ທົບທວນການປະຕິບັດແຜນງານປົກປ້ອງເດັກໄລຍະກາງສະໄຫມ

             ລັດຖະບານລາວ ແລະ ອົງການຢູນີເຊັບປະຈຳ ລາວ ໄດ້ດຳເນີນການທົບທວນກ່ຽວກັບການປະຕິບັດແຜນ ງານປົກປ້ອງເດັກໄລຍະກາງສະໄໝຢູ່ ສປປ ລາວ ( 2012- 2015 ) ເຊິ່ງກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າຂອງ ວັນທີ 4 ມິຖຸ ນາ 2013 ນີ້ຢູ່ໂຮງແຮມດອນຈັນພາເລັດນະ ຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ບຸນຄົງ ຫຼ້າສຸກັນ ລັດຖະມົນຕີຊ່ວຍວ່າການກະຊວງແຮງງານ ແລະ ສະຫວັດດີການສັງຄົມ, ຮອງປະທານຄະນະກຳມະທິການ ເພື່ອແມ່ ແລະ ເດັກ ແຫ່ງຊາດ ແລະ ທ່ານ ນາງ ຈູເລຍ ຣິສ ຮອງຜູ້ຕ່າງໜ້າອົງການຢູນີເຊັບປະຈຳລາວ, ມີຜູ້ຕ່າງໜ້າຈາກ ອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

         ກອງປະຊຸມດັ່ງກ່າວຈັດຂຶ້ນ ເພື່ອທົບທວນກ່ຽວກັບການຈັດຕັ້ງ ປະຕິບັດແຜນງານປົກປ້ອງເດັກ ໄລຍະກາງສະໄໝ 2012 - 2013 ເຊິ່ງແຜນງານດັ່ງກ່າວແມ່ນໜຶ່ງ ໃນແຜນງານທີ່ຢູ່ພາຍໃຕ້ຂອບ ແຜນ ພັດທະນາເສດຖະກິດ - ສັງ ຄົມແຫ່ງ ຊາດຄັ້ງທີ 7 (2011 - 2015), ແຜນຍຸດທະສາດການພັດ ທະນາສະຫວັດດີການ - ສັງຄົມ (2011 - 2020), ແຜນແມ່ບົດວ່າ ດ້ວຍການສ້າງລັດແຫ່ງກົດໝາຍ (2010 - 2020) ແລະ ຂອບຍຸດທະ ສາດສຳລັບຄວາມຍຸຕິທຳຂອງ ເດັກໃນສປປ ລາວ (2011 - 2020) ແລະ ກໍແມ່ນໜຶ່ງໃນເປົ້າໝາຍສະຫັດສະວັດດ້ານການພັດທະນາ ຂອງ ສປປ ລາວ.

          ລັດຖະມົນຕີຊ່ວຍວ່າການກະຊວງແຮງງານ ແລະ ສະຫວັດດີການສັງຄົມ, ຮອງປະທານຄະນະ ກຳມະທິການເພື່ອ ແມ່ ແລະ ເດັກແຫ່ງຊາດກ່າວວ່າ: ການປົກ ປ້ອງເດັກແມ່ນມີຄວາມສຳຄັນ ທັງໃນສະ ເພາະ ໜ້າ ແລະ ຍາວ ນານ. ກອງປະ ຊຸມທົບທວນແຜນງານວ່າດ້ວຍການປົກປ້ອງເດັກ ໄລຍະກາງຄັ້ງນີ້ ຖືກຈັດຂຶ້ນໃນ ໄລຍະທີ່ທົ່ວພັກ, ທົ່ວລັດ ແລະ ທົ່ວ ປວງ ຊົນລາວທັງຊາດພວມສະເຫຼີມສະຫຼອງວັນເດັກນ້ອຍສາກົນ ທີ 1 ມິຖຸນາ 2013 ທີ່ຫາກໍໄດ້ ຜ່ານພົ້ນໄປດ້ວຍບັນຍາກາດອັນ ຟົດຟຶ້ນ ແລະ ມີຄວາມຮັບຜິດຊອບຈາກຫຼາຍອົງການຈັດຕັ້ງ ຂອງສັງຄົມ. ວຽກງານແມ່ ແລະ ເດັກຢູ່ ສປປ ລາວ ໄດ້ຮັບການ ພັດທະນາດ້ວຍຜົນສຳເລັດອັນໃຫຍ່ຫຼວງ, ອັດຕາການຕາຍຂອງແມ່ ແລະ ເດັກທີ່ມີອາຍຸຕ່ຳກວ່າ 5 ປີ ໄດ້ຫຼຸດລົງ ໃນນີ້ ອັນທີ່ ພົນເດັ່ນແມ່ນການເປີດຂະບວນການແຂ່ງ ຂັນ “ ຮັກຊາດ ແລະ ພັດທະນາ ” ຕິດພັນກັບການ ຈັດຕັ້ງປະຕິບັດຂະບວນການ ສັກຢາກັນພະຍາດແຫ່ງຊາດຕ້ານພະຍາດຕ່າງໆ.

