ສປປ ລາວ ແລະ ຣາຊະອານາ ຈັກໄທ ເພີ່ມທະວີການຮ່ວມມືສອງຝ່າຍ

     ໃນວັນທີ 13 ມີນານີ້, ຢູ່ໂຮງແຮມດອນຈັນພາເລດ, ທ່ານ ທອງສິງ ທຳມະວົງ ນາຍົກລັດ ຖະມົນຕີ ແຫ່ງ ສປປ ລາວ ໄດ້ພົບປະສອງຝ່າຍຢ່າງເປັນທາງການ ກັບ ທ່ານນາງ ຍິ່ງລັກ ຊິນນະວັດ ນາຍົກລັດຖະ ມົນຕີ ແຫ່ງຣາຊະອານາຈັກໄທ ໃນໂອ ກາດເດີນທາງມາເຂົ້າຮ່ວມກອງປະຊຸມສຸດຍອດ ACMECS ຄັ້ງທີ 5 ຢູ່ນະຄອນ ຫລວງວຽງຈັນ.

    ໃນການພົບປະສອງຝ່າຍ, ນາຍົກລັດຖະມົນຕີແຫ່ງ ສປປ ລາວ ໄດ້ສະແດງ ຄວາມຊົມເຊີຍຕໍ່ການ ເດີນ ທາງມາເຂົ້າຮ່ວມກອງປະຊຸມສຸດຍອດ ACMECS ຄັ້ງທີ 5 ໃນລະຫວ່າງວັນທີ 12-13 ມີນານີ້ ຂອງນາ ຍົກລັດຖະມົນຕີ ແຫ່ງຣາຊະອານາຈັກໄທ ແລະ ຄະນະ. ທັງສອງຝ່າຍໄດ້ຕີລາຄາສູງການພົວພັນ ແລະ ການຮ່ວມ ມືອັນດີທີ່ມີມາແຕ່ດົນນານລະຫວ່າງສອງປະເທດລາວ ແລະ ໄທ, ພ້ອມທັງ ໄດ້ປຶກສາຫາລື ແນວທາງການຮ່ວມມືໃນອະ ນາຄົດເຊັ່ນ: ການສຳຫລວດ ແລະ ປັກຫລັກໝາຍຊາຍແດນ ລາວ-ໄທ; ການຮ່ວມມືດ້ານການເຊື່ອມໂຍງເສັ້ນທາງຄົມມະ ນາຄົມໃນອະນຸພາກພື້ນ, ການເຊື່ອມໂຍງເສັ້ນທາງລົດໄຟ ຄວາມໄວສູງ ແລະ ການພັດທະນາເສັ້ນທາງເຊື່ອມໂຍງ ລາວ-ໄທ ແລະ ການກະກຽມຈັດກອງປະຊຸມຄະ ນະລັດຖະມົນຕີ ລາວ-ໄທ ຄັ້ງທີ 2 ໃນປີນີ້.

    ໂອກາດດັ່ງກ່າວ, ນາຍົກລັດຖະມົນຕີໄທໄດ້ເຊື້ອເຊີນນາຍົກລັດຖະມົນຕີລາວເຂົ້າຮ່ວມກອງປະຊຸມສຸດ ຍອດຜູ້ນຳດ້ານນ້ຳແ ຫ່ງອາຊີ-ປາຊີຟິກ ເຊິ່ງຝ່າຍໄທຈະເປັນເຈົ້າພາບຈັດຂຶ້ນໃນລະຫວ່າງວັນທີ 19-20 ພຶດສະພາ 2013. ພ້ອມນັ້ນ ກໍໄດ້ສະແດງ ຄວາມຂອບໃຈຕໍ່ນາຍົກລັດຖະມົນຕີລາວທີ່ໄດ້ໃຫ້ກຽດ ຕ້ອນຮັບການເຂົ້າພົບປະປຶກສາຫາລື ແລະ ອຳນວຍຄວາມສະດວກທຸກ ປະການໃຫ້ແກ່ຄະນະຜູ້ແທນ ໄທໃນ ການເຂົ້າຮ່ວມກອງປະຊຸມສຸດຍອດ ACMECS ຄັ້ງທີ 5 ຢູ່ນະຄອນຫລວງວຽງ ຈັນເທື່ອນີ້.

    ການພົບປະປຶກສາຫາລືໄດ້ດຳ ເນີນໄປໃນບັນຍາກາດແຫ່ງໄມຕີ ຈິດມິດຕະພາບ ແລະ ຄວາມເຂົ້າອົກເຂົ້າໃຈຖານບ້ານ ໃກ້ເຮືອນຄຽງທີ່ດີຕໍ່ກັນ.

    ພາຍຫລັງສຳເລັດການພົບປະປຶກສາຫາລື, ນາຍົກລັດຖະມົນຕີທັງສອງກໍໄດ້ເຂົ້າຮ່ວມເປັນສັກຂີພະຍານໃນພິທີລົງນາມ ບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານການສົ່ງເສີມກະສິກຳແບບມີຂໍ້ຜູກ ພັນສັນຍາສອງສົ້ນພາຍໃຕ້ຂອບ ACMECS ນຳອີກ.