ລາຄາສິນຄ້າບໍລິໂພກຢູ່ຕະຫຼາດນະຄອນຫຼວງວຽງຈັນມີການເໜັງຕີງເພີ່ມຂຶ້ນເລັກໜ້ອຍ

         ໃນປັດຈຸບັນລາຄາສິນຄ້າ ປະເພດເຄື່ອງບໍລິໂພກ:ຊິ້ນ, ປາ ແລະ ພຶດຜັກ ຕ່າງໆທີ່ຊາວຄ້າຂາຍນຳມາວາງຂາຍຢູ່ຕາມຕະ ຫຼາດຕ່າງໆໃນນະຄອນຫຼວງວຽງ ຈັນເຖິງຈະມີສະພາບເໜັງຕີງດ້ານລາຄາເລັກໜ້ອຍແຕ່ກໍພໍສາມາດຕໍ່ລອງກັນໄດ້ຂະ ນະທີ່ສັດນ້ຳທຳມະຊາດປະເພດປາດຸກ, ປາຄໍ່, ກົບ ແລະ ອ່ຽນເຫັນວ່າມີລາຄາແພງ ເນື່ອງຈາກສັດນ້ຳປະເພດດັ່ງກ່າວເປັນສັດທີ່ ຫາໄດ້ ຍາກໃນປັດຈຸບັນ ແລະ ມີຄົນເປັນ ຈຳນວນຫຼາຍທີ່ຍັງຕ້ອງການບໍລິໂພກສັດຈຳພວກນີ້, ຂະນະດຽວກັນສັດຈຳພວກດັ່ງ ກ່າວນັບມື້ຍິ່ງຫຼຸດໜ້ອຍຖອຍລົງຈຶ່ງເຮັດໃຫ້ມີລາຄາແພງຂຶ້ນດັ່ງທຸກມື້ນີ້.

          ຜ່ານຈາກການລົງຕິດຕາມ ສະພາບລາຄາຊີ້ນ,ປາ,ອາຫານ ແລະ ພຶດຜັກຕ່າງໆຂອງນັກຂ່າວ ພວກເຮົາຢູ່ຕາມຕະຫຼາດ ຫຼາຍ ແຫ່ງເຫັນວ່າຍັງຄົງຢູ່ໃນລະດັບ ເກົ່າເຊັ່ນ:ຫອມບົ່ວ ລາຄາສະເລ່ຍ 8-12 ພັນກີບ ຕໍ່ກິໂລ,ຫອມປ້ອມ ລາຄາສະເລ່ຍ 20-25 ພັນກີບຕໍ່ ກິໂລ,ໝາກເຜັດລາຄາສະເລ່ຍ 20-25 ພັນກີບຕໍ່ກິໂລ,ໝາກເລັ່ນ ກິໂລລະ 5-6 ພັນກີບ, ໝາກນາວ

ກິໂລລະ 4-6 ພັນກີບ ແລະ ຜັກອື່ນໆ ກໍນັບວ່າລາຄາຢູ່ໃນເກນປົກກະຕິດ, ເນື່ອງຈາກໄລຍະນີ້ໄດ້ເລີ່ມ ເຂົ້າສູ່ທ້າຍລະດູຝົນ, ຊາວສວນ ສ່ວນໃຫຍ່ໄດ້ຫັນມາປູກພືດຕາມລະດູການຢ່າງກວ້າງຂວາງ, ແຕ່ຂະນະດຽວກັນລາຄາປະເພດຊີ້ນ, ປາເຫັນວ່າມີ ການເໜັງຕີງ ເລັກໜ້ອຍເປັນຕົ້ນຊີ້ນງົວ ລາວສະເລ່ຍຈະຢູ່ໃນລະດັບ 65-70 ພັນກີບຕໍ່ກີໂລ,ຊີ້ນໝູລາຄາ 30-35 ພັນກີບ ຕໍ່ກິໂລ, ເປັດ-ໄກ່ 35-40 ພັນກີບຕໍ່ກິໂລ, ປາກະຊັງ ແລະ ປາດຸກພັນລາຄາ 16-20 ພັນກີບຕໍ່ກິໂລ, ສຳລັບສັດນ້ຳທຳມະຊາດ ງສືບຕໍ່ມີລາຄາ ແພງຂຶ້ນເປັນຕົ້ນກົບ, ອ່ຽນມີລາຄາ 70-80 ພັນກີບຕໍ່ກິໂລ ແລະ ປາດຸກທຳມະຊາດລາຄາກວ່າ 1 ແສນກີບຕໍ່ກິ ໂລ, ສ່ວນ ປະເພດປານ້ຳຂອງທີ່ເຄີຍວາງຂາຍຢູ່ຕາມທ້ອງຕະຫຼາດໃນເມື່ອກ່ອນມາຮອດປັດຈຸບັນກໍເກືອບຈະບໍ່ມີ ແລະ ຖ້າມີກໍເປັນ ພຽງປາລ້ຽງເທົ່ານັ້ນ.