ພິທີສະເຫລີມສະຫລອງວັນສ້າງຕັ້ງໜັງສືພິມຜູ້ແທນປະຊາ
ຊົນ ຄົບຮອບ1 ປີ (18/1/2012- 18/1/2013) ຈັດຂຶ້ນຢູ່ຫ້ອງປະ ຊຸມອາຄານຫລັງໃໝ່ຂອງສະພາແຫ່ງຊາດ
ໃນວັນທີ 18 ມັງກອນນີ້ ໂດຍການເປັນກຽດເຂົ້າຮ່ວມຂອງທ່ານ ດຣ. ໄຊສົມພອນ ພົມ
ວິຫານ ຮອງປະທານສະພາແຫ່ງຊາດ, ຫົວໜ້າຄະນະກຳມາທິ ການຕ່າງປະເທດ, ມີຫົວໜ້າກົມສື່ມວນຊົນ,
ບັນນາທິການໃຫຍ່ໜັງສືພິມຜູ້ແທນປະຊາຊົນ ແລະ ຜູ້ຕາງໜ້າຈາກພາກສ່ວນຕ່າງໆເຂົ້າຮ່ວມກວ່າ
50 ຄົນ.
ທ່ານ ທອງດາ ສຸພາສິດ ຫົວໜ້າກົມສື່ມວນຊົນ ຫ້ອງວ່າ
ການສະພາແຫ່ງຊາດ ທັງເປັນບັນນາທິການໃຫຍ່ໜັງສືພິມຜູ້ແທນປະຊາຊົນ ກ່າວວ່າ: ໜັງສື
ພິມຜູ້ແທນປະຊາຊົນເປັນໜັງ ສືພິມທີ່ໄດ້ພັດທະນາຈາກວາລະ ສານຜູ້ແທນປະຊາຊົນທີ່ໄດ້ຮັບການສ້າງຕັ້ງຂຶ້ນໃນປີ
1996 ຈາກລາຍໄຕມາດ, ລາຍສອງເດືອນ ແລະ ລາຍເດືອນໃນເມື່ອກ່ອນ ມາເປັນໜັງສືພິມລາຍອາທິດໃນປັດຈຸບັນ.
ໜັງສືພິມຜູ້ແທນປະຊາຊົນມີບົດບາດໜ້າທີ່ເປັນກະບອກສຽງຂອງສະພາແຫ່ງຊາດໃນການນຳສະເໜີຂໍ້
ມູນຂ່າວສານດ້ານວຽກງານລັດ
ຖະສະພາ, ນິຕິກຳ, ເສດຖະກິດ- ສັງຄົມ, ການເມືອງ ແລະ ທັງເປັນເວທີເສີມຂະຫຍາຍປະຊາ
ທິປະໄຕຂອງສະມາຊິກສະພາແຫ່ງຊາດ ເພື່ອຕອບສະໜອງຄວາມຮຽກຮ້ອງຕ້ອງການດ້ານຂໍ້ມູນຂ່າວສານໃນໄລຍະໃໝ່
ເຊິ່ງນັບແຕ່ໄດ້ສ້າງຕັ້ງໜັງສືພິມຜູ້ແທນປະຊາຊົນ ເມື່ອປີ 2012 ຜ່ານມາ ໜັງສືພິມຜູ້ແທນປະ
ຊາຊົນໄດ້ຕັ້ງໜ້າປະຕິບັດພາລະບົດບາດຂອງຕົນໃນການໂຄສະ ນາ ແລະ ເຜີຍແຜ່ແນວທາງນະໂຍບາຍຂອງພັກ
ແລະ ລະບຽບກົດໝາຍຂອງລັດ ໂດຍສະເພາະການເຜີຍແຜ່ພາລະບົດບາດ, ສິດ, ໜ້າທີ່ ແລະ
ການເຄື່ອນໄຫວຂອງສະພາແຫ່ງຊາດໃຫ້ສັງຄົມຮັບຮູ້ຢ່າງກວ້າງຂວາງ.
ເຖິງຈະມີຄວາມຫຍຸ້ງຍາກໃນດ້ານຕ່າງໆ ອັນເນື່ອງມາຈາກການຂາດເຂີນບຸກຄະລາກອນ,
ແຕ່ທີມງານໜັງສືພິມຜູ້ແທນປະ ຊາຊົນກໍໄດ້ໃຊ້ຄວາມພະຍາຍາມຂອງຕົນ ໂດຍການສູ້ຊົນຜ່ານຜ່າຂໍ້ຫຍຸ້ງຍາກຕ່າງໆ
ເພື່ອຕອບສະໜອງຕາມຄວາມມຸ່ງມາດປາຖະໜາອັນຍາວນານຂອງສັງ ຄົມທີ່ຢາກໃຫ້ສະພາແຫ່ງຊາດມີໜັງສືພິມທີ່ເປັນເອກະລັກສະເພາະຂອງອົງການນິຕິບັນຍັດ.
