ນະຄອນຫຼວງເລັ່ງສືບຕໍ່ແກ້ໄຂປະກົດການຫຍໍ້ທໍ້

         ໃນວັນທີ 26 ກຸມພານີ້ ຢູ່ ຫ້ອງຕຳຫຼວດນະຄອນຫຼວງວຽງຈັນໄດ້ມີກອງປະຊຸມສະຫຼຸບ ວຽກງານປະຈຳປີຂອງຕົນ ໂດຍການເປັນປະທານຂອງ ທ່ານ ພົນຈັດຕະວາ ດຣ ບຸນຊູ ນາມມະຈັກ ຫົວໜ້າກອງບັນຊາການ ປກສ ນະຄອນຫຼວງວຽງ ຈັນ, ມີບັນດາເຈົ້າໜ້າທີ່ຈາກ 9 ຕົວເມືອງ ແລະ ປກສ ບ້ານເຂົ້າຮ່ວມເພື່ອປຶກສາຫາລືແຜນງານແກ້ໄຂປາກົດການຫຍໍ້ທໍ້ໃນ ນະຄອນຫຼວງວຽງຈັນ ໃຫ້ມີປະສິດທິຜົນຂຶ້ນກວ່າເກົ່າ.

         ທ່ານ ພັນໂທ ຄຳແພງ ໄຊຍະລາດ ຮອງຫົວໜ້າຫ້ອງ ຕຳຫຼວດໄດ້ຕີລາຄາວຽກງານການ ແລະ ສະພາບຫຍໍ້ທໍ້ຕ່າງໆ ໃນສັງຄົມວ່າ: ຜ່ານມາກຸ່ມຄົນບໍ່ ດີຈຳນວນໜຶ່ງຍັງສືບຕໍ່ເຄື່ອນໄຫວ ກໍ່ຄວາມສບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍ ໃນສັງຄົມຢ່າງຕໍ່ເນື່ອງ, ໂດຍສະເພາະໄດ້ ເຄື່ອນໄຫວໃສ່ຮ້າຍປ້າຍສີຕໍ່ເຈົ້າໜ້າທີ່ ແລະ ສວຍໃຊ້ຜູ້ທີ່ຮູ້ເທົ່າບໍ່ເຖີງການເປັນເຄື່ອງ ມືເຄື່ອນໄຫວປຸ້ນຈີ້, ຊີງຊັບ, ງັດແງະ -ລັກຊັບ, ມົ້ວສຸມ, ຊື້-ຂາຍຢາ ເສບຕິດ, ຂີ່ລົດເປັນພຶງແພຕາມທ້ອງຖະໜົນ ເພື່ອສ້າງຄວາມບໍ່ສະຫງົບ ຄື: ໂດຍໃນປີ 2013

ຜ່ານມາມີສະພາບຫຍໍ້ທໍ້ເກີດຂື້ນ 3.217 ຄັ້ງ, ທຽບໃສ່ປີ 2012 ຜ່ານ ມາຫຼຸດລົງ 398 ຄັ້ງ, ໃນນັ້ນມີຄະ ດີປຸ້ນຊັບ 96 ຄັ້ງ,
ຊີງຊັບ 170 ຄັ້ງ, ງັດ-ແງະລັກຊັບ 734 ຄັ້ງ, ສໍ້ ໂກງຊັບ 78 ຄັ້ງ, ທຳຮ້າຍຮ່າງ ກາຍ 22 ຄັ້ງ, ຊື້ຂາຍຢາເສບຕິດ 333 ຄັ້ງ,
ຄາດຕະກຳ 10 ຄັ້ງ ແລະ ອື່ນໆ ສົ່ງຜົນໃຫ້ມີຄວາມ ເສຍຫາຍເຊັ່ນ: ຄຳຮູບປະພັນ ນ້ຳໜັກ 254 ບາດ, ແຫວນເພັດ 15 ວົງ, ລົດເສຍ 428 ຄັນ, ໃນ ນັ້ນມີລົດໃຫຍ່ 37 ຄັນ ແລະ ເຄື່ອງອື່ນໆເປັນຈຳນວນຫຼາຍ ຂະນະດຽວກັນທາງເຈົ້າໜ້າທີ່ສາມາດ ແກ້ໄຂໄດ້ກວ່າ 30,7% ຂອງຄະດີເກີດຂື້ນທັງໝົດ ແລະ ສາມາດກັກຕົວຜູ້ກະທຳຜິດມາດຳເນີນຄະດີໄດ້ 1.529 ຄົນ.

