ກອງປະຊຸມສາມັນປະຈຳປີຄັ້ງທີ XXIII ​ຊາຍແດນລະຫວ່າງລາວ-ຫວຽດນາມ

        ກອງປະຊຸມສາມັນປະຈຳ ປີຄັ້ງທີ XXIII ລະຫວ່າງຄະນະຜູ້ແທນຊາຍແດນ ແຫ່ງສາທາລະນະລັດ ປະຊາທິປະໄຕ ປະ ຊາຊົນລາວ ແລະ ຄະນະຜູ້ແທນຊາຍ ແດນແຫ່ງສາທາລະນະລັດສັງຄົມນິຍົມຫວຽດນາມ ໄດ້ໄຂຂຶ້ນຢ່າງເປັນທາງການ ແຕ່ ວັນທີ 8-10 ມັງກອນ 2014, ທີ່ນະຄອນ ຫລວງຮ່າໂນ້ຍ, ສສຫວຽດນາມ. ຄະນະ ຜູ້ແທນຝ່າຍລາວ ນໍາໂດຍ ສະຫາຍບຸນ ເກີດສັງສົມ ສັກ, ລັດຖະມົນຕີຊ່ວຍວ່າການ ກະຊວງການຕ່າງປະເທດ, ຫົວ ໜ້າຄະນະກຳມະການຊາຍແດນລາວ-ຫວຽດ ນາມ ແລະ ຄະນະຜູ້ແທນຊາຍແດນຝ່າຍຫວຽດນາມ ນຳໂດຍ ສະຫາຍ ໂຮ່ ຊ່ວນ ເຊີນ, ກຳມະການສູນກາງພັກກອມມູ ນິດ ຫວຽດ ນາມ, ລັດຖະມົນຕີ ຊ່ວຍວ່າການກະຊວງການຕ່າງປະເທດ, ຫົວໜ້າຄະນະກຳມະ ການຊາຍແດນຫວຽດນາມ- ລາວ. ເຂົ້າ ຮ່ວມກອງປະຊຸມຄັ້ງນີ້ມີຜູ້ຕາງໜ້າຈາກບັນດາກະຊວງ, ຂະແໜງການທີ່ກ່ຽວຂ້ອງ ແລະ ຜູ້ຕາງໜ້າຈາກບັນດາແຂວງຊາຍແດນ ຂອງລາວ ແລະ ຫວຽດນາມ.

