ເອດີບີຄາດເສດຖະກິດລາວຈະຂະຫຍາຍຕົວຢູ່ໃນລະດັບ 7,3% ໃນປີ 2014

       ໃນວັນທີ 1 ເມສານີ້, ຄະນະບໍລິຫານທະນາຄານພັດທະນາອາຊີ (ເອດີບີ) ປະຈຳລາວ ໄດ້ຖະແຫຼ່ງຕໍ່ສືມວນຊົນ ວ່າ: ປະ ເທດລາວຍັງຄົງເປັນປະເທດໜຶ່ງທີ່ມີເສດຖະກິດຂະ ຫຍາຍຕົວຢູ່ອັນດັບຕົ້ນໃນບັນດາປະເທດພາກພື້ນ, ເຖິງວ່າເສດຖະກິດໄດ້ຮັບຄວາມສ່ຽງ ຈາກຜົນກະທົບທາງພາຍໃນ ແລະ ພາຍນອກ ແລະ ສິ່ງທ້າທາຍຕ່າງໆທີ່ເຮັດໃຫ້ສະພາບເສດ ຖະກິດຟື້ນຄືນ ໂດຍການແກ້ໄຂບັນດາຄວາມບໍ່ສົມດູນດ້ານເສດຖະກິດມະຫາພາກ ທີ່ມີຢູ່ ໃນປັດຈຸບັນທີ່ສະແດງອອກໃຫ້ເຫັນຈາກການຂະ ຫາຍຕົວຂອງເສດຖະກິດໃນອັດຕາ 7,6 % ຂອງປີ ຜ່ານມາແມ່ນໄດ້ຮັບແຮງຊຸກຍູ້ຈາກນະໂຍບາຍງົບປະມານ ແລະ ການເງິນ ຢ່າງຕັ້ງ ໜ້າ, ລວມເຖິງການຂະຫຍາຍຕົວຂອງຂະແໜງການຕ່າງໆເປັນຕົ້ນ: ຂະແໜງພະລັງງານ ແລະ ບໍ່ແຮ່, ຂະແໜງອຸດສະ ຫະກຳ, ກະສິກຳ, ການບໍລິການ ແລະ ອື່ນໆ, ເຖິງຢ່າງໃດກໍດີສຳລັບປີ 2014 ນີ້   ຄາດວ່າເສດ ຖະກິດຂອງລາວຈະຂະຫຍາຍ ຕົວຫຼຸດລົງຈາກປີຜ່ານມາຢູ່ໃນລະດັບ 7,3% ເນື່ອງ ຈາກຈະໄດ້ຮັບຜົນກະທົບຈາກ ບັນຫາ ທາງດ້ານງົບປະມານທີ່ລັດຖະບານ ພວມປະເຊີນຢູ່, ພ້ອມທັງໂຄງການກໍ່ສ້າງ ແລະ ຂຸດຄົ້ນບໍ່ແຮ່ທີ່ຂະຫຍາຍຕົວຊ້າລົງ,

ແຕ່ການບໍລິໂພກຂອງພາກເອກະຊົນອາດ ຈະເພີ່ມຂຶ້ນຕໍ່ບັນຫາດັ່ງກ່າວລັດຖະບານຈະຕ້ອງໄດ້ສຸມໃສ່ຈັດຕັ້ງປະຕິບັດຫຼຸດຜ່ອນ ລາຍຈ່າຍເພື່ອເຮັດໃຫ້ອັດຕາການຂາດດູນ ງົບປະມານຕ່ຳລົງໃນອັດຕາທີ່ສາມາດຄົງຕົວຢູ່ທີ 3% ຂອງ ຈີດີພີ ແລະ ສິ່ງທ້າທາຍ ອີກຢ່່າງໜຶ່ງແມ່ນການເພີ່ມເງິນຄັງສຳຮອງ ເປັນເງິນຕາຕ່າງປະເທດທີ່ຫຼຸດລົງຕ່ຳຫຼາຍໃນປີ 2013,     ສົ່ງຜົນເຮັດໃຫ້ປະເທດ ໄດ້ຮັບຜົນກະທົບບໍ່ໜ້ອຍ.

        ຄະນະບໍລິຫານເອດີບີປະຈຳລາວກ່າວວ່າ: ການຂະຫຍາຍຕົວຂອງເສດຖະກິດອາຊີຕາເວັນອອກສ່ຽງໃຕ້ຍັງຈະໄດ້ ຮັບອິດທິພົນຈາກບັນດາປັດໃຈພາຍໃນປະເທດ, ຈີດີພີອະນຸພາກພື້ນຈະຂະຫຍາຍຕົວຊ້າລົງຢູ່ທີ 5,0 % ໃນປີ 2015 ເນື່ອງ ຈາກຕະຫຼາດສົ່ງອອກຍັງອອ່ນ ແລະ ຂະຫຍາຍຕົວຊ້າຄື: ປະເທດອິນໂດເນເຊຍ, ໄທ ແລະ ມາເລເຊຍທີ່ ເປັນປະເທດເສດຖະ ກິດໃຫຍ່ກວ່າໝູ່ໃນອາຊີຕາເວັນອອກສຽງໃຕ້, ທີ່ໄດ້ຮັບແຮງກົດດັນຈາກນະໂຍບາຍຂອງລັດຖະບານທີ່ຖືກຮັບຮອງເພື່ອກົດ ອັດຕາເງິນເຟີ້ລົງຫຼັງຈາກເຮັດໃຫ້ລາຄານ້ຳມັນສູງຂຶ້ນ ແລະ ຄາດວ່າໃນປີ 2014 ນີ້ການຂະຫຍາຍຕົວຂອງເສດຖະກິດພາກພື້ນ ຈະຍັງຢູ່ອັດຕາເດີມເນື່ອງຈາກຜົນໄດ້ຮັບຈາກຕະຫຼາດສົ່ງອອກທີ່ດີຂຶ້ນ ແລະ ຄາດວ່າອັດຕາການຂະຫຍາຍຕົວຂອງເສດຖະ ກິດພາກພື້ນຈະເພີ່ມຂຶ້ນໃນອັດຕາ 5,4% ໃນປີ 2015 ຫຼັງຈາກອັດຕາເງິນ ເຟີ້ຂອງອິນໂດເນເຊຍອີມຕົວ ແລະ ເສດຖະກິດ ຂອງໄທສືບຕໍ່ຂະຫຍາຍຕົວຖ້າຫາກວ່າສະພາບຄວາມບໍ່ສະຫງົບທາງດ້ານການເມືອງຢຸດເຊົາ.