ຈະມີການປະກວດຕົວແທນນັກສຶກສາສະຖາບັນພາສາຝຣັ່ງປະຈຳ 2013

       ສະຖາບັນການສຶກສາພ ສາຝຣັ່ງ (ສູນພາສາ ຝຣັ່ງ) ປະຈຳລາວ ຈະຈັດງານປະກວດ ເພື່ອຄັດເລືອກ ຕົວແທນນັກສຶກສາ ທີ່ມີຄວາມຮູ້, ຄວາມສາມາດ ແລະ ພອນສະຫວັນ ດ້ານພາສາຝຣັ່ງ, ການເດີນ ແບບ ເສື້ອຜ້າ ແລະ ການສະແດງສິລະປະ ຕ່າງໆປະຈຳປີ 2013 ການປະກວດຈະເລີມ ຂຶ້ນໃນຕອນ ແລງຂອງວັນສຸກ ທີ 29 ມີນາ 2013 ທີ່ສະຖາບັນ ພາສາຝຣັ່ງ ​ເຊິ່ງ ພິທີຖະແຫຼ່ງ ຂ່າວການຈັດງານດັ່ງ ກ່າວມີ ຂຶ້ນໃນວັນທີ 22 ມີນາ 2013 ທີ່ ສະຖາບັນ ການສຶກສາພາສາ ຝຣັ່ງປະຈຳລາວ ນະ ຄອນຫຼວງວຽງຈັນໂດຍ ການເປັນກຽດເຂົ້າຮ່ວມຂອງ ທ່ານ ລໍ​ເລນ ມອນ​ຕີ​ເລດ (Laurent Montillet ) ຮອງອຳນວຍ ການ ສະຖາບັນການສຶກສາພາສາຝຣັ່ງປະຈຳລາວ, ມີຕົວແທນນັກສຶກສາທີ່ເຄີຍໄດ້ຮັບລາງວັນຈາກງານດັ່ງກ່າວປະຈຳ ປີຜ່ານມາ ຕະຫຼອດຮອດສື່ມວນຊົນຈາກພາກສ່ວນຕ່າງໆເຂົ້າຮ່ວມຢ່າງພ້ອມພຽງ.

         ທ່ານ ຮອງອຳນວຍການສະຖາບັນການສຶກສາພາສາ ຝຣັ່ງ ປະຈຳລາວກ່າວ ວ່າ: ງານປະກວດຕົວແທ່ນນັກສຶກສາສະ ຖາບັນພາສາຝຣັ່ງປະຈຳລາວໄດ້ຈັດຂຶ້ນເປັນຄັ້ງທຳອິດໃນປີ 2010 ເນື່ອງໃນໂອກາດສະເຫຼີມສະຫຼອງວັນສ້າງຕັ້ງຝຣັ່ງໂກ ໂຟນີ ເພື່ອຄັດເລືອກເອົາຕົວແທ່ນນັກສຶກສາພາສາຝຣັ່ງຍິງ ແລະ ຊາຍ ໃນການເຮັດ ໜ້າທີ່ໂຄສະນາສະຖາບັນພາສາຝຣັ່ງ, ເຄື່ອນ ໄຫວກິດຈະກຳຕ່າງໆຕະຫຼອດປີ ຈັດໂດຍສະຖາບັນພາສາຝຣັ່ງ.

          ຮອງອຳນວຍການສະຖາ ບັນການສຶກສາພາສາຝຣັ່ງປະຈຳ ລາວຍັງກ່າວອີກວ່າ: ຈຸດປະສົງ ຂອງ ງານປະກວດດັ່ງກ່າວ ບໍ່ ແມ່ນເພື່ອຄັດເລືອກເອົາຜູ້ງາມທີ່ ສຸດໃນບັນດາຜູ້ເຂົ້າຮ່ວມການປະ ກວດ ແຕ່ເພື່ອຄັດເລືອກເອົາຜູ້ ທີ່ ມີຄວາມຮູ້, ຄວາມສາ ມາດ, ມີ ຄວາມ ກະຕືລືລົ້ນໃນການເຮັດ ວຽກ, ມີລະດັບຄວາມຮູ້ ດ້ານພາ ສາ, ມະນຸດສຳພັນ, ຍິ້ມແຍ້ມແຈ່ມ ໃສ ແລະ ກ້າ ສະແດງອອກຕໍ່ໜ້າມະຫາຊົນ.

