ໂດຍ: ໝີດຳ
ບັນຫາປ້າຍເປັນເລື່ອງເກົ່າແຕ່ເອົາມາເວົ້າໃໝ່
ເຊິ່ງເຫັນເຕັມໄປຕາມຕົ້ນໄມ້, ເສົາໄຟຟ້າ, ຮົ້ວຮາວຊາວບ້ານ, ສວນສາທາ ລະນະ, ເຂດຊຸມຊົນ,
ທາງແຍກ, ຕາມໜ້າຮ້ານອື່ນໆ ບ່ອນໃດກໍຍັງມີ, ແຕ່ນັ້ນກໍເປັນເລື່ອງທີ່ບໍ່ດີ
ເພາະນອກຈາກຈະເປັນການຮົກເຮື້ອແລ້ວ ບາງອັນຍັງປິດບັງການສັນຈອນກໍມີອາດເຮັດໃຫ້ເກີດອຸປະຕິເຫດໄດ້ງ່າຍ,
ແຕ່ຖ້າເບິ່ງໄປຢ່າງໜຶ່ງກໍບໍ່ຄ່ອຍງົດງາມປານໃດ.
ການຕິດປ້າຍສ່ວນໃຫຍ່ເປັນການໂຄສະນາສິນຄ້າ,
ການຊື້- ຂາຍສິ່ງຂອງ, ການໂອນກຳມະສິດທີ່ດິນ, ການບໍລິການ, ການສະແດງສິລະປະ,
ການກິລາ... ແຕ່ແນວໃດກໍຂໍໃຫ້ເປັນໄປຕາມລະບຽບຂອງອົງການຄຸ້ມຄອງຈະດີກວ່າ
ແລະ ປັດຈຸບັນກໍບໍ່ຮູ້ວ່າການຕິດປ້າຍໂຄສະນາດັ່ງ ກ່າວໄດ້ຮັບອະນຸຍາດຈາກທາງການ
ຫລື ຍັງ, ມີບາງປ້າຍໂຄສະ ນາ ຫລື ປ້າຍຮ້ານບາງບ່ອນ ຍັງຂຽນເປັນພາສາຕ່າງປະເທດລ້ວນໆ
ແລະ ບາງຮ້ານກໍຂຽນເປັນພາສາລາວນ້ອຍກວ່າ ຫລື ຢູ່ລຸ່ມໂຕໜັງສືຕ່າງປະເທດ ທັງໆທີ່ນີ້ເປັນປະເທດລາວ.
ພ້ອມນີ້ ຍັງມີບາງປ້າຍໂຄສະນາຂຽນຜິດພາ ສາລາວກໍມີ, ປ້າຍເທິງຖະໜົນຄວນໃຫ້ຄວາມສຳຄັນຕໍ່ປ້າຍໂຄສະນາລະດັບຊາດ
ຄືກອງປະຊຸມໃຫຍ່ລະດັບສູນກາງ, ກອງປະຊຸມສາກົນທີ່ລາວເປັນເຈົ້າພາບ ຫລື ວັນສຳຄັນຂອງຊາດ,
ຂອງພັກ, ປ້າຍຕ້ອນຮັບແຂກຂັ້ນສູງຂອງຊາດ... ໃນຜ່ານມາເຫັນວ່າຍັງມີຮອດປ້າຍໂຄສະນາສິນຄ້າ,
ການເປີດຕົວຜະ ລິດຕະພັນໃໝ່ ຫລື ອື່ນໆ ທີ່ບໍ່ແມ່ນລະດັບຊາດອັນນີ້ກໍຄວນພິຈາລະນາວ່າຈະແກ້ໄຂແນວໃດ.
ອີກບັນຫາໜຶ່ງແມ່ນປ້າຍຢູ່ຕາມທ້ອງຖິ່ນເອົາແຕ່ຊິຂຽນ,
ບາງບ່ອນກໍເປັນພາສາລາວກັບພາສາຝຣັ່ງ, ພາສາລາວກັບພາສາອັງກິດ ຫລື ພາສາອື່ນໆຢ່າງສັບສົນ,
ບາງປ້າຍຂຽນບອກທາງ “ຮ່ອມ ຫລື ຊອຍ” ຈັກຊິເອົາອັນໃດຈຶ່ງຖືກ, ແຕ່ແນວໃດກໍຢາກໃຫ້ມີຄວາມເປັນເອກະພາບໃນການນຳໃຊ້ພາສາລາວໃຫ້ຖືກຕ້ອງ.
ດັ່ງນັ້ນ ຈຶ່ງຂໍນຳສະເໜີໄປຍັງພາກສ່ວນກ່ຽວຂ້ອງ ຈະຕ້ອງມີການກວດກາຄັກແນ່
ເພື່ອເຮັດແນວໃດໃຫ້ປ້າຍໂຄສະນາຢູ່ບ້ານເຮົາຖືກຕ້ອງກັບລະບຽບຫລັກການ.
No comments:
Post a Comment