ກວດພົບເຊື້ອໄຂ້ຫວັດສັດປີກ (H5N1) ຢູ່ບ້ານນາຕໍໃຫຍ່ແຂວງໄຊຍະບູລີ

      ຫົວໜ້າກົມລ້ຽງສັດ ແລະ ການປະມົງກະຊວງກະສິກຳ ແລະ ປ່າໄມ້, ແຈ້ງໃຫ້ ຮູ້ວ່າ: ເມື່ອກາງເດືອນມີມານີ້, ໄດ້ຮັບການລາຍງານກໍລະນີສັດປີກເຫງົາ ແລະ ຕາຍ ເປັນຈຳນວນຫຼາຍເກີດຂຶ້ນໃນບ້ານນາຕໍໃຫຍ່ ເມືອງ ແລະ ແຂວງໄຊຍະບູລີ ຈາກ ນັ້ນຂະແໜງລ້ຽງສັດ ແລະ ການປະມົງແຂວງໄດ້ນຳສິ້ນສ່ວນຂອງສັດປີກດັ່ງກ່າວມາ ກວດວິໄຈດ່ວນຢູ່ສູນວິໄຈພະຍາດສັດທີ່ກົມລ້ຽງສັດ ແລະ ການປະມົງໃນນະຄອນ ຫຼວງວຽງຈັນເມື່ອວັນທີ 14 ມີນາຜ່ານມາ ແລະ ໄດ້ພົບເຊື້ອພະຍາດໄຂ້ຫວັດສັດ ປີກຊະນິດ A, ເຊື້ອອະຫິວາ ແລະ ພະຍາດນິວຄາເຊິນ, ໃນສິ້ນສ່ວນສັດດັ່ງກ່າວ ແລະ ມາໃນວັນທີ 17 ທາງສູນກໍໄດ້ສືບຕໍ່ວິ ໄຈຊອກຫາລາຍລະອຽດຂອງສາຍພັນທີ່ເປັນສາເຫດຂອງການເກີດພະຍາດດັ່ງກ່າວໂດຍການນຳໃຊ້ເຕັກນິກ RT PCR  ສາ ມາດກວດພົບ ແລະ ຢັ້ງຢືນ ໄດ້ວ່າເປັນເຊື້ອພະຍາດໄຂ້ຫວັດສັດປີກສາຍພັນ H5N1 ທີ່ເຄີຍເກີດລະບາດມາ ແລ້ວໃນປີ 2008 ຢູ່ເຂດດັ່ງກ່າວ.

       ທ່ານ ຫົວໜ້າກົມລ້ຽງສັດ ແລະ ການປະມົງໃຫ້ຮູ້ອີກວ່າ: ສັດປີກທີ່ຕິດເຊື້ອພະຍາດດັ່ງກ່າວແມ່ນໄດ້ນຳເຂົ້າຈາກຕ່າງປະ ທດໂດຍຜູ້ປະກອບການລ້ຽງສັດ, ໄດ້ນຳເອົາເປັດ ແລະ ໄກ່ມາແຈກ ຢາຍໃຫ້ປະຊາຊົນບ້ານນາຕໍໃຫຍ່ລ້ຽງເປັນພໍພັນແມ່ພັນ ນັບແຕ່ວັນທີ 8 ມີນາເປັນຕົ້ນມາ, ພໍສັດປີກມາເຖິງບ້ານນາຕໍມື້ທຳອິດກໍຕາຍຈຳນວນ 20 ໂຕ ແລະ ເພີ່ມຂຶ້ນເລື້ອຍໆໃນແຕ່ ລະມື້ ແລະ ພາຍຫຼັງທີ່ກວດພົບເຊື້ອພະຍາດໄຂ້ຫວັດສັດປີກສາຍພັນ H5N1 ໃນວັນທີ 17 ກົມລ້ຽງສັດ ແລະ ການປະມົງກໍ ໄດ້ຮຽກປະຊຸມຄະນະວິຊາການຂອງຕົນເພື່ອວາງ ແຜນຕອບໂຕ້ໂດຍໄວ, ພ້ອມທັງແຈ້ງໃຫ້ຂະແໜງລ້ຽງສັດ ແລະ ການປະມົງ ແຂວງສົມທົບກັບກະສິກຳ ແລະ ປ່າໄມ້ເມືອງ, ອຳນາດການປົກຄອງບ້ານ ແລະ ສັດຕະວະແພດບ້ານນາຕໍໃຫຍ່ລົງຄວບຄຸມ ແລະ ສະກັດກັ້ນພະຍາດ ດັ່ງກ່າວເພື່ອບໍ່ໃຫ້ຂະຫຍາຍອອກສູ່ວົງກວ້າງ ແລະ ວາງມາດຕະ ການປ້ອງກັນບ້ານໃກ້ຄຽງເປັນ ຕົ້ນ ແມ່ນ: ຫ້າມບໍ່ໃຫ້ປະຊາຊົນ ເຄື່ອນຍ້າຍສັດປີກ ແລະ ຜະລິດຕະພັນສັດປີກອອກຈາກບ້ານດັ່ງກ່າວ ແລະ ຫ້າມບໍ່ໃຫ້ປະ ຊາຊົນສຳຜັດໂດຍກົງ ແລະ ນຳເອົາສັດ ປີກທີ່ເຈັບ ຫຼື ຕາຍມາບໍລິໂພກຢ່າງເດັດຂາດ, ພ້ອມນັ້ນກໍໃຫ້ ທຳລາຍສັດປີກໃນ ຄອບຄົວທີ່ມີ ສັດປີກເຫງົາ ແລະ ຕາຍ ດ້ວຍ ການຈູດ ຫຼື ຝັງ, ພ້ອມນີ້ກໍໃຫ້ພະ ແນກສາທາລະນະສຸກ ແລະ ພາກສ່ວນ ກ່ຽວຂ້ອງລົງໂຄສະນາໃຫ້ ປະຊາຊົນຮັບຮູ້ເຖິງຜົນຮ້າຍ ເລະ ວິທີປ້ອງກັນເພື່ອເຮັດໃຫ້ການ ຄວບຄຸມພະຍາດຄັ້ງນີ້ມີປະ ສິດທິຜົນ.