ໃນວັນທີ 23 ມັງກອນນີ້ຢູ່ກະ ຊວງ ສຶກສາທິການ ແລະ
ກິລາ ໄດ້ຈັດພິທີເຊັນສັນຍາມອບ-ຮັບການຊ່ວຍເຫຼືອ ຈາກລັດຖະບານຍີ່ປຸ່ນຈຳນວນ 2 ແສນກວ່າໂດລາ
ເພື່ອໂຄງການກໍ່ສ້າງໂຮງຮຽນ ມັດທະຍົມຕອນຕົ້ນ 3 ແຫ່ງ ຢູ່ 3 ແຂວງພາກເໜືອ ຄືໂຮງຮຽນມັດ
ທະຍົມຕອນຕົ້ນບ້ານມ່ວງໃຕ້ ແຂວງໄຊຍະບູລີ, ໂຮງຮຽນມັດ ທະຍົມຕອນຕົ້ນ ບ້ານຊົ່ງຈາ ແຂວງ ຫຼວງພະບາງ
ແລະ ສ້າງ ຫໍພັກຂອງ ໂຮງຮຽນມັດທະຍົມ ຕອນຕົ້ນເມືອງສຳພັນ ແຂວງຜົ້ງ ສາລີ ໂດຍການໃຫ້ກຽດເຂົ້າຮ່ວມ
ຂອງທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງ ສຶກ ສາທິການ ແລະ ກິລາ ແລະ ຫົວ ໜ້າພະແນກສຶກສາທິການ
ແລະ ກິລາທັງ 3 ແຂວງເຂົ້າຮ່ວມເຊັນ ສັນ ຍາກັບທ່ານນາງ ຈູນໂກະ ໂຢໂກຕະ ເອກອັກຄະລາຊະທູດ ຍີ່ປຸ່ນປະຈຳລາວ.
ທ່ານ ນາງ ຈູນໂກະ ກ່າວວ່າ: ໄລຍະຜ່ານມາ ຂ້າພະເຈົ້າ
ໄດ້ຮັບ ລາຍງານວ່າ ນັກຮຽນມັດທະຍົມ 2 ແຫ່ງ ຢູ່ແຂວງຜົ້ງສາລີ ໄດ້ອາ ໄສຢູ່ຫໍພັກຊົ່ວຄາວ ອັນເນື່ອງມາ
ຈາກບ້ານຢູ່ຫ່າງໄກຈາກໂຮງ ຮຽນ. ສ່ວນໂຮງຮຽນອີກ 2 ແຫ່ງ ຢູ່ແຂວງ ໄຊຍະບູລີ ແລະ ແຂວງ ຫຼວງພະບາງ
ແມ່ນມີອາຄານເກົ່າ ແກ່ຫຼາຍ ແລະ ຈຳນວນນັກຮຽນ ກໍເພີ່ມຂື້ນໃນແຕ່ລະປີ, ເຊິ່ງເຮັດ ໃຫ້ບໍ່ມີຫ້ອງຮຽນພຽງພໍເພື່ອຮ້ອງ
ຮັບນັກ ຮຽນ,
ບັນດາໂຄງການທີ່ ເຊັນສັນຍາ ໃນມື້ນີ້ແມ່ນໂຄງການ ຊ່ວຍເຫຼືອໃນການກໍ່ສ້າງອາຄານ
ຮຽນໃໝ່ 2 ຫຼັງ ແລະ ຫໍພັກນັກ ຮຽນ 2 ຫຼັງ. ຂ້າພະເຈົ້າ ຫວັງວ່າ ການຊ່ວຍເຫຼືອຄັ້ງນີ້ ຈະເຮັດໃຫ້
ການຮຽນ ແລະ ອັດຕາການເຂົ້າ ຮຽນຢູ່ເຂດດັ່ງກ່າວຈະໄດ້ຮັບ ການປັງປຸງໃຫ້ດີຂື້ນ.
ດັ່ງທີ່ຂ້າພະເຈົ້າ ໄດ້ກ່າວໄວ້ ໃນກອງປະຊຸມໂຕະມົນໃນເດືອນ
ພະຈິກ ປີ 2012 ວ່າ ລັດຖະບານ ຍີ່ປຸ່ນ ມີຄວາມເຊື່ອໝັ້ນວ່າການ ປັບປຸງຄຸນນະພາບການສຶກສາ
ແລະ ສະພາບການຮຽນ ໂດຍສະ ເພາະຂັ້ນມັດທະ ຍົມແມ່ນມີຄວາມ ສຳຄັນຫຼາຍ. ປັດຈຸບັນນີ້, ຢູ່ໃນ
ຕົວເມືອງຂອງປະເທດລາວ ມີອັດ ຕາການ ຈ້າງງານສູງຂື້ນ ແຕ່ ເນື່ອງຈາກຄວາມບໍ່ເທົ່າທຽມກັນ ທາງດ້ານການສຶກສາ
ແລະ ໂອ ກາດໃນການຫາວຽກ ເຮັດງານ ທຳຈຶ່ງເຮັດໃຫ້ມີ ຄວາມແຕກໂຕນ ກັນທາງດ້ານລາຍຮັບຂອງປະຊາ
ຊົນ. ເພື່ອເປັນການປະກອບ ສ່ວນ ແກ້ໄຂບັນຫາດັ່ງກ່າວ ລັດຖະ ບານ ຍີ່ປຸ່ນ ຈຶ່ງເຫັນວ່າການປັບ
ປຸງສະພາບການສຶກສາຂັ້ນພື້ນ ຖານ ເປັນສິ່ງຈຳເປັນທີ່ສຸດ ແລະ ຈະສືບຕໍ່ໃຫ້ການຊ່ວຍເຫຼືອດ້ານ
ການສຶກສາຕໍ່ໄປ. ນອກຈາກນີ້ ຍັງຈະຊ່ວຍ ສົ່ງເສີມສະມັດຕະ ພາບຂອງ ຫ້ອງການສຶກສາທ້ອງ ຖິ່ນ
ໂດຍຜ່ານໂຄງການຊ່ວຍ ເຫຼືອດ້ານເຕັກນິກວິຊາ ການຕື່ມອີກ.
