ກຳມະທິການວັດທະນະທຳ-ສັງ ຄົມສຳເລັດການເຂົ້າຮ່ວມກອງປະຊຸມລັດຖະສະພາອິນດູຈີນກ່ຽວກັບນະໂຍບາຍເຫລົ້າ

     ທ່ານນາງ ບົວພັນ ລີໄກຢາ ຮອງປະທານກຳມາທິການວັດ ທະນະທຳ-ສັງຄົມ ສະພາແຫ່ງ ຊາດ ພ້ອມດ້ວຍຄະນະ ໄດ້ສຳ ເລັດເຂົ້າຮ່ວມກອງປະຊຸມລັດຖະ ສະພາອິນດູຈີນ ກ່ຽວກັບນະໂຍ ບາຍເຫລົ້າ ເມື່ອບໍ່ດົນມານີ້ ຢູ່ນະ ຄອນຫລວງຮ່າໂນ້ຍ ສສ ຫວຽດ ນາມ ໂດຍແມ່ນອົງການຈັດຕັ້ງ ສາກົນສົ່ງເສີມບໍ່ນຳໃຊ້ເຫລົ້າ (IOGT) ມີປະເທດກຳປູເຈຍ, ສປປ ລາວ, ໄທ ແລະ ສສ ຫວຽດ ນາມ ເຂົ້າຮ່ວມ. ທ່ານນາງ ເຈືອງ ທິ ມາຍ ກຳມະການສູນກາງພັກ, ກຳມະການຄະນະປະຈຳສະພາ ແຫ່ງຊາດ ທັງ ເປັນປະທານກຳ ມາທິການບັນຫາສັງຄົມ ເຊິ່ງ ທ່ານມີຄຳເຫັນສຳຄັນວ່າ: ກອງ ປະຊຸມເທື່ອນີ້ເປັນໂອກາດໃຫ້ບັນ ດາສະມາຊິກ ແຕ່ລະປະເທດໄດ້ ແລກປ່ຽນໃນການກໍ່ສ້າງ ແລະ ຕິດຕາມກວດກາການຈັດຕັ້ງປະ ຕິບັດນະໂຍບາຍກົດໝາຍ ທັງ ເປັນການ ເພີ່ມທະວີນ້ຳໃຈສາມັກ ຄີມິດຕະພາບ ແລະ ຄວາມເຂົ້າ ໃຈເຊິ່ງກັນ ແລະ ກັນ ລະຫວ່າງ ບັນດາສະມາຊິກທີ່ເຮັດວຽກຢູ່ໃນ ບັນດາກຳມາທິການວິຊາສະ ເພາະ, ສາທາລະນະສຸກ ແລະ ສັງ ຄົມແຕ່ລະປະເທດ ເຊິ່ງບັນດາ ບົດປະກອບຄຳເຫັນໃນກອງປະ ຊຸມລ້ວນແຕ່ຢັ້ງຢືນຕໍ່ຂົງເຂດອາຊີ ຕາເວັນອອກສຽງໃຕ້ ກໍຄືບັນດາ ປະເທດຕາເວັນອອກ. ເພາະການດື່ມເຫລົ້າເປັນຮີດຄອງ ປະເພນີວັດທະນະທຳທີ່ມີມາແຕ່ດົນນານ ເປັນເຄື່ອງມືແລກປ່ຽນ, ແຕ່ວ່າ ຍ້ອນຫລາຍປັດໄຈ ປັດຈຸບັນການ ຊົມໃຊ້ເຫລົ້າເ

ກີນຂອບເຂດເປັນຕົ້ນໄວໜຸ່ມ ເຊິ່ງສົ່ງຜົນສະທ້ອນ ໃນທາງບໍ່ດີຕໍ່ສຸຂະພາບຂອງຄົນ ແລະ ຄວາມເປັນລະບຽບຮຽບຮ້ອຍຂອງ ສັງຄົມເພາະການດື່ມສິ່ງມຶນເມົາຈັດຢູ່ໃນອັນດັບສາມໃນຈຳນວນສາເຫດທີ່ພາໃຫ້ເສຍຊີວິດຕໍ່ໄວອັນຄວນ ແລະ ພາໃຫ້ເປັນອຳ ມະພາດຢູ່ໃນໂລກ. ສະນັ້ນ, ຈຳເປັນຕ້ອງມີທິດທາງນະໂຍບາຍລົງເລິກເພື່ອຄວບຄຸມການນຳໃຊ້ເຫລົ້າໄປໃນທາງທີ່ຜິດ. ດັ່ງນັ້ນ, ໄດ້ເຮັດໃຫ້ຫລາຍ ປະເທດເປັນຫ່ວງ ແລະ ໄດ້ຮັບ ຄວາມສົນໃຈ, ໃນນັ້ນ ມີປະເທດ ລາວກໍເປັນປະເທດໜຶ່ງທີ່ໃຫ້ ຄວາມສົນໃຈກັບບັນຫາດັ່ງກ່າວ ເພື່ອເປັນບ່ອນອີງໃສ່ການສະເໜີ ຮ່າງກົດໝາຍຄວບຄຸມ ແລະ ສະກັດກັ້ນເຫລົ້າໄປທາງທີ່ຜິດ ຕໍ່ກອງປະຊຸມສະພາແຫ່ງຊາດໃນອະນາຄົດ.

    ໃນກອງປະຊຸມໄດ້ແລກປ່ຽນ ສົນທະນາ ແລະ ເປັນເອກະພາບ ກັນໃນການຮ່າງນະໂຍບາຍ ເພື່ອ ຄວບຄຸມການນຳໃຊ້ເຫລົ້າ ເຊິ່ງ ກອງປະຊຸມດັ່ງກ່າວໄດ້ປິດລົງ ຢ່າງຈົບງາມ.