ເລີ່ມກໍ່ສ້າງຕຶກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ

         ພິທີວາງສີລາລືກເລີ່ມໂຄງ ການກໍ່ສ້າງຕຶກກະຊວງຖະ ແຫລງຂ່າວ ວັດທະ ນະທຳ ແລະ ທ່ອງທ່ຽວ ໄດ້ຈັດຂຶ້ນໃນວັນທີ 11 ເມສາ 2013, ໂດຍການໃຫ້ກຽດ ເຂົ້າຮ່ວມຂອງ ທ່ານ ສຸກັນ ມະຫາລາດ ເຈົ້າຄອງນະຄອນ ຫລວງວຽງຈັນ, ທ່ານ ສຈ. ດຣ ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລ່ງຂ່າວ ວັດທະ ນະທຳ ແລະ ທ່ອງທ່ຽວ, ມີບັນດາລັດຖະມົນຕີ ຊ່ວຍວ່າການ, ຫົວໜ້າກົມ, ຮອງ ກົມ ແລະ ແຂກຖືກເຊີນຈາກພາກສ່ວນກ່ຽວຂ້ອງເຂົ້າຮ່ວມ.

       ໂຄງການກໍ່ສ້າງຕຶກ ກະຊວງ ກະຊວງຖະແຫລ່ງຂ່າວວັດທະນະທຳ ແລະ ທ່ອງທ່ຽວ ຫລັງໃໝ່ ນີ້ ໄດ້ອອກແບບເປັນຕຶກ 5 ຊັ້ນ ໂດຍເນັ້ນລັກສະນະສະຖາປັດຕິ ຍະກຳແບບຮ່ວມສະໄໝ, ມີຫລັງ ຄາສູງສີ່ດ້ານ, ເປັນມຸກທັງ 4 ດ້ານ, ຊຸ້ມປະຕຸ ແລະ ປ່ອງຢ້ຽມມີ ການຕົບແຕ່ງດ້ວຍສິລະປະລວດ ລາຍລາວ. ທີ່ຕັ້ງຂອງຕຶກປິ່ນ ໜ້າ ໄປທາງທິດໃຕ້ ຕິດກັບຖະໜົນ 450 ປີ, ມີ ລວງຍາວ 107 ແມັດ, ລວງເລິກ 187 ແມັດ, ຂະໜາດ ຂອງຕຶກ ກວ້າງ 25 ແມັດ, ຍາວ 90 ແມັດ ໃນເນື້ອທີ່ທັງໝົດ 20.000 ຕາແມັດ, ໄລຍະການກໍ່ ສ້າງ 2 ປີ ຊຶ່ງຄາດວ່າຈະສຳເລັດ ໃນປີ 2015, ໃນມູນຄ່າການລົງ ທອນ 100 ຕື້ກີບ ໂດຍ ແມ່ນກຸ່ມບໍລິສັດດາວເຮືອງເປັນ ຜູ້ລົງທຶນ ກ່ອນ ດ້ວຍຮູບການປ່ຽນແທນ ກັບຫ້ອງການຂອງອົງການທ່ອງ ທ່ຽວແຫ່ງຊາດໃນ

ປັດຈຸບັນ. ໂອ ກາດນີ້ ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫລງຂ່າວວັດທະນະທຳ ແລະ ທ່ອງ ທ່ຽວ ໃນນາມຫົວໜ້າຄະນະໂຄງການກໍ່ສ້າງໄດ້ຍົກໃຫ້ ເຫັນວ່າ: ຫາກໂຄງການກໍ່ສ້າງອາຄານຫັລງນີ້ສຳເລັດກະຊວງ ຖະ ແຫລງຂ່າວວັດທະນະທຳ ແລະ ທ່ອງທ່ຽວ ຈະເຕົ້າໂຮມເອົາບັນດາກົມເສນາທິການເຂົ້າມາຢູ່ໃນອາຄານ, ຊຶ່ງປະຈຸບັນນີ້ແມ່ນຢູ່ ກະແຈກກະຈາຍ, ເຮັດໃຫ້ການຊີ້ ນຳ-ນຳພາບໍ່ລວມສູນ, ສ່ວນອາຄານຫລັງປັດຈຸບັນພາຍຫລັງຍົກ ຍ້າຍພະນັກງານແລ້ວຈະ ໄດ້ມອບໃຫ້ກະຊວງສຶກສາທິການ ແລະ ກິລາ ຕາມມະຕິຕົກລົງຂອງກົມການເມືອງສູນກາງພັກ.