ຈະມອບລາງວັນດວງຈຳປາໃຫ້ສິລະປິນລາວ

     ໃນວັນທີ 15 ມັງກອນນີ້, ຢູ່​ໂຮງ​ແຮມ​ດອນ​ຈັນພາ​ເລດ, ນະຄອນຫລວງ​ວຽງ​ຈັນ ກົມສິລະປະການະສແດງກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ຮ່ວມມືກັບບໍລິສັດແສງດາລາ ຄອມມູນິເຄຊັນ ໄດ້ຈັດ ພິທີຖະແຫລງຂ່າວງານປະ ກາດລາງວັນດວງຈຳປາ ຄັ້ງທີ 4 ແລະ ໄດ້ມີການປະກາດຜູ້ເຂົ້າຮອບສຸດທ້າຍຂອງ ແຕ່ລະລາງວັນ.

     ທ່ານ ຄຳພວງ ອິນທະວົງສີ ຫົວໜ້າກົມສິລະປະການປະແດງກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ກ່າວວ່າ: ປີນີ້ພວກເຮົາເຫັນ ວ່າວົງ ການສິລະປິນລາວມີການເຕີບໃຫຍ່ຂະຫຍາຍຕົວຫລາຍ ແລະ ມີຄຸນນະພາບທຽບທັນສາກົນ. ທຸກຄ້າຍເພງ ແລະ ທຸກພາກ ສ່ວນໄດ້ຮ່ວມມືກັນພັດທະນາຜົນງານເພງຂອງຕົນຢ່າງ​ບໍ່​ຢຸດ​ຢັ້ງ.

     ທ່ານ ວິລຸນ ແສງດາລາ ອຳນວຍການບໍລິສັດແສງດາລາຄອມມູນິເຄຊັນ ກ່າວວ່າ: ນີ້ເປັນ ຄັ້ງທີ 4 ທີ່ພວກເຮົາໄດ້ຈັດງານນີ້ ໂດຍຮ່ວມກັບກົມສິລະປະການສະແດງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ຂ້າພະເຈົ້າຮູ້ສຶກວ່າສິລະປິນ ລາວໄດ້ມີການພັດທະນາ ແລະ ຍົກລະດັບຂອງຕົນເອງຂຶ້ນຫລາຍນັບທັງດ້ານສຽງຮ້ອງ ແລະ ການສະແດງແນ່ນອນພວກເຮົາ ຈະເຫັນການສະແດງທີ່ອາລັງການທີ່ສຸດໃນວັນທີ 15 ກຸມພາທີ່ຈະເຖິງນີ້ ເຊິ່ງມີທັງໝົດ 19 ລາງວັນໃນຮອບສຸດທ້າຍ ແລະ ສຳ ລັບລາງວັນທີ 1-8 ແມ່ນເປີດໃຫ້ປະຊາຊົນເປັນຄົນໂຫວດ, ສ່ວນລາງວັນທີ 9-19 ແມ່ນຄະນະກຳມະການຕັດສິນ.

     ງານປະກາດລາງວັນດວງຈຳປາຈະຈັດຂຶ້ນໃນວັນທີ 15 ກຸມພາ 2014 ຢູ່ຫໍວັດທະນະທຳແຫ່ງຊາດ ແລະ ຈະມີການຖ່າຍ ທອດສົດຜ່ານໂທລະພາບລາວສະຕາເລີ່ມແຕ່ເວລາ 19:30 ໂມງ.