ຈະໄດ້ຮັບຜົນຕອບແທນຫຍັງແດ່ ເມື່ອເຂົ້າເປັນສະມາຊິກອົງການປະກັນສັງຄົມ?

          ອົງການປະກັນສັງຄົມ ຫຼື ອປສ ເປັນອົງການຈັດຕັ້ງໜຶ່ງທີ່ລັດຖະບານສ້າງ ຕັ້ງຂຶ້ນ ເພື່ອຄົ້ນ ຄວ້າ ລະບຽບການ ແລະ ຈັດຕັ້ງປະຕິບັດນະໂຍບາຍດ້ານສະຫວັດ ດີການສັງຄົມໃຫ້ແກ່ຜູ້ອອກແຮງງານໃນວິສາ ຫະກິດຕ່າງໆ, ການເຂົ້າເປັນສະມາຊິກ ປະກັນສັງຄົມຖືເປັນພັນທະຂອງທຸກຫົວໜ່ວຍວິ ສາຫະກິດທີ່ໄດ້ ສ້າງຕັ້ງ ແລະ ດຳ ເນີນທຸລະກິດໃນ ສປປ ລາວ ເຊິ່ງ ຜູ້ໃຊ້ ແຮງງານຕ້ອງສົມທົບທຶນ 5% ແລະ ຜູ້ ອອກແຮງງານສົມທົບ 4,5 % ຂອງລາຍຮັບໃນແຕ່ລະເດືອນເຂົ້າປະກັນສັງຄົມ, ໂດຍ ກອງທຶນດັ່ງກ່າວ ມີລັກສະນະເປັນເອກະລາດ ເຊິ່ງມີຈຸດປະສົງຕອບສະໜອງດ້ານສະ ຫວັດດີການສັງຄົມໃຫ້ແກ່ຜູ້ເຂົ້າຮ່ວມ ເປັນສະມາຊິກປະກັນສັງຄົມ.

         ທ່ານ ປະສົງ ວົງຄຳຈັນ ຜູ້ ອຳນວຍການໃຫຍ່ ອົງການປະ ກັນສັງຄົມກ່າວວ່າ: ອົງການປະກັນສັງຄົມ ເຮັດໜ້າທີ່ເປັນ ຜູ້ສະສົມທຶນ ແລະ ຄືນກຳໄລໃຫ້ແກ່ລູກຄ້າຕາມເງື່ອນໄຂ ແລະ ລະບຽບການຕ່າງໆທີ່ໄດ້ວາງອອກ, ໃຫ້ຄວາມເປັນທຳ ແລະ ສະເໝີພາບແກ່ສະມາຊິກທຸກຄົນຕາມ 8 ປະເພດການອຸດໜູນທີ່ ອປສ ຄຸ້ມ ຄອງຄື: ໜຶ່ງອຸດໜູນອຸປະຕິເຫດແຮງງານຫຼື ພະ ຍາດອາຊີບ: ຜູ້ປະກັນຕົວທີ່ປະສົບອຸປະຕິເຫດຈາກວຽກງານ ຫຼື ພະຍາດທີ່ເກີດ ຈາກອາຊີບ ຈະໄດ້ຮັບອຸດໜູນ ຈາກ ອປສ ນັບແຕ່ເດືອນທຳອິດ ທີ່ໄດ້ ຈ່າຍເງິນສົມທົບເຂົ້າກອງ ທຶນ ເຊິ່ງຜົນປະໂຫຍດທີ່ຈະ ໄດ້ ຮັບນັ້ນລວມມີ ການປິ່ນປົວສຸຂະ ພາບ,

