ກະຊວງການຕ່າງປະເທດເຜີຍແຜ່ບັນດານິຕິກຳໃຫ້ພະນັກງານຫຼັກແຫຼ່ງພາຍໃນກະຊວງ ແລະຄະນະພົວພັນຕ່າງປະເທດສູນກາງພັກ

       ໃນຕອນເຊົ້າຂອງວັນທີ 25 ມັງກອນ 2013 ທີ່ສູນ ICTC ນະ ຄອນ ຫຼວງວຽງຈັນ ກະຊວງການຕ່າງປະເທດ ໄດ້ຈັດພິທີເຜີຍແຜ ບັນດານິ ຕິກຳຂອງ ສປປ ລາວ ໃຫ້ພະນັກງານຫຼັກແຫຼ່ງພາຍໃນກະຊວງ ແລະ ຄະນະພົວພັນ ຕ່າງປະເທດສູນກາງພັກ ໂດຍການ ເປັນກຽດເຂົ້າຮ່ວມ ຂອງທ່ານ ອ້ວນ ພົມມະຈັນ ຫົວໜ້າກົມສົນທິ ສັນຍາ ແລະ ກົດໝາຍ ກະຊວງ ການຕ່າງປະເທດ, ມີບັນດາຫົວໜ້າກົມ, ຮອງຫົວໜ້າກົມ ແລະ ພະນັກງານຫຼັກ ແຫຼ່ງຈາກອ້ອມ ຂ້າງກະຊວງການຕ່າງປະເທດ ເຂົ້າຮ່ວມກວ່າ 30 ທ່ານ.

    ກອງປະຊຸມໄດ້ເຜີນ ແຜ່ບັນດາ ນິຕິກຳ, ດຳລັດ ແລະ ມະຕິຕ່າງໆ ທີ່ມີເນື້ອໃນກ່ຽວຂ້ອງກັບການ ຮ່ວມມືໃນຂົງ ເຂດວຽກງານການ ຕ່າງປະເທດຂອງ ສປປ ລາວ 7 ສະບັບ,ຜູ້ເຂົ້າຮ່ວມໃນພິທີດັ່ງກ່າວ ໄດ້ຮັບຟັງການບັນຍາຍ ກົດໝາຍ ວ່າດ້ວຍທີ່ດິນ ສະບັບເລກທີ່ 03/ ສພຊ, ລົງວັນທີ 21 ຕຸລາ 2003 ເຊິ່ງນຳສະເໜີໂດຍ ທ່ານ ຄຳພັນ ປະວົງວຽງຄຳ ຮອງຫົວໜ້າພະ ແນກນິຕິກຳ, ກົມຄຸ້ມຄອງທີ່ດິນ, ກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມ. ມະຕິ ຕົກ

ລົງວ່າດ້ວຍວຽກງານພົວພັນ ຄົນເຊື້ອ ຊາດລາວຢູ່ຕ່າງປະເທດ ສະບັບເລກທີ່ 731ຄລສພ/07 ລົງ ວັນທີ 13 ກັນຍາ 2007ສະເໜີໂດຍ ທ່ານ ທວນ ວໍລະສານ ຫົວໜ້າກົມ ພົວພັນຄົນ ເຊື້ອຊາດລາວຢູ່ຕ່າງ ປະເທດ. ດຳລັດຂອງນາຍົກລັດ ຖະມົນ ຕີ ວ່າດ້ວຍການຄຸ້ມຄອງ ພະນັກງານລາວທີ່ເຮັດ ວຽກນຳ ອົງການຕ່າງປະເທດ ສະບັບເລກ ທີ່ 456/ນຍ, ລົງ ວັນທີ 1 ຕຸລາ 2010 ແລະ ຂໍ້ແນະນຳຂອງລັດຖະ ມົນຕີ ວ່າການກະຊວງການຕ່າງ ປະເທດກ່ຽວກັບວຽກ ງານດັ່ງ ກ່າວ ສະເໜີໂດຍ ທ່ານ ບຸນວາດ ເກດສຸວັນ ຮອງຫົວໜ້າຫ້ອງການ ບໍລິຫານສະຖານທູດ ກະຊວງ ການຕ່າງປະເທດ. ດຳລັດຂອງ ນາຍົກລັດຖະມົນຕີ ວ່າດ້ວຍການ ທົດແທ່ນຄ່າເສຍຫາຍ ແລະ ການ ຍົກຍ້າຍຈັດສັນປະຊາຊົນຈາກ ໂຄງການພັດທະນາ ສະບັບ ເລກທີ່ 192/ນຍ, ລົງວັນທີ 7 ກໍລະກົດ 2007 ສະເໜີໂດຍຜູ້ຕ່າງໜ້າຈາກ ຫ້ອງວ່າການປົກຄອງນະຄອນ ຫຼວງ. ດຳລັດຂອງນາຍົກລັດຖະ ມົນຕີວ່າ ດ້ວຍສະມາຄົມ ສະເໜີ ໂດຍ ທ່ານ ແສງອາລຸນ ຍົດລືໄຊ ຫົວໜ້າພະແນກຄຸ້ມ ຄອງອົງການ ຈັດຕັ້ງສະມາ ຄົມ ກະຊວງພາຍ ໃນ. ກົດໝາຍວ່າດ້ວຍການສົ່ງຜູ້ ຮ້າຍຂ້າມແດນ ສະເໜີໂດຍ ທ່ານ ນາງ ນາລົງລິດ ນໍຣະສິງຫ໌ ຫົວ ໜ້າກົມພົວພັນ ແລະ ການຮ່ວມມື ຕ່າງປະເທດ ກະຊວງຍຸຕິທຳ ແລະ ບົດແນະນຳ ຂອງຮອງນາຍົກລັດຖະມົນຕີ ລັດຖະມົນຕີວ່າ ການກະຊວງການຕ່າງປະເທດ ກ່ຽວກັບການຈັດຕັ້ງປະຕິບັດ ດຳ ລັດຂອງນາຍົກລັດຖະມົນຕີ ສະ ບັບເລກທີ່ 129/ນຍ, ລົງວັນທີ 23 ກໍລະກົດ 2008 ວ່າດ້ວຍຊັ້ນ ການ ທູດ ສະເໜີໂດຍ ທ່ານ ຄຳໄພ ພັນ ທອງດີ ຫົວໜ້າພະແນກຄຸ້ມຄອງ ແລະ ຈັດຕັ້ງພະນັກງານ, ກົມຈັດ ຕັ້ງ ແລະ ພະນັກງານ ກະຊວງ ການຕ່າງປະເທດ.

