ມອບເຄື່ອງຊ່ວຍເຫຼືອໃຫ້ປະຊາຊົນຜູ້ທຸກຍາກເມືອງສັງທອງ

          ວັນທີ 2 ເມສານີ້ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ແຫ່ງປະເທດລາວ, ພ້ອມຄະນະໄດ້ນຳເອົາເຄື່ອງຊ່ວຍເຫຼືອຈາກຜູ້ໃຈບຸນປະກອບ ມີເຄື່ອງນຸງຫົ່ມ, ເຂົ້າສານອາຫານແຫ້ງ ແລະ ອຸປະກອນການສຶກສາຈຳນວນໜຶ່ງໄປ ມອບໃຫ້ປະຊາຊົນຜູ້ທຸກຍາກຂາດເຂີນຂອງເມືອງສັງທອງ. ພິທີມອບ-ຮັບເຄື່ອງດັ່ງກ່າວ ມີຂຶ້ນຢູ່ຫ້ອງການແຮງງານ ແລະ ສະ ຫວັດດີການສັງ ຄົມເມືອງດັ່ງກ່າວ, ຕ່າງໜ້າຮັບໂດຍທ່ານ ນາງ ແກ້ວ ພົມມະລາດ, ຮອງເຈົ້າເມືອງ ເມືອງສັງທອງ, ມີອຳນາດ ການປົກຄອງ ແລະ ປະຊາຊົນເຂົ້າຮ່ວມ.

   ທ່ານຮອງເຈົ້າເມືອງສັງທອງ ກ່າວວ່າ: ເມືອງສັງທອງເປັນ ເມືອງໜຶ່ງທີ່ນອນຢູ່ໃນ 47 ເມືອງ ທີ່ຍັງທຸກຍາກຂອງປະເທດ

ລາວ, ປັດຈຸບັນເມືອງສັງທອງຍັງມີ ຄອບຄົວທຸກຍາກທັງໝົດ 24 ຄອບຄົວ, ຜ່ານມາອົງການຈັດ ຕັ້ງທາງສັງຄົມຕ່າງໆ, ລວມ ເຖິງບຸກຄົນໃນສັງຄົມແມ່ນໄດ້ໃຫ້ການຊ່ວຍເຫຼືອດ້ານວັດຖຸປັດໄຈ ແກ່ເມືອງສັງທອງຕະຫຼອດມາ ແລະ ການຊ່ວຍເຫຼືອຄັ້ງນີ້ ກໍເປັນອີກຄັ້ງໜຶ່ງທີ່ມີຜູ້ໃຈບຸນນຳເຄື່ອງມາມອບໃຫ້ແກ່ປະຊາຊົນຜູ້ທີ່ທຸກຍາກຂາດເຂີນ, ຕາງໜ້າປະຊາຊົນເມືອງສັງທອງ ຮູ້ສຶກດີໃຈຫຼາຍທີ່ໄດ້ຮັບການຊ່ວຍເຫຼືອໃນ ຄັ້ງນີ້  ແລະ ຈະນຳເຄື່ອງຊ່ວຍ ເຫຼືອດັ່ງກ່າວໄປມອບໃຫ້ເຖິງມື ຂອງຜູ້ທີ່ທຸກຍາກ ຂາດເຂີນແທ້ເພື່ອຊ່ວຍບັນເທົາທຸກໃຫ້ເຂົາເຈົ້າ, ໂອກາດດັ່ງກ່າວທ່ານຮອງເຈົ້າເມືອງຍັງໄດ້ສະແດງຄວາມຂອບໃຈແກ່ຄະນະ ທີ່ນຳເຄື່ອງໄປມອບ ແລະ ຜູ້ໃຈບຸນທີ່ໃຫ້ການຊ່ວຍເຫຼືອໃນຄັ້ງນີ້.