ລະດົມຄວາມຄິດເຫັນຕໍ່ຮ່າງແຜນຍຸດທະສາດການພັດທະນາຕະຫຼາດທືນໃນລາວ

       ວັນທີ 26 ມີນານີ້ຢູ່ສຳນັກ ງານຕະຫຼາດຫຼັກຊັບລາວ, ໄດ້ຈັດກອງປະຊຸມເປີດ ກວ້າງສະດົມຄຳຄິດເຫັນຕໍ່ຮ່າງແຜນຍຸດທະສາດການພັດທະນາຕະຫຼາດທຶນແຕ່ປີ 2014-2025 ຂຶ້ນ, ໂດຍການ ເຂົ້າຮ່ວມຂອງທ່ານ ສອນໄຊ ສິດພະໄຊ, ຮອງຜູ້ວ່າ ການທະນາ ຄານແຫ່ງ ສປປ ລາວ, ຄະນະກຳ ມະການຄຸ້ມຄອງຫຼັກຊັບ, ຫົວໜ້າ ພະແນກແຜນການ ແລະ ການລົງທຶນ ແລະ ຜູ້ຕາງໜ້າຫົວໜ່ວຍທຸ ລະກິດຕ່າງໆ ໃນທົ່ວປະເທດເຂົ້າ ຮ່ວມເປັນຈຳນວນຫຼາຍ.      ຄະນະກຳມະການຄຸ້ມຄອງຫຼັກຊັບກ່າວ ວ່າ: ການພັດທະນາຕະຫຼາດທືນຂອງລາວໃນໄລຍະຜ່ານມາບໍ່ທັນມີການຂະ ຫຍາຍຕົວຢ່າງເຕັມສ່ວນ, ເນື່ອງຈາກຜະລິດຕະ ພັນຫຼັກຊັບຂອງລາວເຮົາຫາກໍຖືກສ້າງຕັ້ງຂຶ້ນ ແລະ ຢູ່ໃນໄລຍະປະຖົມປະ

ຖານ, ວິສາຫະກິດຍັງບໍ່ທັນຂະຫຍາຍຕົວສູ່ລວງ ກວ້າງ ແລະ ລວງເລິກ, ບັນດາກົດໝາຍປິ່ນອ້ອມວຽກງານຫຼັກຊັບຈຳນວນ ໜຶ່ງຍັງບໍ່ທັນສົ່ງເສີມວຽກງານດັ່ງກ່າວ ຢ່າງຕັ້ງໜ້າ, ສະນັ້ນກອງປະຊຸມຄັ້ງນີ້ຜູ້ເຂົ້າຮ່ວມຈະໄດ້ຮັບຟັງແຜນຍຸດທະສາດການ ພັດທະນາຕະຫຼາດທືນແຕ່ປີ 2014 - 2025  ແລະ ພ້ອມກັນປະກອບຄຳຄິດຄຳເຫັນຕໍ່ຮ່າງແຜນຍຸດທະສາດດັ່ງກ່າວ, ເພື່ອ ເປັນການເປີດຊ່ອງທາງໃໝ່ໃນການລະດົມທຶນແບບ ທາງກົງໃຫ້ຫຼາຍຂຶ້ນໃນຕະຫຼາດເງິນຕາຂອງລາວເຮົາໃຫ້ອຸດົມສົມບູນ ແລະ ມີເນື້ອໃນຄົບ ຖ້ວນ ແລະ ສະມາດລະດົມທຶນ ຈາກພາຍໃນ ແລະ ພາກນອກໄດ້້ຫຼາຍຂຶ້ນ.     ໃນເວລາດຽວກັນກໍເຮັດໃຫ້ວິສາຫະກິດສາມາດລະດົມທຶນໄລຍະຍາວໄດ້ ຫຼາຍຂຶ້ນ ແລະ ທັງເປັນການປຸງປຸງການພັດທະ ນາຕະຫຼາດທຶນໃຫ້ເຊື່ອມໂຍງກັບເສດຖະກິດ-ການເງິນຂອງລາວເຂົ້າກັບພາກ ພື້ນ ແລະ ສາກົນເທື່ອລະກ້າວ.