ໃນທ່າມກາງບັນຍາກາດແຫ່ງຄວາມເບີກບານມ່ວນຊື່ນ
ແລະ ຄວາມເອກອ້າງທະນົງໃຈ ຂອງປະຊາຊົນຊາວນະຄອນຫຼວງວຽງຈັນ, ກໍຄືປະຊາຊົນລາວບັນດາເຜົ່າໃນທົ່ວປະເທດ,
ນະຄອນຫຼວງວຽງຈັນ ໂດຍໄດ້ຮັບການອະນຸມັດຈາກລັດຖະ ບານໄດ້ຮ່ວມມືປະສານສົມທົບກັບບັນດາກະຊວງ
ແລະ ພາກສ່ວນຕ່າງໆທີ່ກ່ຽວຂ້ອງທັງພາກລັດ ແລະ ເອກະຊົນຂອງຝ່າຍລາວ ແລະ ຝຣັ່ງ,
ສະຖານເອກອັກຄະລັດຖະທູດແຫ່ງ ສາທາລະນະລັດຝຣັ່ງ ປະຈຳລາວ ແລະ ຄະນະຮັບຜິດຊອບຈັດງານຝ່າຍຝຣັ່ງ
ໄດ້ຈັດຕັ້ງງານສັບປະດາລາວ-ຝຣັ່ງ ຂຶ້ນຢູ່ນະຄອນຫຼວງວຽງຈັນ ຢ່າງສະຫງ່າຜ່າເຜີຍ
ແລະ ໄດ້ປິດລົງດ້ວຍຜົນສຳເລັດເປັນຢ່າງດີໃນໄລຍະແຕ່ວັນທີ 25-29 ພະຈິກ
2013 ຜ່ານມາ.
ຄະນະຮັບຜິດຊອບຈັດງານໃຫ້ຮູ້ວ່າ: ການຈັດງານສັບປະດາລາວ-ຝຣັ່ງ
ຕິດພັນກັບການຈັດຕັ້ງກອງປະຊຸມສຳມະນາທີ່ສຳ ຄັນໃນຄັ້ງນີ້ ສາມາດຕີລາຄາຜົນ ສຳເລັດ ແມ່ນບັນລຸໄດ້ຕາມຈຸດປະສົງ
ແລະ ລະດັບຄາດໝາຍ, ຊຶ່ງຜົນສຳເລັດດັ່ງກ່າວ
ແມ່ນມີທັງເນື້ອໃນດ້ານການເມືອງ, ເສດຖະກິດ, ວັດທະນະທຳສັງຄົມ ແລະ ປ້ອງກັນຊາດ
- ປ້ອງກັນຄວາມສະຫງົບ, ພ້ອມນັ້ນ, ການຈັດງານຄັ້ງນີ້ ແມ່ນເປັນການຈັດຕັ້ງປະຕິບັດແນວທາງການຕ່າງ
ປະເທດຂອງພັກ ແລະ ລັດຖະບານ, ສັນຕິພາບ
ເອກະລາດມິດຕະພາບ
ແລະ ການຮ່ວມມືເພື່ອພັດທະນາທີ່ຖືເປັນປັດໄຈກົກຂອງການຈັດງານສັບປະດາລາວ-
ຝຣັ່ງ.
ທັງສອງຝ່າຍໄດ້ເປັນເອກະພາບກັນວ່າ: ໃນໄລຍະທ້າຍປີ
2014 ຄະນະນຳຝ່າຍລາວ ຈະນຳພາຄະນະນັກທຸລະກິດລາວ ເດີນ ທາງໄປວາງສະແດງສີນຄ້າຢູ່
ນະຄອນຫຼວງປາຣີ, ປະເທດຝຣັ່ງ ແລະ ໃນທ້າຍປີ 2015 ຝ່າຍຝຣັ່ງ ຈະໄດ້ນຳພາຄະນະນັກທຸລະກິດຝຣັ່ງມາວາງສະແດງສີນຄ້າຢູ່ນະຄອນຫຼວງວຽງຈັນ.
ເວົ້າລວມແລ້ວ, ຜົນສຳເລັດຂອງການຈັດງານຄັ້ງນີ້
ບໍ່ສະເພາະຂອງນະຄອນຫຼວງວຽງຈັນ ມັນເປັນຜົນສຳເລັດລວມຂອງ ສ.ປ.ປ ລາວ, ມັນແມ່ນຜົນສຳເລັດພາຍໃຕ້ການນຳພາຂອງ
ພັກປະຊາຊົນປະຕິວັດລາວ ແລະ ລັດ ຖະບານລາວ, ມັນແມ່ນບົດຮຽນອັນລ້ຳຄ່າໃຫ້ແກ່ພວກເຮົາ
ເພື່ອບືນຕົວກ້າວຂື້ນ ແລະ ຖືເປັນບົດທົດສອບຄວາມເປັນເຈົ້າການ ຂອງພວກເຮົາ
ໃນການຈັດງານທີ່ສຳຄັນຕ່າງໆໃນໄລຍະຜ່ານມາ ແລະ ຕໍ່ໜ້າ.
No comments:
Post a Comment