ລະວັງ! ລົງຫລິ້ນນ້ຳໃນຍາມຝົນ

          ດັ່ງເຫດການເກີດຂຶ້ນໃນວັນທີ 17 ກໍລະກົດນີ້ ຢູ່ເຂດເມືອງນາຊາຍທອງ, ນະຄອນຫລວງວຽງຈັນ ໄດ້ມີເດັກນ້ອຍຕົກນ້ຳເລິກປະມານ 3-4 ແມັດເສຍຊີວິດ, ຫລັງຈາກນັ້ນກໍເນື່ອງຈາກຂາດຄວາມລະມັດລະວັງໃນການໄປພັກຜ່ອນຫລິ້ນນ້ຳໃນຍາມຝົນທີ່ມີນຳມາຫລາຍກວ່າປົກກະຕິອາດມີຄວາມສ່ຽງຈົມນ້ຳໄດ້ງ່າຍ  ໜ່ວຍກູ້ໄພມູນນິທິ 1623 ແລະ ໜ່ວຍກູ້ໄພພັດທະນາຜາສຸກ ຊ່ວຍຄົ້ນຫາຮ່າງ ຂອງເດັກນ້ອຍຄົນດັ່ງກ່າວ ຮອດຕອນເຊົ້າຂອງວັນຕໍ່ມາ, ຈຶ່ງສາມາດພົບສົບເດັກນ້ອຍຄົນດັ່ງກ່າວ ຢູ່ເຂດວັງນໍ້າຕອນລຸ່ມຂອງສະຖານທີ່ທ່ອງທ່ຽວນ້ຳຊວງ ເມືອງນາຊາຍທອງ, ຜູ້ຕາຍເປັນເພດຍິງ, ອາຍຸ 5 ປີ, ຢູ່ບ້ານສີວິໄລ ເມືອງນາຊາຍທອງ ນະຄອນຫລວງວຽງຈັນ.

          ເຈົ້າໜ້າທີ່ ໄດ້ຝາກເຕືອນມາຍັງປະຊາຊົນ ກໍຄືຜູ້ດູແລ, ຮັກສາສະຖານທີ່ທ່ອງທ່ຽວນ້ຳຕົກຕາດແຫ່ງຕ່າງໆໃນ ທົ່ວປະເທດ, ຈະຕ້ອງໄດ້ເພີ່ມທະວີປົກປ້ອງຜູ້ມາທ່ຽວຊົມ ບ່ອນໃດອັນຕະລາຍກໍຄວນມີປ້າຍບອກເຕືອນ ເພື່ອໃຫ້ເຂົາເຈົ້າມີຄວາມລະມັດລະວັງຫລາຍຂຶ້ນ, ພ້ອມນີ້ ຍັງໄດ້ເຕືອນໄປເຖິງພໍ່ແມ່ຜູ້ປົກຄອງ ຈົ່ງເບິ່ງແຍງລູກຫລານຂອງຕົນໃຫ້ດີ, ຖ້າເປັນເດັກນ້ອຍກໍໃຫ້ເຂົາເຈົ້າໃສ່ເສື້ອຊູຊີບໃນຂະນະຫລີ້ນນ້ຳ, ພ້ອມທັງ  ສ່ວນເຂດທີ່ມີປ້າຍບອກອັນຕະລາຍກໍບໍ່ຄວນລົງຫລີ້ນນ້ຳຢ່າງເດັດຂາດ ເພື່ອຫລີກລ່ຽງສິ່ງບໍ່ດີຕ່າງໆທີ່ອາດຈະເກີດຂຶ້ນ.