ພິທີສະເຫລີມສະຫລອງວັນສ້າງຕັ້ງກອງ ທັບປະຊາຊົນລາວ
ຄົບຮອບ 64 ປີ ໄດ້ຈັດຂຶ້ນໃນວັນທີ 18 ມັງກອນ 2013 ຢູ່ສະໂມສອນໃຫຍ່ ກະຊວງປ້ອງກັນປະເທດ
ໂດຍມີທ່ານ ພົນໂທ ດວງໃຈ ພິຈິດ ກຳມະການກົມການເມືອງສູນກາງພັກ, ຮອງນາຍົກລັດ
ຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ, ບັນດາການນຳ, ນາຍ ແລະ ພົນທະ ຫານເຂົ້າຮ່ວມຢ່າງຫລວງຫລາຍ.
ໃນພິທີ, ທ່ານ ພົນຕີ ຈັນສະໝອນ ຈັນຍາລາດ
ກຳມະການສູນກາງພັກ, ລັດຖະມົນຕີຊ່ວຍວ່າການກະຊວງປ້ອງກັນປະເທດ ໄດ້ຍົກໃຫ້ເຫັນມູນເຊື້ອອັນພິລະອາດຫານ
ແລະ ຜົນງານອັນໃຫຍ່ຫລວງ ທີ່ກອງທັບຍາດໄດ້ຕະຫລອດໄລຍະ 64 ປີຜ່ານມາ ໂດຍສະເພາະ
ພາລະກິດຕໍ່ສູ້ກູ້ຊາດຂອງກອງລາດຊະວົງ, ກອງທັບລາວອິດສະລະ ໃນການຕໍ່ສູ້ກັບຈັກກະພັດຜູ້ຮຸກຮານ
ຈົນໄດ້ຮັບໄຊຊະນະ, ພ້ອມທັງ ມີການປັບປຸງກອງທັບໃຫ້ມີການເຕີບໃຫຍ່ຢ່າງ
ວ່ອງໄວ
ທັງທາງດ້ານປະລິມານ ແລະ ຄຸນນະພາບ ຈົນກາຍເປັນກອງທັບປົດປ່ອຍ ປະຊາຊົນລາວ
ໃນປີ 1965 ຊຶ່ງໄດ້ຮ່ວມກັບປວງຊົນລາວທັງຊາດສູ້ຮົບຢ່າງເດັດດ່ຽວອາດຫານ, ທົນທານ
ໜຽວແໜ້ນ ແລະ ຍາດໄດ້ໄຊຊະນະໃນບັ້ນຮົບຕ່າງໆ. ສິ່ງສຳຄັນໃນປີ 1973 ກອງທັບປົດປ່ອຍປະຊາຊົນລາວ
ໄດ້ສຸມທຸກກຳລັງເຂົ້າໃນການປະຕິບັດ 3 ບາດຄ້ອນຍຸດທະສາດ ເພື່ອເຮັດໜ້າທີ່ສະໜັບສະໜູນໃຫ້ແກ່ການຢຶດອຳນາດໃນທົ່ວປະເທດ
ໃນປີ 1975. ພາຍຫລັງປະເທດຊາດໄດ້ຮັບການປົດປ່ອຍຢ່າງສົມບູນ, ກອງທັບໄດ້ສືບຕໍ່ເປັນເຈົ້າການປະຕິບັດ
2 ໜ້າທີ່ຍຸດທະສາດ, ພາລະກິດປ້ອງກັນຊາດ-ປ້ອງກັນຄວາມສະຫງົບ ໂດຍສະເພາະ 3 ໜ້າທີ່ໃຫຍ່
ແລະ 9 ຂະບວນການ, 4 ແຜນງານໃຫຍ່ ແລະ
26 ໂຄງການ ເພື່ອສູ້ຊົນບຸກທະລຸຕາມມະຕິ 9 ຂອງພັກວາງອອກ ຊຶ່ງມີຜົນສຳເລັດຫລາຍດ້ານເປັນຕົ້ນເຮັດໃຫ້ປະເທດຊາດມີຄວາມສະຫງົບ,
ການປັບປຸງກໍ່ສ້າງກຳລັງການຜະລິດ ແກ້ໄຂຊີວິດການເປັນຢູ່ ແລະ ການພົວພັນຮ່ວມມືກັບຕ່າງປະເທດ.
ຜ່ານພຶດຕິກຳອັນຍາວນານ ກໍຄື ພາລະກິດແຫ່ງການປົກປັກຮັກສາ
ແລະ ສ້າງສາພັດທະນາປະເທດຊາດ ກອງທັບໄດ້ສ້າງມູນເຊື້ອອັນສະຫງ່າງາມໄວ້ຄື ມີຄວາມຈົງຮັກພັກດີຕໍ່ພັກ,
ຕໍ່ປະເທດຊາດ, ຕໍ່ປະຊາຊົນ ແລະ ອຸ ດົມການສັງຄົມນິຍົມ; ມີນ້ຳໃຈຕໍ່ສູ້ພິລະອາດຫານ,
ກ້າແກ່ນ ໜຽວແໜ້ນ ແລະ ມີໄຫວພິບ; ມີຄວາມດຸໝັ່ນຂະຫຍັນພຽນ ໃນການອອກແຮງງານ
ຝຶກແອບ, ເພີ່ມພູນຜະລິດຜົນ ແລະ ປະຢັດມັດທະຍັດ. ກອງທັບປະຊາຊົນລາວ ຍາມໃດກໍມີຄວາມສາມັກຄີອັນແໜ້ນແຟ້ນກັບປະຊາຊົນ,
ກັບກອງທັບປະເທດສັງຄົມນິຍົມ ແລະ ປະເທດເພື່ອນມິດທີ່ກ້າວ ໜ້າໃນໂລກ ໂດຍສະເພາະມີຄວາມສາມັກຄີສຳພັນສູ້ຮົບແບບພິເສດກັບກອງທັບປະຊາຊົນ
ຫວຽດນາມອ້າຍນ້ອງ.
ໃນໂອກາດນີ້ ທ່ານ ພົນໂທ ດວງໃຈ ພິຈິດ ກໍໄດ້ໃຫ້ກຽດໂອ້ລົມ
ແລະ ໃຫ້ທິດຊີ້ນຳຕື່ມອີກ ໂດຍເນັ້ນໃຫ້ປະຕິບັດບັນດາວຽກ ງານຕົ້ນຕໍ ທີ່ນອນຢູ່ໃນ
4 ແຜນງານໃຫຍ່ 26 ໂຄງການ ຂອງກະ ຊວງວາງອອກ, ສືບຕໍ່ລົງຮາກຖານຢ່າງແຂງແຮງຮອບດ້ານ
ແລະ ຕໍ່ເນື່ອງ, ເອົາໃຈໃສ່ປັບປຸງກຳລັງປ້ອງກັນຊາດ-ປ້ອງກັນຄວາມສະຫງົບ ໃຫ້ໜັກແໜ້ນເຂັ້ມແຂງໃນທຸກດ້ານ,
ຍົກສູງຈິດໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ,
ຍູ້ການຜະລິດຂອງກົມກອງ, ສ້າງພະລາທິການກັບທີ່ ແລະ ເອົາໃຈໃສ່ສ້າງເສດຖະກິດຄອບຄົວ
ເຮັດໃຫ້ຊີວິດການເປັນຢູ່ ຂອງກຳປະກອບອາວຸດດີຂຶ້ນເປັນກ້າວໆ.
No comments:
Post a Comment