ການແກ້ໄຂບັນຫາທີ່ດິນທີ່ຖືກ ໂຄງການກໍ່ສ້າງທາງຕັດໃຫມ່ ແຕ່ບ້ານດອນນົກຂຸ້ມໄປຫາເສັ້ນ ທາງກຳແພງເມືອງ ຜ່ານບຶງ ທາດຫລວງ, ບ້ານຊຽງດາ, ດົງໂພສີເຊື່ອມຕໍ່ເສັ້ນທາງ 450 ປີ ແລະ ເສັ້ນທາງເຊື່ອມຕໍ່ບ້ານນາ ຄວາມສຳເລັດຫລາຍກວ່າ 60%

     ທ່ານ ຈັນທະ​ຫວາ ນິຕະວົງສາ ຫົວໜ້າ​ວິຊາ​ການ​ກອງ​ເລຂາ​ຄະ ນະ​ສະ​ເພາະ​ກິດ​ໂຄງການ​ກໍ່ສ້າງ​ເສັ້ນທາງ​ຕັດ​ໃໝ່ ​ແຕ່​ບ້ານ​ດອນ​ນົກ​ຂຸ້ມ​ໄປ​ຫາ​ເສັ້ນທາງ​ກຳ​ແພງ​ເມືອງ​ຜ່ານ​ບຶງ​ທາດຫລວງ, ບ້ານ​ຊຽງ​ດາ, ດົງ​ໂພ​ສີ​ ​ເຊື່ອມ​ຕໍ່​ຫາ​ເສັ້ນທາງ 450 ປີ ​ແລະ ​ເສັ້ນທາງ​ເຊື່ອມ​ຕໍ່​ບ້ານ​ນາ​ຄວາຍ ​ໄດ້​ໃຫ້​ສຳພາດ​ວ່າ: ມາ​ຮອດ​ປັດຈຸບັນ ຄະນະ​ສະ​ເພາະ​ກິດ​ໃນ​ການ​ແກ້​ໄຂ​ບັນຫາ​ການ​ຊົດ​ເຊີຍ​ທີ່​ດິນຖືກ​ໂຄງ ການ​ດັ່ງກ່າວ​ໄດ້​ແກ້​ໄຂ​ທີ່​ດິນ​ຂອງ​ປະຊາຊົນ​ທີ່​ຖືກ​ໂຄງການ​ແລ້ວ​ປະມານ 90 ກວ່າ​ຕອນ ຈາກ​ທັງ​ໝົດ 172 ຕອນ ຫລື ປະມານ 60% ​ເຊິ່ງຖື​ວ່າ​ເປັນ​ໄປ​ຕາມ​ແຜນການ​ວາງ​ໄວ້ ​ໂດຍ​ລວມ​ແລ້ວ​ເຫັນ​ວ່າ​ປະຊາຊົນ​ສ່ວນ​ຫລາຍ​ໃຫ້ການ​ຮ່ວມ​ມື​ເປັນ​ຢ່າງ​ດີ ຍ້ອນ​ເຫັນ​ໄດ້​ຕໍ່​ແນວທາງ​ນະ​ໂຍບາຍ​ຂອງ​ພັກ- ລັດຕໍ່​ການ​ພັດທະນາ ​ແລະ ສ້າງ ສາ​ປະ​ເທດ​ຊາດ​ໃຫ້​ມີ​ໃບ​ໜ້າ​ສວຍ​ງາມ, ມີ​ພື້ນຖານ​ໂຄງ​ລ່າງ​ທີ່​ສະດວກ​ສະບາຍ​ຕໍ່​ການ​ສັນຈອນ​ໄປມາ​ຂອງ​ສັງຄົມ ​ເຊິ່ງມູນ​ຄ່າ​ໃນ​ການ​ຊົດ​ເຊີຍ​ທີ່​ດິນ​ທັງ​ໝົດ​ປະ ມານ 13 ລ້ານ​ກວ່າ​ໂດ​ລາ​ສະຫະລັດ.

