ໂຫດ! ຜົວເມົາ ໃຊ້ມີດແທງຄໍເມຍຈົນເສຍຊີວິດ.

          ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: ໃນເວ ລາປະມານ 1 ໂມງຂອງວັນທີ 13 ມັງກອນນີ້ ໄດ້ມີເຫດ ການຄາດ ຕະກຳເກີດຂຶ້ນຢູ່ບ້ານໜອງ ແຫ້ວ ເມືອງຫາດຊາຍຟອງ ນະຄອນ ຫຼວງວຽງຈັນ, ດັ່ງນັ້ນ ທາງເຈົ້າ ໜ້າທີ່ພະແນກ ສືບສວນ-ສອບ ສວນຄະດີອາຍານະຄອນຫຼວງ ວຽງຈັນ ຈຶ່ງໄດ້ຮີບຮ້ອນພ້ອມ ກັນລົງກວດກາສະຖານທີ່ເກີດ ເຫດພົບເຫັນ ນາງ ໝ້ວຍ ໄພພົງ ອາຍຸ 47 ປີ ອາຊີບ ເຮັດນາ ຢູ່ ບ້ານດັ່ງກ່າວ ນອນເສຍຊີວິດ ດ້ວຍຄວາມສົງເວດ ຍ້ອນຜູ້ເປັນ ຜົວຄື ທ້າວ ພອນວິໄລ ອາຍຸ 51 ປີ ອາຊີບກຳມະກອນໄດ້ເອົາມີດ ແທງຈົນເສຍຊີວິດ ຈາກນັ້ນກໍມາ ປາດຄໍຕົນເອງໄດ້ຮັບບາດເຈັບ ສາຫັດ.

     ຜ່ານການກວດກາສະຖານ ທີ່ເກີດເຫດ ແລະ ການສືບສວນ- ສອບສວນເກັບກຳຂໍ້ມູນຂອງເຈົ້າ ໜ້າທີ່ ໄດ້ຮູ້ວ່າ: ນາງ ໝ້ວຍຜູ້ເສຍຊີວິດ ເປັນແມ່ຮ້າງມີລູກຕິດ 5 ຄົນ ຊາຍ 2 ຄົນ ຍິງ 3 ຄົນ ໄດ້ ແຕ່ງງານກັບ ທ້າວ ພອນວິໄລ ໃນປີ 2010, ທ້າວ ພອນວິໄລ ເປັນຄົນເສບຢາເສບຕິດ ແລະ ມັກ ດື່ມສິ່ງມຶນເມົາ ແລ້ວອາລະວາດຄອບຄົວເປັນປະຈຳຈົນລູກເຕົ້າ ເຮືອນ ນຳບໍ່ໄດ້, ຜ່ານມາທາງ ຄອບຄົວ ແລະ ການຈັດຕັ້ງບ້ານ ໄດ້ເອົາໄປຟາກຂັງທີ່ຄ້າຍຄຸມຂັງເມືອງຫາດຊາຍຟອງ ກ່ອນທີ່ຈະ ອອກມາກໍ່ເຫດຄາດຕະກຳເມຍ.

      ທ້າວ ດອນສະຫວັນ ຜູ້ເປັນ ລູກຊາຍຂອງຜູ້ຕາຍ ໄດ້ເວົ້າວ່າ: ໃນເວລາປະມານ 1 ໂມງຂອງມື້ ດັ່ງກ່າວຕົນເອງໄດ້ເລີກ ຈາກ ວຽກກັບມາເຮືອນເບິ່ງແມ່ພໍມາ ຮອດເຮືອນໄດ້ພົບເຫັນ ທ້າວ ພອນວິໄລ ຜູ້ເປັນພໍ່ນ້າ ຈັບມີດ ປາຍແຫຼມອອກຈາກຫ້ອງ ແມ່ມາ ແລ້ວຈະເອົາມີດແທງຕົນເອງ ຈາກນັ້ນກໍໄດ້ມີການຕໍ່ສູ້ ແລະ ກໍ ໄດ້ຮ້ອງເອື້ອຍມາເບິ່ງແມ່ ເມື່ອມາຮອດກໍເຫັນວ່າແມ່ ໄດ້ເສຍຊີວິດແລ້ວ, ສ່ວນທ້າວ ພອນວິໄລ ໄດ້ເອົາມີດປາດຄໍຕົນເອງໄດ້ຮັບບາດເຈັບ.

    ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ທັດສະນະວ່າ: ຕໍ່ເຫດການທີ່ເກີດຂື້ນແມ່ນ ທ້າວ ພອນວິໄລມີເຈດຕະນາຄາດ ຕະກຳ ນາງ ໝ້ວຍ ຍ້ອນຜູ້ກ່ຽວມີ ອາການມຶນເມົາ ແລະ ຢາເສບ ຕິດ, ຊຶ່ງປັດຈຸບັນທາງເຈົ້າໜ້າທີ່ໄດ້ຄວບຄຸມຕົວຜູ້ກ່ຽວ ໄວ້ເພື່ອດຳເນີນຄະດີຕາມລະບຽບກົດໝາຍ.

        ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: ໃນປີ ຜ່ານມາ ຢູ່ນະຄອນຫຼວງວຽງ ຈັນ ມີຄະດີຕ່າງໆເກີດຂຶ້ນທັງ ໝົດ 3.217 ຄັ້ງ ທຽບໃສ່ປີຜ່ານ ມາຫຼຸດລົງ 398 ຄັ້ງ, ສະພາບທີ່ ພົ້ນເດັ່ນແມ່ນການປຸ້ນຊັບ, ຊີງ ຊັບ, ລັກຊັບ, ຄາດຕະກຳ, ຄ້າໂສ ເພນີ ແລະ ອື່ນໆ ມີ 1.179 ຄັ້ງ ໃນນີ້ມີຄາດຕະກຳເກີດຂຶ້ນ 10 ຄັ້ງ.