ໃນວັນທີ 5 ມີນານີ້, ເຈົ້າໜ້າທີ່ສະເພາະກິດຕ້ານ ແລະ ສະກັດກັ້ນປາກົດການຫຍໍ້ທໍ້ໃນສັງຄົມຂອງນະຄອນຫລວງວຽງຈັນ
ໄດ້ນຳກຳລັງຕົນເຂົ້າກວດຄົ້ນເຮືອນທ້າວ ເກື່ອງ ອາຍຸ 57 ປີ ຢູ່ບ້ານຊຽງດາ ນະຄອນຫລວງວຽງຈັນ
ພາຍຫລັງສືບຮູ້ວ່າ: ເຮືອນຫລັງດັ່ງກ່າວແມ່ນແຫລ່ງຊຸກເຊື່ອງລົດທຸກປະເພດທີ່ຖືກລັກ
ເພື່ອແປງສະພາບ ແລະ ລໍຖ້າຈຳໜ່າຍ ໂດຍເຈົ້າໜ້າທີ່ພົບເຫັນລົດຢູ່ເຮືອນຫລັງດັ່ງກ່າວ
ຄືລົດກະບະໂຕໂຍຕາໄທເກີ້ 1 ຄັນ, ລົດກະບະໄມຕີເອັກ 1 ຄັນ, ລົດຈັກ 2 ຄັນ, ປ້າຍທະບຽນລົດໃຫຍ່ 7 ປ້າຍ ໃນນີ້ມີປ້າຍລົດລັດ 2 ປ້າຍ, ໂຟນີ 2 ໜ່ວຍ, ເຄື່ອງຊ໋ອດໄຟຟ້າ, ປຶ້ມ ທະບຽນລົດ, ສິ້ນສ່ວນອາໄຫລ່ລົດ
ຈຳນວນໜຶ່ງ ແລະ ປືນກາລາບິນ 1 ກະບອກ ພ້ອມລູກປືນຈຳ ນວນໜຶ່ງ ແລະ ໄດ້ກັກໂຕທ້າວ ເກື່ອງ ເຊິ່ງເປັນເຈົ້າຂອງເຮືອນມາສືບສວນ ແລະ ໄດ້ຊັກທອດເຖິງຜູ້ຮ່ວມຂະບວນການ ຄືທ້າວ ຕ້ອມ ອາຍຸ 24 ປີ (ເປັນລູກຊາຍຜູ້ກ່ຽວ), ທ້າວ ສຸກສະຫວັນ ອາຍຸ 23 ປີ ຢູ່ບ້ານທົ່ງພານທອງ ເມືອງສີສັດຕະນາກ ແລະ ທ້າວ ນາວິນ ອາຍຸ 33 ປີ ຢູ່ບ້ານໂພນທັນ ເມືອງໄຊເສດຖາ ນະຄອນຫລວງວຽງຈັນ.
ເຈົ້າໜ້າທີ່ ໃຫ້ຮູ້ຕື່ມວ່າ: ຍັງຈະສືບຕໍ່ດຳເນີນການສອບສວນພວກກ່ຽວເພີ່ມຕື່ມ
ເພື່ອຊອກຫາຜູ້ຮ່ວມຂະບວນການດັ່ງກ່າວມາດຳເນີນຄະດີ.
ຂໍຄວາມຊ່ອຍເຫຼືອແນ່! ໄດ້ມີລົດຈັກWAVE 100 ສີລົດ (ຂຽວຫົວເປັດ) ທະບຽນ ຍຍ 7433 ໄດ້ຖືກຸ່ມນີ້ລັກໄປບໍ່?
ReplyDeleteຂໍຂອບໃຈ!
ທ່ານລອງເຂົ້າໄປພົວພັນກິບເຈົ້າຫນ້າທີ່ຕຳຫລວດເບຶ່ງເດີ ເຈົ້າໜ້າທີ່ສະເພາະກິດຕ້ານ ແລະ ສະກັດກັ້ນປາກົດການຫຍໍ້ທໍ້ໃນສັງຄົມຂອງນະຄອນຫລວງວຽງຈັນ
ReplyDelete