ອີກບໍ່ດົນປະຊາຊົນ 3 ບ້ານ ເມືອງໂພອນໄຊ ຈະໄດ້ຊົມໃຊ້ ໄຟຟ້າ

           ໂຄງການກໍ່ສ້າງຕາຂ່າຍ ໄຟຟ້າແຮງກາງ 22 ກິໂລໂວນ, ຕາຂ່າຍໄຟຟ້າແຮງຕ່ຳ 0,4 ກິໂລ ໂວນ ແລະ ຕິດຕັ້ງໝໍ້ແປງ ຈາກ ບ້ານປາກວີ້, ບ້ານຜາຕູບ ແລະ ບ້ານຜາແຕ້ມ ເມືອງໂພນໄຊ ແຂວງຫລວງ ພະບາງ ມີຄວາມ ຍາວ 26,5 ກິໂລແມັດ ກວມເອົາ 267 ຄອບຄົວ ມີກຳນົດການກໍ່ ສ້າງໃຫ້ສຳເລັດໃນ 18 ເດືອນ ນັບ ແຕ່ວັນທີ 30/2/2013 ຫາ 10/6/ 214 ໂດຍແມ່ນ ພະແນກພະລັງ ງານ-ບໍ່ແຮ່ ແຂວງຫລວງພະບາງ ເປັນເຈົ້າຂອງໂຄງ ການ, ສ່ວນການຮັບເໝົາກໍ່ສ້າງແມ່ນ ບໍລິສັດ ກິຕິວົງໄຟຟ້າ ຈຳກັດ ແຂວງ ຫລວງພະບາງ ໃນມູນຄ່າ 12,063.198.143 ກີບ ໂດຍນຳໃຊ້ ງົບປະມານຂອງລັດ 100%  ພາຍ ຫລັງທີ່ໂຄງການນີ້ສຳເລັດ ຈະເຮັດໃຫ້ ບ້ານ, ຄອບຄົວ ແລະ ປະຊາຊົນບັນດາເຜົ່າໃນເຂດດັ່ງກ່າວໄດ້ຊົມໃຊ້ກະແສໄຟຟ້າ ແຫ່ງຊ າດຢ່າງຖາວອນເຂົ້າໃນ ການຜະລິດແກ້ໄຂຊີວິດການເປັນຢູ່ຂອງປະຊາຊົນໃຫ້ດີຂຶ້ນທັງເປັນການປະກອບສ່ວນໃນການແກ້ໄຂ ຄວາມທຸກຍາກເທື່ອລະກ້າວ.

        ພິທີເຊັນສັນຍາໂຄງການກໍ່ສ້າງຕາຂ່າຍໄຟຟ້າເທື່ອນີ້ ໄດ້ຈັດຂຶ້ນໃນວັນທີ 6 ກຸມພາ 2013 ທີ່ ຫ້ອງວ່າການປົກຄອງ ແຂວງຫລວງພະບາງ ໂດຍການເຂົ້າຮ່ວມເປັນສັກຂີພິຍານຂອງ ທ່ານ ຄຳດົວ ເຢ່ຍກົວນໍ່ເຮີຫວ່າງ ຮອງເລຂາພັກແຂວງ, ຮ່ວມ ລົງນາມໃນສັນຍາເຈົ້າຂອງໂຄງການແມ່ນທ່ານ ສາຍສະໝອນ ທິດາກອນ ຫົວໜ້າພະແນກພະລັງງານ- ບໍ່ແຮ່ແຂວງ ຫລວງພະບາງ ແລະ ທ່ານ ຈັນທີ ກິດຕິວົຫົວ ໜ້າບໍລິສັດ ກິດຕິວົງການໄຟຟ້າ ຈຳກັດຜູ້ຮັບເໝົາ, ໂດຍຊ້ອງໜ້າແຂກຖືກ ເຊີນທີ່ກ່ຽວຂ້ອງເຂົ້າຮ່ວມ.