ລະວັງພະຍາດຖອກທ້ອງມີການລະບາດແລ້ວຢູ່ນະຄອນຫລວງວຽງຈັນ

        ໂຮງໝໍມະໂຫສົດລາຍງານວ່າ: ພໍກ້າວເຂົ້າສູ່ລະດູຮ້ອນບໍ່ພໍເທົ່າໃດ ກໍເກີດມີການລະບາດ ຂອງພະຍາດຖອກທ້ອງຂຶ້ນ ແລ້ວຢູ່ນະຄອນຫຼວງຽງຈັນ, ສາເຫດຕົ້ນຕໍກໍແມ່ນອາຫານການ ກິນທີ່ບໍ່ສະອາດ, ປັດຈຸບັນໄດ້ມີຄົນເຈັບເຂົ້າມາປິ່ນປົວພະຍາດດັ່ງກ່າວຢູ່ໂຮງໝໍມະໂຫສົດແລ້ວ ຫຼາຍກວ່າ 200 ຄົນ ແລະ ສ່ວນໃຫຍ່ແມ່ນເດັກນ້ອຍອາຍຸຕຳກວ່າ 10 ປີລົງມາ, ພ້ອມນັ້ນ ຢູ່ໂຮງ ໝໍອື່ນກໍອາດຈະມີຄົນເປັນພະຍາດຖອກທ້ອງເຂົ້າປິ່ນປົວເຊັ່ນດຽວກັນ.

        ຕາມຂໍ້ມູນສະຖິຕິຂອງໂຮງໝໍມະໂຫສົດໃຫ້ຮູ້ວ່າ: ນອກຈາກຄົນເຈັບທີ່ເຂົ້າມາປິ່ນປົວ ຍ້ອນຕິດເຊື້ອພະຍາດຖອດທ້ອງ ແລ້ວ, ຍັງມີຄົນເຈັບຍ້ອນພະຍາດລະບົບທາງເດີນຫາຍໃຈ, ໄຂ້ທໍລະພິດ, ທ້ອງຂີ້ຮາກເຂົ້າມາປິ່ນປົວແຕ່ເຫັນວ່າມີຈຳນວນ ໜ້ອຍລົງ, ແຕ່ເຖິງຢ່າງໃດກໍດີເພື່ອ ສະກັດກັ້ນບໍ່ໃຫ້ພະຍາດດັ່ງກ່າວແຜ່ລະບາດເປັນວົງກວ້າງ, ຈຶ່ງເຕືອນໃຫ້ປະຊາຊົນລາວບັນດາເຜົ່າຢູ່ທົ່ວປະເທດຈົ່ງເອົາໃຈ ໃສ່ໃນການຮັກສາສຸຂະພາບຂອງຕົນ ແລະ ຄອບຄົວໂດຍການປະຕິບັດຕາມຫຼັກການອະນາໄມ 3 ສະອາດຢ່າງເຂັ້ມງວດ, ໂດຍສະເພາະແມ່ນການກິນຢູ່. ດື່ມໃຫ້ສະອາດບໍ່ຄວາມກິນອາຫານສຸກໆດິບໆ, ຕ້ອງມີການປົກປິດ

ອາຫານການກິນໃຫ້ດີເພື່ອບໍ່ໃຫ້ແມງວັນມາຕອມ ແລະ ຄວນລ້າງມືທຸກຄັ້ງກ່ອນຫຼືຫຼັງກິນອາຫານ, ພ້ອມທັງໜັ່ນທຳຄວາມ ສະອາດຮ່າງກາຍ, ເຄື່ອງນຸ່ງຫົ່ມ ແລະ ທີ່ຢູ່ອາໄສເປັນປະຈຳ ແລະ ບອກສອນລູກຫຼານຂອງຕົນຜູ້ທີ່ຍັງຮູ້ເທົ່າບໍ່ ເຖິງການ ເພື່ອເຮັດແນວໃດໃຫ້ເຂົ້າເຈົ້າສາມາຫຼີກລ່ຽງຈາກ ການຕິດແປດຂອງພະຍາດຖອກທ້ອງ, ທີ່ມັກລະບາດຂຶ້ນໃນລະດູຮ້ອນ.