ໜັງສືພິມຜູ້ແທນປະຊາຊົນ ບໍ່ສະເພາະແຕ່ນຳສະເໜີຂ່າວການເຄື່ອນໄຫວຂອງສະພາແຫ່ງຊາດເທົ່ານັ້ນ,
ຫາກຍັງນຳສະເໜີສາ ລະຄວາມຮູ້ຕ່າງໆຕາມຄໍລຳທີ່ໄດ້ຈັດວາງໄວ້ເຊັ່ນ: ສະພາບ້ານເຮົາ,
ສະພາບ້ານເພິ່ນ, ນິຕິກຳຂ້າມຊາດ, ຕອບຂໍ້ຂ້ອງໃຈຂອງຜູ້ມີສິດເລືອກຕັ້ງ
108 ສາລະ ແລະ ອື່ນໆ.
ຜົນສຳເລັດຂອງການເຄື່ອນໄຫວວຽກງານໜັງສືພິມຜູ້ແທນປະຊາຊົນໃນຮອບ
1 ປີຜ່ານມານັ້ນ ລ້ວນແຕ່ຕິດພັນໂດຍກົງກັບການຊີ້ນຳ-ນຳພາຢ່າງໃກ້ຊິດຂອງການນຳສະພາແຫ່ງຊາດ,
ການໃຫ້ຄວາມຮ່ວມມື ແລະ ສະ ໜັບສະໜູນຈາກບັນດາກົມ ແລະ ໜ່ວຍງານຕ່າງໆຂອງສະພາແຫ່ງຊາດ
ທັງຢູ່ສູນກາງ ແລະ ທ້ອງຖິ່ນເຂດເລືອກຕັ້ງ, ບັນດາເພື່ອນຮ່ວມງານ, ບໍລິສັດ, ຫ້າງຮ້ານທັງພາກລັດ
ແລະ ເອກະຊົນທີ່ໃຫ້ການອຸປະຖຳຢ່າງສະເໝີຕົ້ນສະເໝີປາຍ. ພິເສດຜົນສຳເລັດດັ່ງກ່າວຍັງແມ່ນໝາກຜົນແຫ່ງການຮ່ວມມື
ແລະ ຊ່ວຍເຫລືອດ້ານວັດຖຸເຕັກນິກ, ວິຊາການ ແລະ ການເຝິກອົບຮົມຈາກຄະນະບັນນາທິການໜັງສືພິມຜູ້ແທນປະຊາຊົນສະພາແຫ່ງຊາດ
ສສ ຫວຽດນາມ.
ໃນໂອກາດດັ່ງກ່າວ, ທ່ານ ດຣ. ໄຊສົມພອມ ພົມວິຫານ
ຮອງປະທານສະພາແຫ່ງຊາດ ກໍໄດ້ຕີລາຄາສູງຕໍ່ຜົນສຳເລັດ ແລະ ຜົນງານ 1 ປີ ທີ່ໜັງສືພິມຜູ້ແທນປະຊາຊົນຍາດມາໄດ້
ເຊິ່ງຍາມໃດໜັງສືພິມຜູ້ແທນປະຊາຊົນກໍເປັນຜູ້ຢູ່ເບື້ອງຫລັງການໂຄສະ ນາເຜີຍແຜ່ແນວທາງນະໂຍບາຍຂອງພັກ,
ລະບຽບກົດໝາຍຂອງລັດ ສາມາດເຮັດຫລ້ອນໜ້າທີ່ທີ່ພັກ, ລັດ ແລະ ປະຊາຊົນລາວບັນດາເຜົ່າມອບໝາຍໃຫ້
ຈົນເຮັດໃຫ້ໜັງສືພິມຜູ້ແທນປະ ຊາຊົນເຕີບໃຫຍ່ຂະຫຍາຍຕົວມາເຖິງຈຸດນີ້. ທ່ານຍັງໄດ້ໃຫ້ທິດຊີ້
ນຳໜັງສືພິມຜູ້ແທນປະຊາຊົນຈົ່ງເປັນເຈົ້າການໃນການປຸກລະ ດົມຂົນຂວາຍວຽກງານສະພາແຫ່ງຊາດ,
ເປັນເຈົ້າການໃນການນຳສະເໜີ ແລະ ເຜີຍແຜ່ຂໍ້ມູນຂ່າວສານຄວາມຈິງ, ຕ້ານ ແລະ
ສະກັດກັ້ນທຸກຖ້ອຍຄຳທີ່ບິດເບືອນ ເພື່ອຫວັງມ້າງເພທຳ ລາຍລະບອບປະຊາທິປະໄຕປະ
ຊາຊົນ ແລະ ສືບຕໍ່ຮັບໃຊ້ວຽກງານສະພາແຫ່ງຊາດຕະຫລອດ ໄປ.
No comments:
Post a Comment