          ທ່ານ ອ້ວນ ພົມມະຈັນ ຫົວ ໜ້າກົມສົນທິສັນຍາ ແລະ ກົດ ໝາຍ ກະຊວງການຕ່າງປະເທດ ກ່າວ​ວ່າ: ບັນດາກົດໝາຍ, ດຳລັດ ​ແລະ ມະຕິ​ດັ່ງກ່າວ​ນັບ​ວ່າ​ມີ​ບົດ ບາດ​ສຳຄັນ​ເປັນ​ຢ່າງ​ຍິ່ງ​ສຳລັບ​ພະນັກງານ​ຫຼັກ​ແຫຼ່ງ ​ແລະ ສະມາ ຊິກ​ພັກ​ພາຍ​ໃນ​ກະຊວງ​ການ​ຕ່າງ ປະ​ເທດ ​ແລະ ຄະນະ​ພົວພັນ​ຕ່າງ ປະ​ເທດ​ສູນ​ກາງ​ພັກ ​ເພື່ອ​ເຮັດ​ໃຫ້ ການ​ດຳ​ເນີນ​ງານ​ໄປ​ຕາມ​ແນວ ທາງ​ນະ​ໂຍບາຍ​ການ​ຕ່າງປະ​ເທດ​ຂອງ​ພັກ​​ ແລະ ເຮັດ​ໃຫ້​ພະນັກ ງານ​ພາຍ​ໃນ​ກະຊວງ​ການ​ຕ່າງ ປະ​ເທດ​ຮັບ​ຮູ້, ​ເຂົ້າ​ໃຈ ​ແລະ ກຳ​ແໜ້ນ ແນວທາງນະ​ໂຍບາຍການ​ຕ່າງປະ​ເທດ​ຂອງ​ພັກ​ເຮົາ​ໃນ​ໄລ ຍະ​ໃໝ່ ເຊິ່ງບາງ​ມາດຕາ ​ແລະ ບາງ​ໝວດ​ກໍ​ໄດ້​ຮັບການ​ປັບປຸງ ​ແລະ ປ່ຽນ​ແປງ​ໃໝ່​ເພື່ອ​ໃຫ້​ສອດ​ຄອງ​ກັບ​ສະພາບ​ແວດ​ລ້ອມ​ຂອງ​ສາກົນໃນ​ການ​ພົວພັນກັບ​ຕ່າງປະ​ເທດໃນຍຸກ​ປັດ​ຈຸ​ບັນ. ທ່ານ​ຫົວໜ້າ​ກົມ​ຍັງ​ຮຽກຮ້ອງ​ໃຫ້​ພະນັກງານ​ທຸກ​ຄົນ​ພາຍ​ໃນ​ກະຊວງ​ການ​ຕ່າງປະ​ເທດ​ກຳ​ແໜ້ນ​ແນວທາງ​ນະ​ໂຍບາຍ​ດັ່ງກ່າວ​ເຂົ້າ​ໃນ​ການ​ປະຕິບັດ​ໜ້າ​ທີ່​ວຽກ​ງານ​ໃຫ້​ບັນລຸ​ຜົນສຳ​ເລັດ​ໃນ​ໄລຍະ​ໃໝ່.