ລາວ-ຈີນຕົກລົງຮ່ວມບູລະນະ ແລະ ປົກປັກຮັກ ສາສຸສານຈີນ 3 ແຫ່ງຢູ່ລາວ

          ເຊົ້າວັນທີ 8 ກັນຍານີ້, ຢູ່ໂຮງແຮມອ່າງຄຳ, ນະຄອນຫຼວງວຽງຈັນ, ໄດ້ມີກອງ ປະຊຸມພົບປະສອງຝ່າຍ ລະຫວ່າງ ທ່ານນາງ ໃບຄຳ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ພ້ອມຄະນະ ແລະ ທ່ານ ໂຕ່ ຢຸ ເຜ່ ຮອງລັດຖະ ມົນຕີກະຊວງກິດຈະການພົນລະເຮືອນ ແຫ່ງ ສປ ຈີນ, ພ້ອມຄະນະ,  ໃນກອງປະຊຸມໄດ້ມີການປຶກສາຫາລືກ່ຽວກັບວຽກງານຊອກຄົ້ນ, ບູລະ ນະ ແລະ ປົກປັກຮັກສາສຸສານລະນຶກ ເຖິງວິລະກຳຈີນຢູ່ລາວ ຈຳນວນ 3 ແຫ່ງ, ຊຶ່ງທັງສອງຝ່າຍໄດ້ຜັດປ່ຽນກັນສະເໜີຄວາມຄືບໜ້າໃນການຈັດຕັ້ງປະຕິບັດເນື້ອໃນບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານການຊອກຄົ້ນ, ບູລະນະ ແລະ ປົກປັກຮັກສາສຸສານລະນຶກເຖິງວິລະກຳຈີນ ຢູ່ ສປປ ລາວ ໂດຍໄດ້ລົງເລິກປຶກສາ

ຫາລື, ການວາງແຜນ, ການຈັດຕັ້ງປະຕິບັດໃນໄລຍະຕໍ່ໜ້າໃຫ້ສຳ ເລັດຕາມຄາດໝາຍທີ່ໄດ້ກຳດນົດໄວ, ນອກນັ້ນທັງສອງຝ່າຍຍັງໄດ້ເຫັນດີເນື້ອໃນຮ່າງ ສັນຍາວ່າດ້ວຍການບູລະນະ ແລະ ປົກປັກຮັກສາສຸສານທີ່ລະນຶກເຖິງວິລະກຳຈີນຢູ່ລາວ 3 ແຫ່ງດັ່ງກ່າວເຊັ່ນ: ເມືອງໄຊ ແຂວງຫົວພັນ, ເມືອງນາໝໍ້ ແຂວງອຸດົມໄຊ ແລະ ເມືອງແປກ ແຂວງຊຽງຂວາງ.