          ທ່ານ ພັນໂທ ຄຳແພງ ໄຊ ຍະລາດ ໃຫ້ທັດສະນະວ່າ: ການເຄື່ອນໄຫວແກ້ໄຂປະກົດການຫຍໍ້ທໍ້ໃນປີຜ່ານມາ, ເຖິງ ວ່າຫ້ອງຕຳຫຼວດ ແລະ ພະແນກການຕ່າງໆໄດ້ເອົາໃຈໃສ່ເຮັດໜ້າທີ່ວຽກງານວິຊາສະເພາະຢ່າງຕັ້ງໜ້າ, ແຕ່ກໍຍັງພົບວ່າສະພາບ ຫຍໍ້ທໍ້ຍັງເກີດຂື້ນເຊັ່ນ: ລັກຊັບ, ຊີງຊັບ, ງັດແງະ, ຄ້າຂາຍເຖື່ອນ, ເກີດອຸປະຕິເຫດຕາມທ້ງຖະໜົນ ແລະ ມີລັກສະນະ ຮ້າຍແຮງຂື້ນ, ຊຶ່ງສ່ວນໜຶ່ງກໍຍ້ອນກຳລັງເຈົ້າໜ້າທີ່ບາງສ່ວນຍັງຖືເບົາບໍ່ເປັນ ເຈົ້າການສຸມໃສ່ວຽກງານແກ້ໄຂຄວາມບໍ່ສະຫງົບ ໃນສັງຄົມ, ປະປ່ອຍໃຫ້ກຳລັງ ປກສ ບ້ານ ແລະ ສັງຄົມເຮັດວຽກງານແຕ່ລຳພັງ ແລະ ບໍ່ມີການປະສານສົມທົບ ກັບພາກສ່ວນ ກ່ຽວຂ້ອງ, ເຮັດໜ້າທີ່ກວດກາ ແລະ ອື່ນໆ, ນອກ ນັ້ນປະຊາຊົນສ່ວນໜຶ່ງກໍຍັງຂາດຄວາມຮັບຜິດຊອບສະຕິເປັນເຈົ້າໃນ ການແກ້ໄຂປາກົດການຫຍໍ້ທໍ້ ເຮັດໃຫ້ກຸ່ມຄົນບໍ່ດີສວຍໃຊ້ໂອ ກາດສ້າງສະພາບຄວາມບໍ່ສະຫງົບ.

          ທ່ານ ດຣ ບຸນຊູ ນາມມະຈັກ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ເນັ້ນວ່າ: ເພື່ອແກ້ໄຂປະກົດ ການຫຍໍ້ທໍ້ດັ່ງກ່າວໃຫ້ມີປະສິດທິຜົນ, ກ່ອນອື່ນໝົດແມ່ນກຳລັງເຈົ້າໜ້າທີ່ຄວນເປັນເຈົ້າການ ແລະ ມີຄວາມເຂັ້ມງວດຕໍ່ການ ປະຕິບັດໜ້າທີ່ໂດຍຈະເພີ່ມທະວີກວດກາ ແລະ ລົງວິໄນຫາກພົບວ່າເຈົ້າໜ້າທີ່ບໍ່ມີຄວາມຮັບຜິດຊອບ ແລະ ຕັ້ງໃຈຕໍ່ການ ປະຕິບັດວຽກງານ, ໂດຍສະເພາະແມ່ນການຈັບຕົວຜູ້ກະທຳຜິດມາດຳເນີນຄະດີແມ່ນຕ້ອງໄດ້ເຮັດຢ່າງວ່ອງໄວ, ມີການສືບ ສວນ-ສອບສວນ ຢ່າງຍຸຕິທຳ ແລະ ໃຫ້ຊັດເຈນຖືກຕ້ອງຕາມລະບຽບກົດໝາຍ, ກ່ອນຈະສະຫຼຸບສຳນວນຄະດີສົ່ງໃຫ້ ໄອຍະການເພື່ອສົ່ງສານຕັດສິນລົງໂທດຕໍ່ຜູ້ກະທຳຜິດ, ສ່ວນບັນຫາປຸ້ນຊັບ-ຊີງຊັບ, ລັກຊັບ ແລະ ອຸປະຕິເຫດກໍຈະໄດ້ເພີ່ມ ກຳລັງເຈົ້າໜ້າທີ່ໜ່ວຍສະເພາະກິດອອກເຄື່ອນໄຫວລາດຕະເວນເພື່ອສາມາດແກ້ໄຂບັນຫາ ແລະ ຮັບປະກັນໃຫ້ສັງຄົມມີ ຄວາມສະຫງົບ ແລະ ເປັນລະບຽບຮຽບ ຮ້ອຍ.