ເງິນອຸດ ໜູນກຳລັງແຮງ ງານຊົ່ວຄ່າວ, ເງິນອຸດໜູນກຳລັງ ແຮງງານຖາວອນ ແລະ ອື່ນໆ... ສອງ: ອຸດໜູນປິ່ນປົວ ສຸຂະພາບ: ຫາກສະມາຊິກຈ່າຍເງິນ 3 ເດືອນ ຂຶ້ນໄປ ຜູ້ປະກັນຕົວ ຜົວ ຫຼື ເມຍ ແລະ ລູກທີ່ມີອາຍຸຕ່ຳກວ່າ 18 ປີ ມີສິດປິ່ນປົວດ້ວຍການ ໃຊ້ບັດປະ ກັນສັງຄົມ ຢູ່ໂຮງໝໍທີ່ເລືອກໄວ້ ໂດຍບໍ່ກຳນົດວົງເງິນ ແລະ ຈຳ ນວນຄັ້ງປິ່ນປົວ. ສາມ: ອຸດໜູນ ເຈັບປວຍ (ປວຍ ການ): ຈ່າຍເງິນ 3 ເດືອນຂຶ້ນໄປ ຫາກບໍ່ສາມາດ ອອກ ແຮງງານໄດ້ ເນື່ອງຈາກ ການເຈັບປວຍ, ຜູ້ປະກັນຈະໄດ້ຮັບເງິນຄ່າ ປວຍການເທົ່າກັບ 60% ຂອງເງິນເດືອນປະກັນຕົວ, ແຕ່ 7 ວັນ ທຳອິດ ແມ່ນຜູ້ໃຊ້ແຮງ ງານຈະເປັນຜູ້ຮັບຜິດຊອບ ຈາກ ນັ້ນ ອປສ ຈະຄິດໄລ່ ເງິນອຸດໜູນ ໃຫ້ຕາມໃບສັ່ງຂອງແພດ ແຕ່ສູງ ສຸດບໍ່ເກີນ 18 ເດືອນ. ສີ່: ຜູ້ທີ່ຈ່າຍ ເງິນສົມທົບຢ່າງໜ້ອຍ 9 ເດືອນ ຫາກຜູ້ກ່ຽວພັກວຽກ ເນື່ອງຈາກ ເກີດລູກ, ຫຼຸລູກ (ຖືພາ 6 ເດືອນ ຂຶ້ນໄປ) ມີສິດໄດ້ຮັບເງິນອຸດໜູນ ເກີດລູກເທົ່າກັບ 100 % ຂອງເງິນ ເດືອນປະກັນຕົວ ແລະ ຈະຈ່າຍ ໃຫ້ເປັນເວລາ 3 ເດືອນ, ຫາກໝົດ ກຳນົດເວລາດັ່ງກ່າວແລ້ວ ຍັງບໍ່ສາ ມາດກັບເຂົ້າໄປເຮັດວຽກ ຍ້ອນບັນຫາສຸຂະພາບຜູ້ກ່ຽວມີສິດຂໍຮັບອຸດໜູນເຈັບປ່ວຍດັ່ງທີ່ ກ່າວມາຂ້າງເທິງ. ຫ້າ: ອຸດໜູນ ເສຍຊີວິດ: ຈ່າຍເງິນສົມທົບຕ່ຳ ກວ່າ 12 ເດືອນ ຈະໄດ້ຮັບເງິນ ອຸດ ໜູນໃຫ້ສຳລັບຜູ້ປະກັນຕົວ ດັ່ງນີ້: ຈ່າຍເງິນສົມທົບ 1 ເດືອນ ແຕ່ບໍເຖິງ 3 ເດືອນ ຈະໄດ້ ຮັບ ເທົ່າກັບ 50 % ຂອງເງິນເດືອນປະ ກັນຕົນ.