ອຸທາຫອນການຫລິ້ນນ້ຳໃນບຸນປີໃຫມ່ ມີ 1 ລາຍເສຍຊີວິດ ຢູ່ນ້ຳຊອງ

        ຄວາມອັນຕະລາຍໃນ ໄລ ຍະບຸນປີໃໝ່ລາວທີ່ຫລາຍຄົນຄິດວ່າມັກເກີດຂຶ້ນນັ້ນອາດ ແມ່ນອຸປະຕິເຫດທາງຖະໜົນແຕ່ ຄວາມຈິງແລ້ວຄວາມອັນຕະລາຍແມ່ນຢູ່ອ້ອມຮອບຕົວເຮົາ ຖ້າເມື່ອໃດຫາກມີຄວາມປະໝາດ ຫລື ຫລີ້ນກິນແບບເກີນຂອບ ເຂດ.

        ຫລາຍຄົນຊ່ວຍກັນອູ້ມ ຊາຍ ທີ່ມີຮູບຮ່າງຕຸ້ຍໃຫຍ່ໄວ ປະມານ 50 ກວ່າປີ ຂຶ້ນມາ ຈາກສາຍນ້ຳ ຢ່າງຮີບດ່ວນ ເພື່ອ ຊ່ວຍຄາຍປອດ ແລະ ປ້ຳ ຫົວໃຈ, ຫລັງຈາກທີ່ລາວໝົດສະຕິໃນລະຫວ່າງການລົງຫລີ້ນຢູ່ແມ່ນ້ຳຊອງເມືອງວັງວຽງແຂວງ ວຽງຈັນ, ແຕ່ສຸດທ້າຍກໍຕ້ອງຈົບເສຍຊີວິດລົງຢ່າງໜ້າເສຍໃຈຂອງໝູ່ເພື່ອນ ແລະ ຍາດພີ່ນ້ອງທີ່ໄປທ່ຽວນຳກັນ. ໂດຍເຫດການສູນເສຍດັ່ງ ກ່າວເກີດຂຶ້ນໃນເວລາປະມານ 17:00 ໂມງຂອງ ໃນວັນທີ 15 ເມສາ 2013.

          ຜູ້ເຫັນເຫດການທ່ານໜຶ່ງ ເລົ່າສູ່ນັກຂ່າວຟັງວ່າ:ກ່ອນເກີດ ເຫດມີຜູ້ຄົນເປັນຈຳນວນຫລາຍ ໄດ້ລົງຫລີ້ນນ້ຳຢ່າງມ່ວນຊື່ ນ, ຫລັງຈາກນັ້ນ ຈຶ່ງມີລົມພະຍຸພັດ ມາຢ່າງແຮງແບບກະທັນຫັນ ເຮັດໃຫ້ຜ້າເຕັ້ນ ແລະ ເຄື່ອງຂອງຕ່າງໆຂອງນັກທ່ອງທ່ຽວ ໃນບໍລິ ເວນດັ່ງກ່າວປິວແບບກະແຈກກະຈາຍໄປທົ່ວບໍລິເວນ ແລະ ພາຍຫລັງລົມພະຍຸຢຸດເຊົາຈຶ່ງເຫັນມີຊາຍຄົນໜຶ່ງ ກຳລັງພະ ຍາຍາມ ຊ່ວຍດຶງເອົາຮ່າງຄິງທີ່ໄຮ້ວິນຍານຂອງຊາຍຜູ້ນັ້ນອອກຈາກຢາງຕີນລົດ(ກົງເບັງ) ໃນລັກສະນະຫົວຈົມນ້ຳ ຢູ່ຂຶ້ນມາ ແຄມຝັ່ງ ເພື່ອ ຊ່ວຍຄາຍປອດ ແລະ ປ້ຳຫົວໃຈ ກ່ອນນຳສົ່ງໄປ ໂຮງໝໍເມືອງວັງວຽງ ແຕ່ໃນທີ່ສຸດກໍບໍ່ສາມາດຊ່ວຍ ຊີວິດໄວ້ໄດ້

ຊຶ່ງແພດລະບຸວ່າ: ເກີດອາການເສັ້ນເລືອດຝອຍແຕກໃນສະໝອງເພາະວ່າ ຜູ້ກ່ຽວແມ່ນມີພະ ຍາດປະຈຳຕົວຄື: ຫົວໃຈ ແລະ ຄວາມດັນບວກກັບການ ດື່ມສິ່ງມືນເມົາໃນປະລິມານຫລາຍ ແລະ ຫລີ້ນນ້ຳເປັນເວລາດົນ ຈຶ່ງເກີດອາການຊ໋ອກ ແລະ ຈົບຊີວິດລົງໃນທີ່ສຸດ.  

       ການສູນເສຍໂດຍບໍ່ຄາດຄິດຄືດັ່ງກໍລະນີນີ້, ແມ່ນອຸທາຫອນໜຶ່ງໃຫ້ທຸກຄົນຈົ່ງມີສະຕິລະມັດລະວັງໃນການຫລີ້ນກິນໃນ ຍາມມ່ວນຊື່ນ, ສິ່ງສຳຄັນຕ້ອງຄຳນຶງ ເຖິງສຸຂະພາບຂອງຕົນວ່າຄວນຫລີກລ້ຽງ ຫລື ຫລຸດຜ່ອນອັນໃດເພື່ອໃຫ້ຮ່າງກາຍສາມາດ ຮັບກັບສິ່ງທີ່ເຮົາດື່ມ-ກິນເຂົ້າໄປ ແລະ ຕ້ານທານຕໍ່ພະຍາດທີ່ອາດກໍໃຫ້ເກີດຜົນກະທົບຕໍ່ສຸຂະພາບ ແລະ ສູນເສຍຊິວິດໄດ້.