ງານວາງສະແດງສິນຄ້ານັກອອກແບບລາວ 2016

ໃນວັນທີ 12 ກັນຍານີ້, ໄດ້ມີພິທີເປີດຮ້ານວາງສະແດງສິນຄ້າຂອງນັກອອກແບບລາວຂຶ້ນທີ່ສູນການຄ້າ ວຽງຈັນເຊັນເຕີ ນະຄອນ ຫລວງວຽງຈັນ, ໂດຍການເຂົ້າຮ່ວມຂອງທ່ານນາງ ປານີ ໄຊຍະວົງສາ ຜູ້ກໍ່ຕັ້ງ-ອໍານວຍການລາວແຟຊັ້ນວີກ ແລະ ໂຄງການພັດທະນາອອກ ແບບໜຸ່ມນ້ອຍຂອງລາວ, ມີທ່ານ ສົມສະນຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ ລາວ, ພ້ອມດ້ວຍນັກທຸລະ ກິດ, ນັກອອກແບບ, ນາງແບບ, ຊາຍແບບ ແລະ ສື່ມວນຊົນເຂົ້າຮ່ວມເປັນຈຳນວນຫລາຍ. ໂດຍງານດັ່ງກ່າວຈະດຳເນີນໄປຮອດວັນທີ 16 ກັນຍານີ້, ຕະຫລອດໄລຍະການຈັດງານຈະມີການວາງສະ ແດງຮູບແຕ້ມຂອງທ່ານ ນາງ ວຽງສະນິດ ພັດທະນາສິນ ສິນລະປິນລາວ, ໂດຍລາຍໄດ້ 20% ຈາກການຂາຍສິນຄ້າຈະໄດ້ມອບໃຫ້ໂຄງການ ສົ່ງເສີມນັກອອກແບບໜຸ່ມນ້ອຍຂອງລາວ ແລະ ວັນທີ 13 ກັນຍາ, ໄດ້ມີການສະແດງ

ເດີນແບບເສື້ອຜ້າອາພອນ ໃນລະດູບານໃໝ່ ແລະ ລະດູຮ້ອນປີ 2017, ພ້ອມທັງນໍາສະເໜີປຶ້ມລວດລາຍການຕໍ່າແຜ່ນແພລາວປະຍຸກ ໂດຍທ່ານ ນາງ ວຽງຄໍາ ນັນທະວົງດວງສີ ຜູ້ກໍ່ຕັ້ງຮ້ານແພງຜູ້ກໍ່ຕັ້ງຮ້ານແພໄໝ ແລະ ຄັ່ງ, ທີ່ໂຮມແຮມເສດຖາປາລາສ ນະຄອນຫລວງວຽງຈັນ, ສຳລັບວັນທີ 14 ກັນຍານີ້, ແມ່ນຈະໄດ້ວາງສະແດງຮູບແຕ້ມຂອງທ່ານ ແຈນ ໂວນເລັນ ສິນລະປິນປະເທດອັງກິດ, ທີ່ໂຮງແຮມແລນມາກ, ໂດຍຈະມອບລາຍໄດ້ 20% ໃຫ້ໂຄງການສົ່ງເສີມນັກອອກແບບໜຸ່ມນ້ອຍຂອງລາວ, ພ້ອມນີ້ ຍັງຈະມີງານສະແດງການເດີນແບບອາພອນຂອງປະເທດໄທ, ລາວ, ອິນໂດເນເຊຍ, ສິງກະໂປ ທີ່ໂຮງແຮມແລນມາກ, ນະຄອນຫລວງວຽງຈັນ.

ສຳລັບວັນທີ 15 ກັນຍານີ້, ຈະມີການສາທິດຊົງຊາຍີ່ປຸ່ນ ເພື່ອສະເຫຼີມສະຫຼອງລາວ ແຟຊັ້ນວີກ 2016, ໂດຍທ່ານ ນາງ ຊາຈິໂກະ ໂທມິນາກະ, ທີ່ຮ້ານອາຫານຕາຟູກຸ ບ້ານອານຸ, ເມືອງຈັນທະບູລີ, ນະຄອນຫຼວງວຽງຈັນ ແລະ ວັນທີ 16 ກັນຍາ, ຊຶ່ງເປັນມື້ສຸດທ້າຍ, ຈະໄດ້ຮັບຊົມງານສະແດງການເດີນແບບຊົງຜົມ, ໂດຍທ່ານ ຊູກູຣຸ ອີໂຕ້ (ຄົນຍີ່ປຸ່ນ) ຊ່າງຈັດແຕ່ງຊົງຜົມ ແລະ ທ່ານ ໂນຣິເອະ ນັກຈັດດອກໄມ້ຊື່ດັງຂອງປະເທດຍີ່ປຸ່ນ, ພ້ອມທັງການສະແດງຜົນງານການອອກແບບໂດຍນັກອອກແບບໜຸ່ມນ້ອຍດີເດັ່ນຂອງລາວປະຈຳປີ 2016 ແລະ ຜູ້ຊະນະເລີດນັກອອກແບບໜຸ່ມນ້ອຍ ປະຈຳປີ 2015 ອີກດ້ວຍ.