ຮອງນາຍົກລັດຖະມົນຕີ ສົມສະຫວາດ ເລ່ັງສະຫວັດ ຕ້ອນຮັບຜູ້ຕາງຫນ້າອົງການສະຫະປະຊາຊາດເຂົ້າອຳລາ

      ໃນວັນທີ 14 ພຶດສະພານີ້ ຢູ່ຫ້ອງວ່າການລັດຖະບານ, ທ່ານ ສົມສະຫວາດ ເລັ່ງສະຫວັດ ຮອງນາຍົກ ລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າ ຢ້ຽມຂຳ່ນັບອຳລາຂອງທ່ານ ມິນ ຟາມ ຜູ້ປະສານງານຂອງອົງການສະຫະປະຊາ ຊາດ ເພື່ອ ການພັດທະນາ UNDP ປະຈຳລາວ ພາຍຫລັງທີ່ທ່ານໄດ້ສຳເລັດການ ປະຕິບັດຫນ້າທີ່ຢູ່ລາວ ເປັນເວລາ 3 ປີກວ່າ.

      ໃນໂອກາດນີ້ ທ່ານ ສົມສະຫວາດ ເລັ່ງສະຫວັດ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳ ເລັດໃນການປະຕິບັດຫນ້າທີ່ຂອງທ່ານ ມິນ ຟາມ ໃນໄລ ຍະຜ່ານມາອັນເປັນການປະກອບສ່ວນເຂົ້າໃນການເສີມຂະຫຍາຍສາຍພົວ ພັນ ຮ່ວມມືເພື່ອການພັດທະນາລະຫວ່າງ ສປປ ລາວ ກັບອົງການສະຫະປະຊາຊາດ ໃຫ້ນັບມື້ຂະຫຍາຍຕົວເປັນກ້າວໆ. ທັງເປັນການປະກອບສ່ວນອັນສຳຄັນເຂົ້າໃນການຈັດຕັ້ງປະຕິບັດ ແຜນພັດທະນາເສດ ຖະກິດ-ສັງຄົມຂອງ ສປປ ລາວ ໂດຍສະເພາະການສະຫນັບສະຫນູນ ຂອງອົງການ ສປຊ ໃຫ້ມີການເຕີບໂຕທີ່ຍືນຍົງການ

ກໍ່ສ້າງພື້ນຖານໂຄງລ່າງການພັດທະນາ ຊັບພະຍາກອນມະນຸດ, ວຽກງານຄຸ້ມຄອງທີ່ດິນ, ສິ່ງແວດລ້ອມ ແລະ ຊັບພະຍາ ກອນທຳມະຊາດໃຫ້ມີຄວາມຍືນຍົງພ້ອມນີ້ທ່ານຮອງນາຍົກລັດຖະມົນຕີຍັງໄດ້ອວຍພອນໃຫ້ທ່ານ ມິນ ຟາມ ຈົ່ງມີສຸຂະ ພາບເຂັ້ມແຂງ ແລະ ປະສົບຜົນສຳເລັດໃນການປະຕິບັດຫນ້າທີ່ອັນໃຫມ່ທ່ານ.

      ທ່ານ ມິນ ຟາມ ກໍໄດ້ສະແດງຄວາມຂອບອົກຂອບໃຈຕໍ່ການ ຕ້ອນຮັບຂອງທ່ານ ຮອງນາຍົກ ລັດຖະມົນຕີກໍຄືລັດຖະ ບານ, ປະ ຊາຊົນລາວທີ່ອຳນວຍຄວາມສະດວກ ແລະ ໃຫ້ການຮ່ວມມືທີ່ດີຕະຫລາດໄລຍະການປະຕິບັດຫນ້າທີ່ຢູ່ລາວຂອງ ຕົນພ້ອມທັງຢືນຢັນຈະສືບຕໍ່ໃຫ້ການຊ່ວຍເຫລືອ ແລະ ສະໜັບສະຫນູນ ການຮ່ວມມືເພື່ອພັດທະນາລ ຫວ່າງ ສປປ ລາວ ແລະ ອົງການສະຫະປະຊາຊາດຕໍ່ໄປ.