         ສຳລັບປີນີ້ຈະມີຜູ້ເຂົ້າຮ່ວມ ປະກວດທັງໝົດ 18 ຄົນ, ຍິງ 6 ຄົນ ໂດຍສະຖາບັນຈະໃຊ້ທັກ ສະ ດ້ານພາສາ ເປັນບ່ອນ ອີງໃນການ ຄັດເລືອກ ຜູ້ທີ່ໄດ້ຮັບລາງວັນຊະ ນະເລີດຈະໄດ້ຮັບລາງວັນທ່ຽວ ຫຼວງພະບາງສອງຄືນ ເຊິ່ງລວມທັງການລອງ ເຮືອສຳລານນາວາ ແມ່ຂອງສະໜັບສະໜູນໂດຍ: ບໍລິສັດທ່ອງທ່ຽວ Exotissimo ແລະ Villa Maly, ຮັບປະທານອາ ຫານແລ້ງທີ່ໂຮງແຮມອັນຊາຣາ, ຂອງຂວັນມອບໂດຍ: Yve Rocher, Fitness ສຳລັບສອງຄົນອຸປະຖຳໂດຍ: ແສງດາລາ ຟິດເນັດ, ປຶ້ມ ແລະ ຮຽນພາສາຝຣັ່ງ ໂດຍບໍ່ເສຍຄ່າໜຶ່ງປີອຸປະຖຳໂດຍ: ສະຖາບັນພາສາຝຣັ່ງ, ໄດ້ຮັບວາລະສານຝຣັ່ງໂດຍ ບໍ່ເສຍຄ່າອຸປະຖຳໂດຍ: Monument Books, ຜະລິດຕະພັນ Nestle Lao. ລາງວັນ ຮອງຊະນະເລີດ ອັນດັບໜຶ່ງຈະໄດ້ ຮັບຂອງຂວັນ ຈາກ: Datacom ແລະ Yve Rocher, Nestle Lao ສຳລັບ ສອງຄົນ ອຸປະຖຳໂດຍ: ແສງດາລາ ຟິດເນັດ, ຮັບປະທານອາຫານແລ້ງສຳລັບສອງຄົນທີ່ຮ້ານອາຫານຄົວລາວ, ໄດ້ຮັບວາລະສານຝຣັ່ງໂດຍບໍ່ເສຍຄ່າອຸປະຖຳໂດຍ: Monu ment Books, ປຶ້ມ ແລະ ຮຽນພາສາຝຣັ່ງ ໂດຍບໍ່ເສຍຄ່າໄລຍະສາມເທີມອຸປະຖຳໂດຍ: ສະຖາບັນພາສາຝຣັ່ງ, ຜະລິດຕະ ພັນ Nestle Lao. ລາງ ວັນຮອງ ຊະນະເລີດອັນດັບສອງ ຈະໄດ້ຮັບລາງວັນເຄື່ອງຫຼິ້ນ mp3 ອຸປະຖຳໂດຍ: Starcom, ສະປາສຳລັບສອງຄົນທີ່ດາລາສະປາ, Fitness ສຳລັບສອງຄົນອຸປະຖຳໂດຍ: ແສງດາລາຟິດເນັດ, ຮັບປະທານອາຫານແລງ ສຳລັບສອງຄົນ ທີ່ຮ້ານອາຫານຄົວລາວ, ໄດ້ຮັບວາລະສານຝຣັ່ງໂດຍບໍ່ເສຍຄ່າອຸປະຖຳໂດຍ: Monument Books, ປຶ້ມ ແລະ ຮຽນພາສາຝຣັ່ງ ໂດຍບໍ່ເສຍຄ່າ ໄລຍະສອງ ເທີມ ອຸປະຖຳໂດຍ: ສະຖາບັນພາສາຝຣັ່ງ, ຜະລິດຕະ ພັນ Nestle Lao. ນອກນັ້ນ ກໍຍັງ ມີລາງວັນຄູ່ຂວັນ ໃຈມະຫາຊົນ ຈະໄດ້ຮັບຂອງຂວັນຈາກ: Yve Rocher, ດ້ຮັບວາລະສານຝຣັ່ງ ໂດຍບໍ່ ເສຍຄ່າອຸປະຖຳໂດຍ: Monument Books, ປຶ້ມ ແລະ ຮຽນພາສາຝຣັ່ງ ໂດຍບໍ່ເສຍຄ່າໄລຍະໜຶ່ງເທີມອຸປະຖຳໂດຍ: ສະຖາ ບັນພາສາຝຣັ່ງ, ຜະລິດຕະ ພັນ Nestle Lao.