ເຂື່ອນນ້ຳມັງ 3 ປະກອບສ່ວນສຳຄັນໃນການປົກປັກຮັກສາສິ່ງແວດລ້ອມ

        ສປປ ລາວ, ເປັນປະເທດທີ່ມີຊັບພະຍາກອນທຳມະຊາດອຸດົມສົມບູນ ແລະ ມີແມ່ນ້ຳລຳເຊຫລາຍສາຍໄຫລຜ່ານ ແລະ ດ້ວຍເງື່ອນໄຂບົ່ມຊ້ອນດັ່ງກ່າວພັກ ແລະ ລັດຖະບານ ຈຶ່ງກຳນົດເອົາ ນະໂຍບາຍ ການພັດທະນາພະລັງງານໄຟຟ້າ ແບບຍືນຍົງ ເປັນທ່າແຮງສຳຄັນໃນການພັດທະນາສ້າງສາປະເທດ ແລະ ເຂື່ອນໄຟ ຟ້ານ້ຳມັງ 3 ກໍແມ່ນເຂື່ອນໜຶ່ງທີ່ມີບົດບາດສຳຄັນໃນ ການພັດທະນາເສດຖະກິດ-ສັງຄົມ ແລະ ສະ ພາບແວດລ້ອມທີ່ຍືນຍົງ.

       ທ່ານ ພອນເພັດ ເພັດຕະກູນ ອຳນວຍການເຂື່ອນໄຟຟ້ານ້ຳມັງ 3ໄດ້ໃຫ້ສຳພາດ ຕໍ່ນັກຂ່າວໜັງສື ພິມ ລາວພັດທະນາ ຢູ່ ເຂື່ອນດັ່ງ ກ່າວໃນໂອກາດວັນປູກຕົ້ນໄມ້ ແຫ່ງ ຊາດຜ່ານມານີ້ວ່າ:ເຂື່ອນ ນ້ຳມັງ3 ຕັ້ງຢູ່ພູເຂົາຄວາຍເຂດ ບ້ານນ້ຳຫຍາມເມືອງ ທຸລະຄົມ ແຂວງວຽງຈັນຫ່າງຈາກນະຄອນຫລວງວຽງຈັນໄປທາງທິດ ເໜືອປະມານ 60 ກວ່າກິໂລແມັດ ແລະ ຫ່າງຈາກ ເຂື່ອນໄຟຟ້ານ້ຳ ເລິກໄປທາງທິດຕາເວັນອອກສ່ຽງ ໃຕ້ປະມານ 15 ກິໂລແມັດ. ເລີ່ມກ່ໍສ້າງໃນປີ 2002 ແລະ ສຳ ເລັດໃນປີ 2005ເຊິ່ງປະ ກອບມີການສ້າງ ຕົວເຂື່ອນ, ກໍ່ສ້າງພື້ນຖານໂຄງລ່າງ,ຊົນລະປະທານ ພາຍໃນເມືອງທຸລະຄົມ ແລະ ກໍ່ສ້າງສາຍສົ່ງຈາກເຂື່ອນ ຫາສະຖານີທ່ານາແລ້ງເມືອງຫາດຊາຍ ຟອງນະຄອນຫລວງວຽງຈັນ,ມີ ມູນຄ່າປະມານ 63 ລ້ານໂດລາ ສະຫະລັດ,ເຂື່ອນດັ່ງ

ກ່າວໃຊ້ແຮງ ນ້ຳໄຫລຈາກນ້ຳຍອງ ເຊິ່ງເປັນສາຂາໜຶ່ງຂອງນ້ຳມັງ,ມີກຳ ລັງ ຕິດຕັ້ງ 40 ເມກາວັດ ໂດຍກະ ແສ ໄຟທີ່ຜະລິດໄດ້ ນັ້ນແມ່ນສົ່ງເຂົ້າ ໃນຕາຂ່າຍໄຟຟ້າຈຸດດຽວກັນກັບເຂື່ອນໄຟຟ້ານ້ຳງື່ມ1 ແລະ ເຂື່ອນໄຟຟ້ານ້ຳເລິກເພື່ອສົ່ງຂາຍຢູ່ພາຍ ໃນ ແລະ ສົ່ງອອກຕ່າງປະເທດ.

