ວັນທີ 19 ທັນວານີ້,ຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ,ໄດ້ຈັດກອງປະຊຸມປຶກສາຫາລື
ປະກອບຄຳເຫັນໃສ່ຮ່າງແຜນດຳເນີນງານແຫ່ງຊາດ ເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ
ໃນ ສປປ ລາວ (2014- 2020) ຂຶ້ນ ທີ່ສູນຝຶກອົບຮົມ ແລະ ຮ່ວມມືສາກົນໂດຍເປັນປະທານ
ຂອງທ່ານ ນາງ ເຂັມແພງ ພົນເສນາ ລັດຖະ ມົນຕີປະຈຳຫ້ອງວ່າການລັດຖະບານ, ປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ.
ໃນກອງປະຊຸມຄັ້ງນີ້ ທ່ານ ນາງ ເຂັມແພງ
ພົນເສນາ ໄດ້ຍົກໃຫ້ເຫັນກ່ຽວກັບບັນດາຮູບການ ແລະ ສິ່ງກີດ ຂວາງ ຕໍ່ຄວາມກ້າວໜ້າຂອງແມ່ຍິງ
ແລະ ຍົກໃຫ້ເຫັນເຖິງຄວາມສຳຄັນ ຈຳເປັນຂອງການສ້າງແຜນດຳເນີນງານແຫ່ງຊາດ
ປ້ອງກັນ ແລະ ລຶບລ້າງການໃຊ້ຄວາມຮຸນແຮງຕໍ່ແມ່ຍິງ ໃນ ສປປ ລາວ. ການສ້າງແຜນດຳເນີນງານຄັ້ງນີ້
ສ່ອງແສງເຖິງການຜັນຂະ ຫຍາຍ ຈັດຕັ້ງປະຕິບັດແນວທາງນະໂຍ ບາຍຂອງພັກ ໂດຍແນໃສ່ການ
ຈັດຕັ້ງວຽກ ງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບ ຍິງ-ຊາຍ, ການມອບສິດເປັນເຈົ້າຂອງແມ່ຍິງ
ແລະ ລຶບ ລ້າງທຸກຮູບແບບການຈຳແນກ ແລະ ການໃຊ້ຄວາມຮຸນແຮງຕໍ່ແມ່ຍິງ ຊຶ່ງປະກອບດ້ວຍ
6 ພາກ ຄື: ພາກທີ 1 ສະພາບຄວາມຮຸນແຮງຕໍ່ແມ່ຍິງໃນໂລກ ແລະ ສປປ ລາວ; ພາກທີ 2 ເນື້ອໃນແຜນງານດຳເນີນງານແຫ່ງຊາດກຽ່ວ
ກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ໃນ ສປປ ລາວ; ພາກທີ 3 ເວົ້າເຖິງ
ງົບປະມານການຈັດຕັ້ງປະຕິບັດ;
ພາກທີ 4 ການແບ່ງຄວາມຮັບຜິດຊອບໃນການຈັດຕັ້ງປະຕິບັດ; ພາກທີ 5 ການຕິດຕາມກວດກາ
ແລະ ຕີລາຄາ ແລະ ພາກທີ 6 ມາດຕະການໃນການຈັດຕັ້ງປະຕິບັດ.
ກອງປະຊຸມຄັ້ງນີ້ ແມ່ນມີຄວາມໝາຍສຳຄັນເນື່ອງຈາກວ່າເປັນກອງປະຊຸມທີ່ຈະໄດ້ຮ່ວມກັນຄົ້ນຄ້ວາປະກອບຄຳເຫັນ
ຕໍ່ຮ່າງແຜນດຳເນີນງານແຫ່ງຊາດເພື່ອປ້ອງກັນ ແລະ ລຶບ ລ້າງການໃຊ້ຄວາມຮຸນແຮງຕໍ່ແມ່ຍິງ
ເພຶ່ອໃຫ້ຄວາມເປັນເອກະພາບໂດຍພື້ນຖານທົ່ວປະເທດ ກ່ອນທີ່ຈະປັບປຸງເປັນສະບັບສົມບູນ
ເພື່ອຂໍອະນຸມັດຈາກລັດ ຖະບານ ແລະ ປະກາດນຳໃຊ້ໃນຂັ້ນຕໍ່ໄປ.
No comments:
Post a Comment