ທ່ານທູດ ຈູນໂກະ ກ່າວວ່າ: ພາຍຫຼັງໂຄງການກໍ່ສ້າງສຳເລັດ
ແລ້ວ ຫວັງວ່າ ໂຮງຮຽນ ໃໝ່ 2 ຫຼັງ ແລະ ຫໍພັກນັກຮຽນທັງ 2 ແຫ່ງຈະຖືກນຳໃຊ້ຢ່າງມີປະສິດທິ
ຜົນແລະ ຂໍຝາກມາຍັງພາກ ສ່ວນ ກ່ຽວຂ້ອງຊ່ວຍກັນບົວລະ ບັດຮັກ ສາໃຫ້ເປັນຢ່າງດີ ເພື່ອໃຫ້ນັກ
ຮຽນລຸ້ນຫຼັງໄດ້ສືບຕໍ່ນຳໃຊ້ຢ່າງ ຍາວ ນານ ແລະ ເກີດຜົນປະ ໂຫຍດສູງສຸດ.
ທ່ານ ສານວັນໄຊ ແສງມະ ນີ ກຳມະການພັກແຂວງ ຫົວໜ້າ
ພະແນກສຶກສາທິການ ແລະ ກິລາແຂວງຜົ້ງສາລີ ກ່າວວ່າ: ຕາງ ໜ້າໃຫ້ແກ່ຄະນະພັກ ຄະນະປົກ ຄອງແຂວງ
ກໍຄື ໃນນາມຂອງຜູ້ ບໍລິຫານການສຶກສາ ແຂວງຜົ້ງ ສາລີ, ຫຼວງພະບາງ ແລະ ໄຊຍະ ບູລີ ມີຄວາມຮູ້ສຶກພາກພູມໃຈ
ແລະ ດີໃຈເປັນຢ່າງຍິ່ງ ທີ່ໄດ້ຮັບ ທຶນການກໍ່ສ້າງພື້ນຖານໂຄງລ່າງ ການສຶກສາ ຈາກລັດຖະບານ
ແລະ ປະຊາຊົນຍີ່ປຸ່ນ ເປັນຕົ້ນ ແມ່ນ ທຶນການກໍ່ ສ້າງໂຮງຮຽນ, ຫໍ ພັກໃນບັນດາບ້ານເປົ້າໝາຍ
ທີ່ເປັນໂຮງຮຽນ ຊົ່ວຄາວ ແລະ ບ້ານ ທີ່ຍັງບໍ່ທັນມີຫໍພັກຂອງຄູ ແລະ ນັກ ຮຽນ. ໃນໄລຍະຜ່ານ
ມາ ພວກຂ້າພະເຈົ້າ ກໍເຄີຍໄດ້ຮັບ ການສະໜັບສະໜູນຊ່ວຍເຫຼືອ ຈາກສະຖານ ທູດ ມາກ່ອນແລ້ວ ແລະ
ເຫັນວ່າມີປະສິດທິພາບສູງ, ສາມາດຕອບສະໜອງສະຖານທີ່ ການສິດສອນ-ຮ່ຳ ຮຽນ ລວມທັງ ການສະໜອງສະຖານທີ່ພັກເຊົາ
ຂອງຄູອາຈານ ແລະ ນັກຮຽນໃນ ລະດັບທີ່ດີ.
ຕໍ່ກັບການສະໜັບສະໜູນ ແລະ ຊ່ວຍເຫຼືອດັ່ງກ່າວນັ້ນ
ພວກ ຂ້າພະເຈົ້າຕີລາຄາສູງ ແລະ ເຫັນ ແຈ້ງວ່າ: ການຊ່ວຍເຫຼືອຂອງ ພວກທ່ານ ລ້ວນແຕ່ໄດ້ປະກອບ
ສ່ວນໂດຍກົງ ເຂົ້າໃນພາລະກິດ ປົກປັກຮັກສາ ແລະ ສ້າງ ສາປະເທດຊາດກໍຄື ການພັດທະນາເສດ ຖະກິດ-ສັງຄົມ
ແລະ ຫຼຸດຜ່ອນ ຄວາມທຸກຍາກຂອງປະຊາຊົນ ບັນດາເຜົ່າຢູ່ລາວຂອງພວກເຮົາໄດ້ຢ່າງມີຄຸນນະພາບ.
No comments:
Post a Comment