    ທ່ານອຳນວຍການເຂື່ອນດັ່ງ ກ່າວ ໃຫ້ຮູ້ຕື່ມວ່າ: ເຂື່ອນໄຟຟ້າ ດັ່ງກ່າວ ເປັນໂຄງການທີ່ມີຜົນ ປະໂຫຍດຫລາຍດ້ານ ນອກ ຈາກສາມາດສະໜອງໄຟຟ້າໄດ້ແລ້ວ ຍັງມີປະໂຫຍດໃນດ້ານຊົນລະປະທານ ເນື່ອງຈາກວ່າ ກະແສນ້ຳທີ່ ໄຫລຜ່ານຈັກປັ່ນໄຟ ແລ້ວແມ່ນຈະໄຫລລົງສູ່ຄອງຊົນລະປະທານ ແລະ ສາມາດສະໜອງນ້ຳໃຫ້ແກ່ພື້ນທີ່ຜະລິດກະສິກຳຂອງປະຊາຊົນທັງສອງ ລະດູຫລາຍກວ່າ 2 ພັນເຮັກຕາໃນເຂດເມືອງທຸລະຄົມ ແຂວງວຽງຈັນ ອັນໄດ້ປະກອບ ສ່ວນສຳຄັນເຮັດໃຫ້ປະຊາຊົນສາມາດ ຫລຸດພົ້ນອອກຈາກຄວາມ ທຸກຍາກເທື່ອລະກ້າວ.

    ປັດຈຸບັນເຂື່ອນໄຟຟ້ານ້ຳມັງ 3 ແມ່ນໜຶ່ງໃນເຈັດເຂື່ອນໄຟຟ້າ ທີ່ຂຶ້ນກັບບໍລິສັດ ຜະລິດ-ໄຟຟ້າລາວ ມະຫາຊົນ ແລະ ມີຄວາມໝຸ່ງໝັ້ນໃນການພັດທະນາພະລັງງານໄຟຟ້າໃຫ້ມີຄວາມໝັ້ນຄົງໄປຄຽງຄູ່ກັບການຮັກສາສະພາບແວດລ້ອມແບບ ຍືນຍົງ, ນອກຈາກນີ້ຍັງ ໄດ້ເອົາໃຈໃສ່ຍົກສູງຄວາມຮູ້ ຄວາມສາມາດຂອງບຸກຂະລາ ກອນພາຍໃນໃຫ້ມີປະສິດທິພາບ ເພື່ອ ຮອງຮັບການເຕີບໃຫຍ່ຂະ ຫຍາຍຕົວຂອງຂະແໜງ ພະລັງ ງານຂອງປະເທດໃນອານາຄົດ.

     ໃນໂອກາດວັນປູກຕົ້ນໄມ້ແຫ່ງຊາດວັນທີ 1 ມິຖຸນານີ້, ຢູ່ເຂື່ອນນ້ຳມັງ 3 ກໍໄດ້ມີພິທີປູກຕົ້ນໄມ້ ຈຳນວນ 2 ພັນເບ້ຍ ແລະປ່ອຍ ປາລົງສູ່ສາຍນ້ຳທຳມະຊາດໃກ້ກັບເຮືອນຈັກຂອງເຂື່ອນຈຳນວນ 20 ພັນໂຕ ໂດຍການໃຫ້ກຽດເຂົ້າຮ່ວມຂອງທ່ານ ຄຳມະນີ ອິນທິລາດ ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ທັງເປັນປະທານສະພາຜູ້ອຳນວຍການບໍລິສັດ ຜະລິດ-ໄຟ ຟ້າລາວ ມະຫາຊົນ,ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ບໍລິສັດ ຜະລິດ-ໄຟຟ້າລາວ ມະຫາ ຊົນ ແລະ ມວນຊົນເຂົ້າຮ່ວມຢ່າງເປັນຂະບວນຟົດຟື້ນ.