        ທ່ານ ຈັນທະ​ຫວາ ກ່າວ​ວ່າ: ​ໂຄງການ​ດັ່ງກ່າວ​ແມ່ນ​ບໍລິສັດ​ກໍ່ສ້າງ​ຂົວ-ທາງ​ຈຳກັດລົງທຶນ​ໃນ​ການ​ສຳ​ຫລວດ​ອອກ​ແບບ ​ແລະ ກໍ່ສ້າງ ​ໃນ​ມູນ​ຄ່າ 62 ລ້ານ​ກວ່າ​ໂດ​ລາ​ສະຫະລັດ (ບໍ່​ລວມຄ່າ​ຊົດ​ເຊີຍ​ທີ່​ດິນ 13 ລ້ານ​ກວ່າ​ໂດ​ລາ​ສະຫະລັດ). ການ​ກໍ່ສ້າງ​ໃນ​ໄລຍະ​ທີ 1 ​ແຕ່​ເສັ້ນທາງ​ບ້ານ​ດອນ​ນົກ​ຂຸ້ມ-ດອນ​ກອຍ ຖະໜົນ​ກຳ​ແພງ​ເມືອງ (T4)-ທາງ​ແຍກ​ບ້ານ​ຊຽງ​ດາ ຄວາມ​ຍາວ 4,1 ກິ​ໂລ​ແມັດ, ຄວາມ​ກວ້າງ​ຂອງ​ເສັ້ນທາງ 32 ​ແມັດ, ມີ 6 ​ເລນ​ລົດ​ແລ່ນ, ມີດ​ອນກາງ​ທາງ, ມີ​ທາງ​ຄົນ​ຍ່າງ 2 ​ເບື້ອງ, ມີ​ໄຟ​ເຍືອງ​ທາງ, ລະບົບ​ລະບາຍ​ນ້ຳ 2 ຂ້າງ​ທາງ, ປູດ້ວຍ​ອັດສະ​ຟານ ​ແລະ ກໍ່ສ້າງ​ຂົວ​ເບ​ຕົງ​ເສີມ​ເຫລັກ​ຍາວ 241 ​ແມັດ, ກວ້າງ 33,15 ​ແມັດ, ​ເຂດ​ສະ ຫງວນ​ແລວ​ທາງ 40 ​ແມັດ, ສະ​ເພາະ​ບຶງ​ທາດຫລວງ​ແມ່ນ 70 ​ແມັດ, ມີ​ຄວາມ​ຍາວ 5,40 ກິ​ໂລ​ແມັດ, ຄວາມ​ກວ້າງ​ປະມານ 23 ​ແມັດ, ມີ 6 ຊ່ອງ​ຈະລາຈອນ, ມີດ​ອນກາງ​ທາງ, ລະບົບ​ລະບາຍ​ນ້ຳ ຢູ່​ສອງ​ຟາກ​ທາງ, ປູ​ດ້ວຍ​ອັດສະ​ຟານ ​ແລະ ກໍ່ສ້າງ​ຂົວ​ເບ​ຕົງ​ເສີມ​ເຫລັກ​ຍາວ 62 ​ແມັດ, ກວ້າງ 30,75 ​ແມັດ, ​ເຂດ​ສະຫງວນ​ແລວ​ທາງ 40 ​ແມັດ ​ແລະ ​ໄລຍະ​ທີ 3 ​ເຊື່ອມ​ຕໍ່​ຈາກ​ຫລັກ 21 ຫາ​ບ້ານ​ນາ​ຄວາຍ ຍາວ 2,2 ກິ​ໂລ​ແມັດ, ຄວາມ​ກວ້າງ​ໜ້າ​ທາງ 17 ​ແມັດ, ມີ 4 ຊ່ອງ​ຈະລາຈອນ, ລະບົບ​ລະບາຍ​ນ້ຳສອງ​ຟາກ​ທາງ, ປູ​ດ້ວຍ​ອັດສະ​ຟານ ​ແລະ ​ເຂດ​ສະຫງວນ​ແລວ​ທາງ 40 ​ແມັດ. ​ໂຄງການ​ດັ່ງກ່າວ​ເລີ່​ມລົງມື​ກໍ່ສ້າງ​ມາ​ແຕ່​ເດືອນ​ຕຸລາ 2012.

    ມາ​ຮອດ​ປັດຈຸບັນ​ການ​ກໍ່ສ້າງ​ມີ​ຄວາມ​ຄືບ​ໜ້າ 25% ​ໂດຍ​ໃນ​ລະດູ​ແລ້ງ​ປີໜ້າ​ຈະ​ເລີ່​ມປູ​ອັດສະ​ຟານ ​ແລະ ຈະ​ໃຫ້​ສຳ​ເລັດ​ໃນ​ປີ 2015.