ກຽມຈັດງານທ່າແຂກເຕັ້ນປະຈຳປີ 2014

   ພາຍຫຼັງປະສົບຜົນສຳເລັດ ໃນການເຝິກອົບຮົບນັບແຕ່ປີ 2009 ເປັນຕົ້ນມາ, ທີ່ເມືອງທ່າ ແຂກແຂວງຄຳມ່ວນ, ບໍລິສັດຄຳ (ປະເທດຝຣັ່ງ) ກໍຕັດສິນໃຈຮ່ວມ ມືກັບເມືອງໂຣນ-ອານເປີ (ປະ ເທດຝຣັ່ງ) ແລະ ແຂວງຄຳມ່ວນ ສືບຕໍ່ຈັດອົບຮົມ ເຕັ້ນ (ຮິບຮ໋ອບຮ່ວມສະໄໝ ແລະ ຟ້ອນພື້ນ ເມືອງ) ໃນໂຮງຮຽນສີ່ແຫ່ງຢູ່ແຂວງຄຳ ມ່ວນຄື: ມັດທະຍົມ ຕອນຕົ້ນໜອງບົວຄຳ, ມັດທະ ຍົມຕອນຕົ້ນທ່າແຂກ, ມັດ ທະຍາ ຕອນຕົ້ນຈອມແຈ້ງ ແລະ ໂຮງຮຽນມັດທະຍົມຕອນຕົ້ນຈອມ ທອງ, ຊຶ່ງໃນວັນທີ 17 ມີນານີ້ບໍ ລິສັດເຕັ້ນຟັງລາວຮ່ວມກັບບໍລິ ສັດຄຳ (ປະເທດຝຣັ່ງ) ໄດ້ຈັດຖະແຫຼ່ງຂ່າວການກະກຽມຈັດ ງານທ່າແຂກເຕັ້ນ ປະຈຳປີ 2014 ຂຶ້ນ ທີ່ສະມາຄົມນັກຂ່າວແຫ່ງປະ ເທດລາວ, ໂດຍການເຂົ້າຮ່ວມ ຂອງທ່ານ ສົມສະ ໜຸກມີໄຊ, ຮອງປະທານ ສະມາຄົມນັກຂ່າວແຫ່ງປະເທດລາວ, ຜູ້ບໍລິຫານບໍລິສັດເຕັ້ນຟັງລາວ ແລະ ຜູ້ບໍ ລິຫານບໍລິສັດຄຳ, ພ້ອມດ້ວຍສື່ມວນຊົນ ເຂົ້າຮ່ວມ.

           ທ່ານ ອຸນຫຼ້າ ພາອຸດົມ, ຜູ້ບໍລິຫານບໍສິສັດເຕັ້ນຟັງລາວຖະແຫຼ່ງວ່າ: ງານທ່າແຂກເຕັ້ນປະຈຳປີ 2014 ຈະ ຈັດຂຶ້ນ ໃນວັນທີ 29 ມີນານີ້ ຢູ່ໂຮງຮຽນມັດທະຍົມຕອນປາຍທ່າແຂກ, ແຂວງ ຄຳມ່ວນ, ສຳລັບງານດັ່ງກ່າວ ປີນີ້ແມ່ນມີກິດຈະກຳ ຫຼາກຫຼາຍ ກວ່າປີຜ່ານມາເປັນຕົ້ນແມ່ນມິນິຄອນເສີດ, ກິດຈະກຳສຳລັບເດັກນ້ອຍ ແລະ ການສະແດງຕ່າງໆ ເຊັ່ນ: ການສະ ແດງທ່າແຂກເຕັ້ນ ແບດໂທລ ການສະແດງຈາກສີ່ ໂຮງຮຽນທີ່ກ່າວມີຂ້າງເທີງນັ້ນ, ການສະແດງຈາກ EYE CANDY ປາກ ເຊ, ການສະແດງ ຈາກຟັງລາວ  ແລະ ກິດຈະກຳ ອື່ນໆອີກຫຼາຍຢ່າງ, ພ້ອມດ້ວຍການຫຼິ້ນເກນ, ການຈັດງານດັ່ງ ກ່າວຂຶ້ນກໍ ເພື່ອສົ່ງເສີມໃຫ້ໄວ ໜຸ່ມທ່າແຂກ, ກໍຄືໄວໜຸ່ມລາວ ໄດ້ມີກິດຈະກຳສ້າງສັນທາງດ້ານສີລະປະ, ມັກອອກກຳລັງກາຍ, ຫ່າງໄກ ສ້າງເສບຕິດ ແລະ ທັງເປັນການສົ່ງເສີມການພັດທະນາການເຕັ້ນຮິບຮ໋ອບ, ຮ່ວມສະໄໝ ແລະ ຟ້ອນພື້ນເມືອງລາວ, ເນື່ອງ ຈາກໄວໜຸ່ມຄືກຳ ລັງສຳຄັນໃນການພັດທະນາສ້າງສາປະເທດຊາດສະນັ້ນການມີສິ່ງແວດລ້ອມທີ່ດີແມ່ນສຳຄັນຫຼາຍ, ເພາະສິ່ງ ດັ່ງກ່າວຈະເປັນປັດໄຈໃຫ້ໄວໜຸ່ມລາວກ້າວໜ້າໄປດ້ວຍດີ ແລະ ມີຄວາມໝັ້ນໃຈໃນຄວາມສາມາດຂອງຕົນ,ຊຶ່ງຈະພາໃຫ້ປະ ສົບຜົນສຳເລັດໃນຊີວິດໄດ້.