         ສອງຝ່າຍໄດ້ສັງເກດຕີລາ ຄາຄືນການຈັດຕັ້ງປະຕິບັດສັນຍາວ່າດ້ວຍລະບຽບການຊາຍແດນປະເທດ ລາວ-ຫວຽດນາມ ແລະ ບົດບັນທຶກກອງປະຊຸມຄັ້ງທີ XXII ຂອງຄະນະຜູ້ແທນຊາຍ ແດນໃນໄລຍະໜຶ່ງປີທີ່ຜ່ານມາ, ຊຶ່ງສອງຝ່າຍໄດ້ເປັນເອກະ ພາບກັນວ່າ: ສະພາບການຕາມບໍລິ ເວນຊາຍແດນຂອງສອງປະເທດ ໂດຍພື້ນຖານແມ່ນມີສະຖຽນລະພາບ, ມີຄວາມສະ ຫງົບ, ມີຄວາມເປັນລະບຽບຮຽບຮ້ອຍ; ການ ພົວພັນມິດຕະພາບ, ການຮ່ວມມື ຢ່າງຮອບດ້ານລະຫວ່າງບັນດາແຂວງ, ບັນດາ ກຳລັງຄຸ້ມຄອງ ຊາຍແດນຂອງສອງຝ່າຍນັບມື້ ນັບມີການຂະຫຍາຍຕົວ ແລະ ມີຄວາມແຫນ້ນແຟ້ນກວ່າເກົ່າ ຊຶ່ງໄດ້ສ້າງເງື່ອນ ໄຂອັນສະດວກໃຫ້ແກ່ການພັດທະນາເສດຖະກິດ-ສັງຄົມ, ປະກອບສ່ວນຢ່າງຕັ້ງ ໜ້າເຂົ້າໃນການເພີ່ມທະວີ ແລະ ເສີມຂະ ຫຍາຍສາຍພົວພັນມິດຕະພາບແບບພິເສດ ແລະ ການຮ່ວມ ມືຮອບດ້ານລະຫວ່າງລາວ ແລະ ຫວຽດນາມ. ກ່ຽວກັບໂຄງການ ປັກຫລັກໝາຍຖີ່ ແລະ ບູລະນະລະບົບຫລັກໝາຍຊາຍແດນປະ ເທດລາວ-ຫວຽດນາມ, ສອງຝ່າຍໄດ້ຕີລາຄາວ່າເຖິງວ່າການ ຈັດຕັ້ງປະຕິບັດວຽກງານດັ່ງ ກ່າວແມ່ນມີຄວາມຫຍຸ້ງຍາກ ຫລາຍປະການໂດຍສະເພາະສະພາບດິນຟ້າອາກາດ ແລະ ພູມີປະ ເທດບໍ່ເອື້ອອຳນວຍ, ແຕ່ສອງ ຝ່າຍໄດ້ມີຄວາມພະຍາຍາມບຸກ ບືນຈຶ່ງເຮັດໃຫ້ວຽກງານດັ່ງກ່າວ ຊຶ່ງດຳເນີນມາແຕ່ປີ 2008 ຈົນ ເຖິງທ້າຍປີ 2013 ສຳເລັດຕາມ ແຜນການໂດຍໄດ້ປັກຫລັກໝາຍຢູ່ພູມີປະເທດຕົວຈິງແຕ່ເໜືອເຖິງໃຕ້ຈຳນວນ 792 ຈຸດ ເທົ່າກັບ 834 ຫລັກໝາຍ ໃນລວງຍາວ ຂອງເສັ້ນຊາຍແດນ 2067 ກິໂລ ແມັດ ແລະ ໄດ້ຈັດຕັ້ງການສະຫລຸບວຽກງານດັ່ງ ກ່າວ ໃນວັນທີ 19 ສິງຫາ 2013 ທີ່ຜ່ານມາ. ທັງສອງຝ່າຍຢືນຢັນວ່າການຈັດຕັ້ງປະຕິບັດວຽກງານໂຄງການປັກຫລັກໝາຍ ທີ່ຍັງເຫລືອນັ້ນໃຫ້ ສຳເລັດໃນປີ 2014.

          ຄຽງຄູ່ກັບຜົນສຳເລັດດັ່ງ ກ່າວນັ້ນ, ໃນໜຶ່ງປີຜ່ານມາຍັງພົບເຫັນປະກົດການຫຍໍ້ທໍ້ທີ່ເກີດຂຶ້ນຕາມບໍລິເວນຊາຍແດນ ຂອງສອງປະເທດເປັນຕົ້ນແມ່ນການຍົກຍ້າຍຕັ້ງພູມລຳເນົາຕາມລຳພັງໃຈ, ການລັກລອບຂຸດຄົ້ນໄມ້ ແລະ ເຄື່ອງປ່າຂອງດົງ, ການ ຄ້າຂາຍເຖື່ອນ ແລະ ຢາເສບຕິດ. ກ່ຽວກັບການແກ້ໄຂບັນຫາຜູ້ຍົກຍ້າຍຕັ້ງພູມລຳເນົາຕາມລຳພັງໃຈ ແລະ ສ້າງຄອບຄົວ ບໍ່ຖືກລະບຽບ, ບັນຫາດັ່ງກ່າວແມ່ນ ເປັນບັນຫາທີ່ຄົງຄ້າງມາຫລາຍ ປີ, ຈົນເຖິງປີ 2013 ລັດຖະບານທັງສອງປະເທດຈຶ່ງໄດ້ ລົງນາມຂໍ້ຕົກລົງວ່າດ້ວຍການແກ້ໄຂບັນ ຫາດັ່ງກ່າວຮ່ວມກັນ ແລະ ສະພາ ແຫ່ງຊາດຂອງສອງປະເທດກໍໄດ້.