ຫວຽດຕິນແບ໋ງເປີດກ້ວາງຕາຫນ່າງການບໍລິການ

       ພິທີເປີດຫ້ອງການບໍລິການ ຂອງຕົນທີ່ເມືອງປາກເຊ, ແຂວງຈຳປາສັກ, ໄດ້ມີ ຂຶ້ນໃນວັນທີ 29 ມີນານີ້, ໂດຍການໃຫ້ ກຽດເຂົ້າຮ່ວມຂອງທ່ານ ຈະເລີນ ເຢຍ ປາວເຮີ ກຳມະການສູນກາງພັກ, ລັດຖະມົນຕີກະຊວງຍຸດຕິທຳ, ທ່ານ ສອນໄຊ ສີພັນ ດອນ ກຳມະການສູນກາງພັກ, ເລຂາພັກແຂວງເຈົ້າແຂວງຈຳປາສັກ, ທ່ານ ສົມພາວ ໄພສິດ ປະທານ ທະນາຄານແຫ່ງ ສປປ ລາວ ແລະ ທ່ານເອກອັກຄະລັດ ຖະທູດ ສສ ຫວຽດນາມປະຈຳລາວ, ພ້ອມດ້ວຍຄະນະບໍລິຫານງານທະນະຄານດັ່ງກ່າວເຂົ້າ ຮ່ວມນຳດ້ວຍ. 

     ທ່ານ ຟາມຮຸຍຮຸ່ງ ປະທານສະພາບໍລິຫານທະນາຄານ ຫວຽດແບ໋ງ, ໄດ້ມີຄຳເຫັນໃນພິ ທີວ່າ: ນັບແຕ່ເດືອນກຸມພາ 2012, ທະນາຄານຫວຽດຕິນແບ໋ງໄດ້ເຂົ່າມາເປີດສາຂາທະນະຄານ ຂອງຕົນໃນລາວ ແລະ ຕະຫລອດ ໄລຍະເວລາດັ່ງກ່າວ, ຫວຽດ ແບ໋ງສາມາດດຳເນີນທຸລະກິດ ຢ່າງມີຜົນສຳເລັດສູງຄື: ປີ 2013 ຜ່ານມາ, ບັນລຸຕົວເລກລາຍຮັບ ໄດ້ຫລາຍກວ່າ 3,46 ຕື້ໂດ ລາສະຫະລັດ ຫລື ປະມານ27,68 ຕື້ ກີບ, ມີຜົນກຳໄລຫລາຍກ່ວາ 1 ລ້ານໂດລາ ຫລື ປະມານ 8 ຕື້ ກວ່າກີບ ແລະ ມີຍອດ ກຳໄລ ສຸດທິ 8 ແສນໂດລາ ຫລື ປະມານ 6,4 ຕື້ກີບ.   

          ການເຂົ້າມາເປີດຕົວແທນ ຈຳຫນ່າຍຜະລິດຕະພັນຂອງຕົນຢູ່ປາກເຊນີ້, ກໍເພື່ອແນໃສ່ຂະຫຍາຍການຕະຫລາດລົງ ສູ່ຮາກຖານການຜະລິດຂອງລາວນັບມື້ຫລາຍຂຶ້ນ ແລະ ສາມາດຕອບສະ ຫນອງຄວາມຮຽນຮ້ອງຕ້ອງການຂອງສັງຄົມ ແລະ ບັນດາ ຫົວຫນ່ວຍທະລະກິດຂອງຫວຽດນາມທີ່ເຂົ້າມາລົງທຶນຢູ່ລາວນັບມື້ກວ້າງຂວາງ ແລະ ມີຄວາມ ສະດວກຫລາຍຂຶ້ນ. ປະກອບ ສ່ວນສຳຄັນເຂົ້າໃນການກະຕຸກຊຸກຍູ້ການຄ້າ ແລະ ການລົງທຶນ ລະຫ່ວາງສອງຝ່າຍລາວ - ຫວຽດນາມ, ໄດ້ເຕີບ ໃຫຍ່ຂະຫຍາຍຕົວ. ໃນໂອກາດອັນສະຫງ່າລ່າສີນີ້ທະຄານຫວຽດແບ໋ງ ກໍຂໍ້ປະຕິຍານຕົນເອງວ່າ: ຈະເຮັດສຸດຄວາມສາມາດ ຂອງຕົນໃນການດຳເນີນທຸລະກິດຢູ່ລາວໃຫ້ຖືກຕ້ອງຕາມລະບຽບກົດຫມາຍ ແລະ ຂໍ້ກຳນົດຕ່າງໆຂອງລັດຖະບານລາວ ກໍຄື ລະບຽບຫລັກການຂອງທະນາຄານແຫ່ງ ສປປ ລາວ ວາງອອກ, ເຄື່ອນໄຫວຢ່າງມີຄຸນນະພາບ, ປະສິດທິຜົນ, ຮັບປະກັນ ຄວາມປອດໄພ ແລະ ໂປ່ງໃສ ແລະ ຂະ ຫຍາຍຕົວເພື່ອກາຍເປັນທະນະຄານທີ່ໃຫຍ່ ແລະ ມີຊື່ສຽງໃນລາວ.   

    ໃນໂອກາດນີ້ທ່ານເຈົ້າແຂວງ ສອນໄຊ ສີພັນດອນ ກໍໄດ້ສະແດງຄວາມຍ້ອງຍໍຊົມເຊີຍທີ່ທະນະຄານດັ່ງກ່າວໄດ້ມີຄວາມຈິງ ໃຈມາເປີດສຳນັກງານຕົວແທນຈຳຫນ່າຍຂອງຕົນທີ່ດິນແດນພາກໃຕ້ລາວແຫ່ງນີ້, ນອກຈາກຈະ ຊ່ວຍໃຫ້ທຸລະກິດຂອງທະນະ ຄານຫວຽດຕິນແບ໋ງ ມີບາດກ້າວ ເຕີບໃຫຍ່ຂະຫຍາຍຕົວແລ້ວ, ຍັງຈະເປັນການປະກອບສ່ວນສຳ ຄັນໃນການພັດທະນາເສດ ຖະກິດ - ສັງຄົມຂອງທ້ອງຖິ່ນໃຫ້ມີຄວາມເຂັ້ມແຂງຍິ່ງຂຶ້ນກ່ວາເກົ່າ, ປະກອບສ່ວນເຂົ້າໃນການເພີ່ມພູນຄູນສ້າງການພົວ ພັນ ຮ່ວມມືພັດທະນາລະຫ່ວາງສອງປະເທດເຕີບໃຫຍ່ຂະຫຍາຍຕົວຕາມຄວາມມຸ້ງຫວັງຂອງປະຊາຊົນສອງຊາດລາວ-ຫວຽດ ນາມພວກເຮົາ.