ປຸກລະດົມນັກທຸລະກິດລົງທຶນເຂົ້າເຂດຈຸດສຸມ ພັດທະນາເມືອງຮົ່ມ-ເມືອງໄຊສົມບູນ

         ກອງປະຊຸມປຸກລະດົມນັກ ທຸລະກິດລົງທຶນໃສ່ເຂດຈຸດສຸມພັດ ທະນາ ເມືອງ ຮົ່ມ-ເມືອງໄຊສົມ ບູນ  ແຂວງວຽງຈັນ ໄດ້ຈັດຂຶ້ນ ໃນ ຕອນເຊົ້າຂອງວັນທີ 24 ມັງ ກອນນີ້ ທີ່ສູນປະຊຸມ ສະພາອຸດສາ ຫະກຳ-ການຄ້າ ໂດຍການເປັນ ປະທານ ຂອງ ທ່ານ ອາຊາງ ລາວລີ ຮອງນາຍົກລັດຖະມົນຕີ,  ທ່ານ ດຣ. ນາມ ວິຍະເກດ  ລັດ ຖະມົນຕີວ່ານການ ກະຊວງອຸດ ສະຫະກຳ ແລະ ການຄ້າ ແລະ ນັກທຸລະກິດ ເຂົ້າ ຮ່ວມເປັນຈຳ ນວນຫລາຍ.

         ທ່ານ ຮອງນາຍົກລັດຖະ ມົນຕີ ມີຄຳເຫັນໃນກອງປະຊຸມ ວ່າ:  ເມືອງ ຮົ່ມ-ເມືອງ ໄຊສົມບູນ ແມ່ນນອນ ຢູ່ໃນກຸ່ມ 46 ເມືອງ ທຸກຍາກຂອງປະເທດ ສະນັ້ນ ພັກ ແລະ ລັດຖະບານ ຈຶ່ງໄດ້ກຳນົດ ເອົາເຂດຈຸດສຸມດັ່ງ ກ່າວເປັນເຂດ ພັດທະນາສະເພາະ ເພື່ອຊ່ວຍໃຫ້ ເຂົາ ເຈົ້າຫຼຸດພົ້ນອອກຈາກຄວາມ ທຸກຍາກ ດັ່ງນັ້ນກອງປະ ຊຸມນີ້ກໍ ເພື່ອຮອງຮັບເອົາແຜນພັດທະນາ ສອງເມືອງ ດັ່ງກ່າວ ແລະ ເພື່ອ ໃຫ້ນັກທຸລະກິດ ເຂົ້າໄປລົງທຶນ ແລະ ຈັດຕັ້ງປະຕິບັດ ໂຄງການ ຕ່າງໆ ໃຫ້ທັນກຳນົດເວລາແລະ ມີປະ ສິດທິຜົນ ເປັນຕົ້ນແມ່ນການ ຜະລິດ ກະສິກຳ, ບໍລິການ  ແລະ ການກໍ່ສ້າງພື້ນຖານໂຄງລ່າງ ເພື່ອແນ່ໃສ່ໃຫ້ຫຼຸດພົ້ນຈາກຄວາມ ທຸກຍາກ ແລະ ຫຼຸດພົ້ນອອກຈາກ ພະວະຄວາມດ້ອຍພັດທະນາສ້າງ ໃຫ້ເປັນເມືອງເຂັ້ມແຂງຮອບດ້ານ ເປັນພຶ້ນຖານ

ການຜະລິດ ທີ່ແຂງແຮງໃນ ການສະໜອງສະບຽງອາ ຫານໃຫ້ແກ່ນະຄອນຫຼວງວຽງຈັນ ແລະ ໃຫ້ເປັນໃຈກາງຂອງ ການທ່ອງທ່ຽວວັດ ທະນະທຳ, ທ່ອງທ່ຽວທຳມະຊາດອີກດ້ວຍ.

         ເມືອງຮົ່ມ ແລະ ເມືອງ ໄຊ ສົມບູນ ເປັນເຂດພູດອຍສູງຊັນ ມີອາກາດໜາວເຢັນ ແລະ ມີແມ່ ນ້ຳຫຼາຍສາຍ, ມີບໍ່ແຮ່ ແລະ ຊັບ ພະຍາກອນທຳມະຊາດ ຫຼວງ ຫຼາຍ ທີ່ເອື້ອຍອຳນວຍໃຫ້ແກ່ ການເຂົ້າໄປລົງທຶນໃນເຂດດັ່ງ ກ່າວ ເຊິ່ງໃນໄລຍະຜ່ານມາລັດ ຖະບານກໍ່ໄດ້ລົງທຶນກໍ່ສ້າງເສັ້ນ ທາງເຊື່ອມຕໍ່ 2 ເມືອງດັ່ງກ່າວ ກັບແຂວງອ້ອມ ຂ້າງ ແລະ ໂຄງການຊຸກຍູ້ສົ່ງເສີມການຜະລິດ ແລະ ການບໍລິການອີກຫຼາຍໆໂຄງການອັນຈະເປັນທ່າແຮງດຶງ ດູດການລົງທຶນເຂົ້າມາພັດທະນາ ທ້ອງຖິ່ນນີ້ໃຫ້ໄດ້ຮັບຜົນ.      

         ສຳລັບນັກທຸລະກິດທີ່ຈະ ເຂົ້າ ໄປລົງທຶນໃນເຂດສອງຕົວ ເມືອງນີ້ແມ່ນຈະໄດ້ຮັບນະໂຍບາຍສົ່ງເສີມດ້ານ ພາສີ-ອາກອນ ທີ່ໄດ້ກຳນົດໄວ້ໃນກົດໝາຍການ ລົງທຶນ ເປັນຕົ້ນແມ່ນຈະໄດ້ຮັບ ການຍົກເວັ້ນອາກອນກຳໄລແຕ່ 4-10 ປີ,  ຍົກເວັ້ນຄ່າເຊົ່າທີ່ດິນ 3-10 ປີ, ຍົກເວັ້ນນຳເຂົ້າວັດຖຸດິບ,  ພາຫະນະ-ອຸປະກອນຮັບໃຊ້ການຜະລິດ ແລະ ນະໂຍບາຍສົ່ງເສີມອື່ນໆ.