            ໃນດ້ານການສຶກສາກໍໄດ້ ຮັບການປັບປຸງມາດຕະຖານການ ສຶກສາທັງ 6 ດ້ານຂອງໂຮງຮຽນ ເຊັ່ນ: ຮັບເດັກທຸກ ຄົນເຂົ້າຮຽນ ແລະ ຮຽນຮ່ວມກັບເດັກພິການ, ຄຸນນະພາບການສຶກສາຕ້ອງ ແທດເໝາະກັບ ການດຳລົງຊີວິດ ຂອງເດັກ, ມີສະ ພາບແວດລ້ອມ ທີ່ຖືກຫຼັກອະນາໄມ,ມີຄວາມປອດ ໄພ ແລະ ປົກປ້ອງ ເດັກ, ມີຄວາມ ສະເໝີພາບລະຫວ່າງຍິງ ແລະ ຊາຍ ດ້ານການສຶກສາ, ມີສ່ວນ ຮ່ວມຂອງນັກຮຽນ, ຜູ້ປົກຄອງ ແລະ ຊຸມຊົນໃນການພັດທະນາ ໂຮງຮຽນ ແລະ ການບໍລິຫານ ຄຸ້ມ ຄອງທີ່ດີ ແນໃສ່ເຮັດໃຫ້ຄຸນ ນະພາບຂອງການສຶກສາເປັນໄປ ຕາມ 5 ຫຼັກມູນຂອງການສຶກສາທີ່ ທາງກະຊວງສຶກສາທິການ ແລະ ກີລາ ວາງອອກ. ນອກນີ້ ລັດຖະ ບານ ສປປ ລາວ ຍັງໄດ້ເອົາໃຈ ໃສ່ວຽກງານຕ້ານການຄ້າມະນຸດ ແລະ ການຂູດຮີດ ທາງເພດຕໍ່ ເດັກ, ໃຫ້ການຊ່ວຍເຫຼືອ ແລະ ປົກ ປ້ອງເດັກທີ່ຖືກເຄາະຮ້າຍຈາກ ການຂູດຮີດທາງເພດ ແລະ ການຄ້າມະນຸດທີ່ ມີອາຍຸນ້ອຍກວ່າ 15 ປີລົງມາ ພາຍໃຕ້ການຮ່ວມມື ແລະ ສະໜັບສະໜູນ ເປັນຢ່າງດີ ແລະໃກ້ສິດຈາກອົງການຢູນີເຊັບ.

        ສຳລັບແຜນງານທີ່ເປັນຍຸດ ທະສາດຂອງການຈັດຕັ້ງປະຕິບັດ ໃນໄລຍະກາງນັ້ນແມ່ນ ຈະໃຫ້ບູລິມະສິດແກ່ການປົກ ປ້ອງເດັກຈາກຄວາມຮຸນແຮງ, ການທາລຸນ, ການປະລະ ແລະ ການຂູດຮີດເດັກ, ການປ້ອງກັນການແຍກຈາກກັນຂອງ ຄອບ ຄົວ: ການໃຫ້ການຊ່ວຍເຫຼືອຕໍ່ເດັກກຳພ້າ,ກຳ ພອຍ ແລະ ພິການ ລວມທັງການ ປະຕິບັດກົດໝາຍ ແລະ ລະບຽບ ການຕ່າງໆ ກ່ຽວກັບການປົກປ້ອງເດັກ ແນໃສ່ສ້າງເງື່ອນໄຂ ແລະ ສະພາບແວດລ້ອມທີ່ອຳ ນວຍຄວາມສະດວກໃຫ້ເດັກນ້ອຍມີໂອກາດ ໃນການພັດທະນາຕົນ ເອງ ຢ່າງຮອບດ້ານ.