການແຂ່ງຂັນສີມືແຮງງານ ລະດັບຊາດ ຄັ້ງທີ
2 ຂຶ້ນທີ່ສູນພັດທະນາສີມືແຮງງານ ເວດສະພົງ, ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ດຣ.
ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ເພື່ອຄັດເລືອກເອົາຜູ້ມີສີມືດີເດ່ັນເຂົ້າຮ່ວມງານແຂ່ງຂັນສີສືແຮງງານອາຊຽນທີ່ຈະຈັດຂຶ້ນປະເທດມາເລເຊຍໃນເດືອນກັນຍານີ້.
ທ່ານລັດຖະມົນຕີກະຊວງແຮງານ ແລະ ສະຫວັດດີການສັງຄົມ
ກ່າວວ່າ: ການແຂ່ງຂັນດັ່ງ ກ່າວ ປະກອບມີ 9 ສາຂາຄື: ຊ່າງກໍ່, ຊ່າງໄມ້ເຄື່ອງເຮືອນ, ຊ່າງຕັດຫຍິບ
ເຄື່ອງນຸ່ງແມ່ຍິງ, ຊ່າງຕິດຕັ້ງໄຟຟ້າໃນອາຄານ, ຊ່າງປຸງແຕ່ງອາຫານ, ອອກແບບໜ້າເວບໄຊ, ຊ່າງຈອດ,
ເຕັກໂນໂລຊີລົດຍົນ ແລະ
ການອອກແບບກຣາຟິກ, ເຊິ່ງຈະມີຜູ້ເຂົ້າຮ່ວມແຂ່ງຂັນຈາກບັນດາປະເທດອາຊຽນເປັນຈຳນວນຫລາຍ, ເພື່ອ
ແນໃສ່ ຊຸກຍູ້, ສົ່ງເສີມ ແລະ ພັດທະນາສີມືແຮງງານໃຫ້ທຽບເທົ່າສາກົນ. ການແຂ່ງຂັນສີມືແຮງ ງານແມ່ນການແຂ່ງຂັນທາງດ້ານຄວາມຮູ້, ຄວາມສາມາດ,
ສີມືແຮງງານຊ່າງເຕັກນິກ, ໂດຍປະຕິບັດຕາມຂັ້ນຕອນມີຄວາມປອດໄພ ແລະ
ຮັກສາສິ່ງແວດລ້ອມ, ຊຶ່ງເປັນວຽກງານໜຶ່ງທີ່ນອນຢູ່ໃນວຽກງານ ການພັດທະນາຊັບພະຍາກອນມະນຸດ ຂອງລາວອີກດ້ວຍເພື່ອເປີດໂອກາດໃຫ້ຊາວໜຸ່ມ, ໄວ
ໜຸ່ມ, ກຳມະກອນລາວບັນດາເຜົ່າໄດ້ສະແດງສີມືໃຫ້ສາກົນໄດ້ຮັບຮູ້ພ້ອມນີ້ ຍັງເປັນການປະຕິບັດພັນທະຂອງລາວ ໃນຖານະເປັນປະເທດສະມາຊິກອາຊຽນ, ພ້ອມທັງເປັນການສ້າງແຮງງານລາວໃຫ້ມີຄວາມຮູ້, ຄວາມສາມາດ, ພັດທະນາສີມືແຮງງານໃຫ້ໄດ້ມາດຕະຖານ, ມີຄຸນະພາບ ແລະ ຕອບສະໜອງໄດ້ພຽງພໍກັບຄວາມຕ້ອງການຂອງຕະຫລາດແຮງງານ ແລະ ແຜນພັດທະນາເສດຖະກິດ-ສັງຄົມເທື່ອລະກ້າວ.
No comments:
Post a Comment