ອາກາດຍັງສືບຕໍ່ໜາວເຢັນທົ່ວທຸກພາກຂອງປະເທດ

     ກົມອຸຕຸນິຍົມ ແລະ ອຸທົກກະສາດກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ແຈ້ງສະພາບອາກາດ ແຕ່ເວ ລາ 19:00 ໂມງຂອງວັນທີ 20/ 01/2014 ເຖິງເວລາ 19:00 ໂມງ ຂອງວັນທີ 21/01/2014 ວ່າ: ບໍລິເວນຄວາມ ກົດດັນສູງຂອງອາກາດໜາວເຢັນຍັງມີກໍາລັງປານກາງຫາແຮງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະ ແສລົມຕາເວັນ ອອກສ່ຽງເໜືອພັດປົກຄຸມ ເຊິ່ງ ລັກສະນະເຊັ່ນນີ້ຈະເຮັດໃຫ້ອຸນ ຫະພູມອາກາດ ເຢັນລົງ 1 ຫາ 2 ອົງສາຢູ່ ແຕ່ລະພາກອາກາດຍັງ ຈະໜາວເຢັນຕື່ມອີກ ແລະ ສໍາ ລັບເຂດແຂວງພາກເໜືອລົງຫາ ພາກກາງດ້ານຕາເວັນອອກ ແລະ ເຂດພູພຽງບໍລະເວນປາກຊ່ອງອາກາດຍັງໜາວເຢັນຫລາຍພ້ອມມີໝອກໜາປົກ ຫຸ້ມ ໃນຕອນເຊົ້າ ແລະ ຈະມີລົມພັດແຮງ ເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ.

   ພາກເໜືອດ້ານຕາເວັນອອກ : ອຸນຫະພູມອາກາດຈະເຢັນລົງ 1 ຫາ 2 ອົງສາ ແລະ ອາກາດຍັງໜາວເຢັນຫລາຍ ພ້ອມມີ ໝອກໜາປົກຫຸ້ມໃນຕອນກາງຄືນຫາ ຕອນເຊົ້າ ແລະ ມີລົມພັດແຮງ ເປັນບາງໂອກາດໂດຍສະເພາະ ແຂວງ ຊຽງຂວາງ. ອຸນຫະພູມຕໍ່າສຸດ 03 - 05 ອົງສາ ແລະ ສູງ ສຸດ 15 - 17 ອົງສາ.   

    ພາກເໜືອດ້ານຕາເວັນຕົກ: ອາກາດຍັງໜາວເຢັນພ້ອມມີ ໝອກໜາປົກຫຸ້ມໃນຕອນກາງ ຄືນຫາຕອນເຊົ້າ. ອຸນຫະພູມຕໍ່າ ສຸດ 06 ​ 08 ອົງສາ ແລະ ສູງສຸດ 22 ​ 24 ອົງສາ.

          ສຳລັບ ແຂວງບໍ່ແກ້ວ, ຫລວງພະບາງ ແລະ ໄຊຍະບູລີ: ອຸນຫະພມຕໍ່າສຸດ 10​12 ອົງສາ ແລະ ສູງສຸດ 22​24 ອົງສາ.   

         ນະຄອນຫລວງວຽງຈັນ: ອາກາດຍັງຈະໜາວເຢັນໃນຕອນກາງຄືນຫາຕອນເຊົ້າພ້ອມມີ ໝອກບາງປົກຫຸ້ມ ຢູ່ທົ່ວໄປ. ອຸນຫະພູມຕໍ່າສຸດ 13 - 15 ອົງສາ ແລະ ສູງສຸດ  26 ​ 28  ອົງສາ.

         ພາກກາງ: ມີເມກປົກຄຸມ ເປັນບາງສ່ວນ, ອຸນຫະະພູມອາ ກາດຍັງສືບຕໍ່ໜາວເຢັນຢູຕື່ມອີກ, ພ້ອມມີໝອກ ບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ມີໝອກ ໜາປົກຫຸ້ມຢູ່ບາງທ້ອງຖິ່ນທາງ ດ້ານຕາເວັນອອກຂອງພາກ ແລະ ຈະມີລົມພັດແຮງເປັນບາງ ໂອກາດ. ອຸນຫະພູມຕໍ່າສຸດ 10 - 12 ອົງສາ ແລະ ສູງສຸດ 24 - 26 ອົງສາ.

        ແຂວງໄຊສົມບ­: ອາກາດ ຍັງໜາວເຢັນຫຼາຍພ້ອມມີໝອກໜາປົກຫຸ້ມໃນຕອນເຊົ້າ. ອຸນຫະ ພູມຕໍ່າສຸດ 01 - 03 ອົງສາ ແລະ ສູງສຸດ 19 - 21 ອົງສາ.

        ພາກໃຕ້: ອາກາດຍັງໜາວ ເຢັນໃນຕອນກາງຄືນຫາຕອນ ເຊົ້າພອ້ມມີໝອກບາງປົກຫຸ້ມຢູ່ ທົ່ວໄປ  ແລະ ຈະ ມີລົມພັດແຮງຢູ່ ບາງທ້ອງຖິ່ນເປັນບາງໂອກາດ. ອຸນຫະພູມຕໍ່າສຸດ 14 - 16 ອົງສາ ແລະ ສູງສຸດ 25 - 27 ອົງສາ.

           ເຂດປາກຊ່ອງ: ອາກາດ ຍັງສືບຕໍ່ໜາວເຢັນຫຼາຍ ແລະ ມີໝອກໜາໃນຕອນກາງຄືນຫາຕອນເຊົ້າ. ອຸນຫະ ພູມຕໍ່າສຸດ 02 - 04 ອົງສາ ແລະ ສູງສຸດ 19 - 21 ອົງສາ.