ສະຖານີໂດຍສານສາຍໃຕ້ຢືນຢັນບໍ່ຂຶ້ນຄ່າໂດຍສານໃນໄລຍະປີໃໝ່

      ທ່ານ ວັນເພັນ ສີສຸກ ອຳນວຍການສະຖານີໂດຍສານສາຍໃຕ້ໃຫ້ຮູ້ບໍ່ດົນນີ້ວ່າ: ເພື່ອຮອງ ຮັບຜູ້ໂດຍສານທີ່ຈະເດີນທາງ ກັບພູມລຳເນົາເຂດພາກກາງຫາ ພາກໃຕ້ໃນ ໄລຍະບຸນປີໃໝ່ທີ່ຈະ ມາເຖິງນີ້ ແມ່ນໄດ້ກວດກາສະ ພາບເຕັກນິກ ແລະ ເອກະ ສານຕ່າງໆຂອງລົດພ້ອມທັງຈັດສັນ ລົດໂດຍສານປະມານ 30 ຄັນໄວ້ບໍລິການຜູ້ ໂດຍສານແຕ່ລະວັນ ແລະ ຈະບໍ່ຂຶ້ນລາຄາຄ່າ ໂດຍສານເດັດຂາດ, ໂດຍມີການກຳ ນົດລາຄາໄວ້ຄື: ລົດທຳມະດາ ສາຍວຽງຈັນ-ປາກເຊ ລາຄາ 110.000 ກີບ, ລົດປະເພດ 140.000 ກີບ ແລະ ປະເພດໜຶ່ງ 170.000 ກີບຕໍ່ຄົນ, ສ່ວນ ແຂວງ ອື່ນໆເປັນຕົ້ນ: ບໍລິຄຳໄຊ, ຄຳມ່ວນ ແລະ ສະຫວັນນະເຂດກໍວາງລາຄາຫຼຸດລົງຕາມລຳ ດັບ. ເຊິ່ງຮັບປະກັນວ່າຈະສາມາດຕອບສະໜອງການເດີນທາງໄປ-ມາຂອງປະຊາຊົນໃນໄລຍະ ປີໃໝ່ນີ້ໄດ້ຢ່າງພຽງພໍ ແລະ ປອດໄພດີ.