ກອງປະຊຸມສົ່ງເສີມ ແລະ ດຶງດູດການລົງທຶນໃນເຂດເສດຖະກິດສະເພາະບຶງທາດຫຼວງ

     ໃນໂອກາດທີ່ຄະນະນັກລົງ ທຶນໃນສະມາຄົມນັກທຸລະກິດ ເຊື້ອສາຍຈີນ ແຫ່ງຣາຊະອານາ ຈັກໄທເດີນທາງມາເຄື່ອນໄຫວ ຢ້ຽມຢາມ ແລະ ສຳຫຼວດ ການລົງທຶນຢູ່ນະຄອນຫຼວງວຽງຈັນໃນຕອນເຊົ້າຂອງວັນທີ 24 ມີນາ ນີ້ທີ່ສຳ ນັກງານເຂດເສດຖະ ກິດສະເພາະບຶງທາດຫຼວງກໍໄດ້ຈັດກອງປະຊຸມສົ່ງເສີມ ແລະ ດຶງດູດດານລົງທຶນຂອງໂຄງການພັດ ທະນາດັ່ງກ່າວຂຶ້ນພາຍໃຕ້ ການເປັນປະທານ ຂອງທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ ພ້ອມນີ້ກໍມີທ່ານ ນາງ ບຸນເພັງ ມູນໂພໄຊ ລັດຖະມົນຕີປະຈຳຫ້ອງວ່າການລັດຖະບານ, ທ່ານນາງ ບົວທາຂັດຕິຍະຫົວໜ້າກອງເລຂາຄະນະກຳມະ ການ ແຫ່ງຊາດລາວ ເພື່ອຄຸ້ມຄອງເຂດເສດຖະກິດພິເສດ ແລະ ເຂດ ເສດຖະກິດສະເພາະ (ຄຂພສ) ແລະ ນັກລົງທຶນດັ່ງກ່າວ ເຂົ້າຮ່ວມເປັນຈຳນວນຫລາຍ.

       ເຈົ້າຄອງນະຄອນຫຼວງ ວຽງຈັນໄດ້ມີຄຳເຫັນໃນກອງປະຊຸມວ່າ: ການພັດທະນາເຂດເສດ ຖະກິດສະເພາະ (ຂພສ) ແມ່ນຮູບ ການໜຶ່ງຂອງການພັດທະນາ ເສດຖະກິດທີ່ພັກ ແລະ ລັດຖະບານລາວສ້າງຂຶ້ນເພື່ອແນໃສ່ບັນລຸຄາດ ໝາຍຂອງ ການພັດທະນາເສດຖະກິດ-ສັງຄົມ, ຫຼຸດຜ່ອນ ຂອດອຸດຕັນໃຫ້ມີທ່າກ້າວກະ ໂດດໂດຍນຳໃຊ້ທ່າແຮງ ແລະ ທີ່ຕັ້ງຕາມຈຸດຍຸດ ທະສາດທາງເສດຖະກິດຂອງປະເທດນຳໃຊ້ ກົນໄກຫົວໜ່ວຍບໍລິຫານນ້ອຍ- ສັງຄົມກວ້າງ (ປະຕູດຽວ) ໃນ ການບໍລິຫານ ຄຸ້ມຄອງ. ປັດຈຸບັນ ຢູ່ ສປປ ລາວ ມີ ຂພສ 10 ແຫ່ງ, ໃນນັ້ນເປັນເຂດເສດຖະກິດພິເສດ 2 ແຫ່ງ ແລະ ເຂດເສດຖະກິດສະ ເພາະ 8 ແຫ່ງ ເຊິ່ງເຂດເສດຖະ ກິດພິເສດບຶງທາດຫຼວງກໍເປັນ ເຂດໜຶ່ງທີ່ມີທ່າແຮງທາງດ້ານທີ່ຕັ້ງເພື່ອສ້າງເປັນສະຖານທີ່ພັກ ຜ່ອນຂອງຊາວນະຄອນຫຼວງ ວຽງຈັນ ແລະ ນັກທ່ອງທ່ຽວ. ນອກຈາກບັນດາທ່າແຮງດ້ານທີ່ຕັ້ງແລ້ວ, ລາວຍັງມີບັນດານິຕິ ກຳທີ່ສົ່ງເສີມ ແລະ ຄຸ້ມຄອງ ການພັດທະນາເຂດເສດຖະກິດ ສະເພາະອີກເພື່ອອຳນວຍຄວາມສະດວກ, ຄວາມວ່ອງໄວ ແລະ ປອດໃສດ້ວຍນະໂຍບາຍພິເສດ ແກ່ຜູ້ພັດທະນາ ແລະ ຜູ້ທີ່ເຂົ້າ ມາລົງທຶນໃນເຂດດັ່ງກ່າວທັງພາຍໃນ ແລະ ຕ່າງປະເທດ. ເຈົ້າ ຄອງນະຄອນຫລວງ ເວົ້າວ່າ: ປັດຈຸບັນ ສປປ ລາວ ໄດ້ເຂົ້າເປັນ ສະມາຊິກອົງການການຄ້າໂລກ (WTO) ແລະ ພວມຈະເຂົ້າ ຮ່ວມປະຊາຄົມເສດຖະກິດອາຊຽນ (AEC) ໃນປີ 2015 ຈະມາເຖິງນີ້ ເຊິ່ງຈະເປັນອີກທ່າແຮງໜຶ່ງໃນການດຶງດູດການລົງທຶນ ແລະ ເຊື່ອມຕົວທາງເສດຖະກິດຂອງ ສປປ ລາວ ເຂົ້າສູ່ພາກພື້ນ ແລະ ສາກົນ.ປັດຈຸບັນເຂດເສດຖະກິດສະເພາະບຶງທາດຫຼວງ ໄດ້ສຳເລັດການພັດທະນາພື້ນຖານໂຄງລ່າງ ແລະ ໜ້າວຽກຈຳນວນໜຶ່ງ ເປັນຕົ້ນການຊົດເຊີຍເວນຄືນທີ່ ດິນໃຫ້ແກ່ປະຊາຊົນຜູ້ ໄດ້ຮັບຜົນກະທົບ, ສ້າງຫ້ອງການບໍລິຫານເຂດ, ສ້າງຮູບແບບຈຳລອງ ແຜນແມ່ບົດການພັດທະນາເຂດ, ຂຸດໜອງນ້ຳໃຫຍ່ ກວ້າງ 50 ເຮັກ ຕາ, ສ້າງທາງເບຕົງພາຍໃນ ເຂດ, ສ້າງຂົວຂ້າມນ້ຳ 4 ແຫ່ງ, ສ້າງປະຕູທາງເຂົ້າເຂດ ແລະ ພວມສ້າງອາພາດ ເມັນ 11 ຕຶກ, ສູງ 18 ຊັ້ນ ເພື່ອສາມາດຮອງ ຮັບຜູ້ເຂົ້າມາລົງທຶນໃນເຂດດັ່ງກ່າວ.