ຈ່າຍເງິນສົມທົບ 3 ເດືອນ ແຕ່ບໍ່ເຖິງ 6 ເດືອນ ຈະໄດ້ຮັບ ເງິນເທົ່າກັບ 150 % ຂອງເງິນ ເດືອນປະກັນຕົນ, ຈ່າຍເງິນສົມ ທົບ 6 ເດືອນ ແຕ່ບໍ່ເຖິງ 12 ເດືອນ ຈະໄດ້ ຮັບເງິນເທົ່າກັບ 3 ເດືອນ ຂອງເງິນເດືອນປະກັນ ຕົນ ແລະ ຈ່າຍເງິນສົມທົບ 12 ເດືອນຂຶ້ນໄປ ຈະຄຸ້ມຄອງດັ່ງນີ້: ຜູ້ປະກັນ ຕົນ ເສຍຊີວິດຈະໄດ້ຮັບເທົ່າກັບ 6 ເດືອນຂອງ ເງິນເດືອນປະກັນຕົນ, ຄູ່ສົມລົດເສຍຊີວິດ ຈະໄດ້ຮັບ ເທົ່າກັບ 3 ເດືອນ ແລະ ລູກທີ່ມີອາຍຸຕ່ຳກວ່າ 18 ປີເສຍຊີວິດຈະໄດ້ ຮັບເທົ່າກັບ 2 ເດືອນ. ຫົກ: ອຸດ ໜູນບຳນານ: ຈ່າຍເງິນສົມທົບ ເຂົ້າກອງທຶນປະ ກັນສັງຄົມຢ່າງໜ້ອຍ 60 ເດືອນຂຶ້ນໄປ ຖ້າມີ ຄວາມ ຈຳເປັນທາງດ້ານສຸຂະ ພາບອາຍຸຕ້ອງບໍ່ໃຫ້ຫຼຸດ 55 ປີ ເຊິ່ງຜົນປະ ໂຫຍດຈະໄດ້ຮັບເງິນອຸດໜູນບຳນານ ແຕ່ລະເດືອນ, ຜູ້ບຳນານພ້ອມຜົວ ຫຼື ເມຍ ແລະ ລູກທີ່ມີອາຍຸຕ່ຳກວ່າ 18 ປີ ມີສິດ ເຂົ້າຮັບການປິ່ນປົວ ແລະ ອື່ນໆ. ນອກນັ້ນ ຍັງຈະໄດ້ຮັບເງິນບຳ ເນັດຕາມລະບຽບການ. ເຈັດ: ອຸດ ໜູນເສຍອົງຄະ: ຜູ້ປະກັນ ຕົນທີ່ ຈະເກີດສິດຮັບເງິນ ອຸດໜູນເສຍ ອົງຄະຕ້ອງເປັນຜູ້ເສຍກຳລັງ ແຮງງານທີ່ບໍ່ແມນສາເຫດຍ້ອນ ວຽກງານ ໃນໄລຍະ ທີ່ ຜູ້ກ່ຽວຍັງ ບໍ່ທັນ ຮອດອາຍຸບຳນານປົກກະຕິ ແລະ ຕ້ອງໄດ້ຈ່າຍເງິນສົມທົບ ເຂົ້າກອງທຶນ ປະກັນສັງຄົມມາ ແລ້ວຢ່າງໜ້ອຍ 60 ເດືອນ. ແປັດ: ອຸດໜູນຄອບຄົວຜູ້ເສຍຊີວິດ: ຜູ້ ປະກັນຕົນທີ່ເສຍຊີ ວິດຕ້ອງໄດ້ ຈ່າຍເງິນສົມທົບກອງທຶນປະກັນ ສັງຄົມ ຢ່າງໜ້ອຍ 60 ເດືອນ ແລະ ຜູ້ທີ່ຈະໄດ້ຮັບຕ້ອງແມ່ນ ຜົວ ຫຼື ເມຍ ແລະ ລູກທີ່ຖືກຕ້ອງຕາມ ການ ຢັ້ງຢືນຈາກເຈົ້າໜ້າທີທີ່ ກ່ຽວຂ້ອງໄວ້ກ່ອນຜູ້ປະກັນຕົນການ ເສຍຊີວິດ ແລະ ອື່ນໆ.